已經人地d抗念珠菌飲食法, 不過可能真係戒唔清, 咖啡點都戒唔到, 想問下各位JM有冇斷尾偏方?
之前有類似嘅post，值得參考
1個讚
之前下面成日斷斷續續唔舒服, 後來發現係舊廁紙污糟, 同埋水箱d沖廁水好多菌。後來轉左個密封既廁紙架又用藍泡泡就無事
2個讚
更換新1批內褲，每日最少早晚換1次，或中午多1次。轉用純水(bb用)濕紙巾清潔。
如果而家發緊就先睇醫生，塞藥。之後戒甜野，食專for 女性 益生菌，堅有用。
2個讚
我試過有半年non stop 咁出現，睇曬婦科，普通科，塞藥買藥膏查都無用
之後因為一啲原因要介糖，再加每日著紙底褲，日日掉就完全無發過好多年。依家keep住介甜，但無就換返洗得既底底。
明白真係好唔舒服，好痕，尤其依家咁熱，周身出汗仲辛苦。
如果出街去洗手間，記住唔好郁佢哋啲紙巾呀。
除左介口仲有運動 要提早成個人免疫力先得
同意樓上所講，唔好用街外廁所嘅廁紙。
就算屋企，都要用品質好嘅牌子。
不過首先要去婦科醫生度驗吓，種吓睇吓係咩菌，有時痕唔一定係念珠菌，我試過係大腸桿菌。
食一次醫生嘅藥，清晒所有菌之後，換過批新嘅底褲。
屋企廁所板要搵消毒劑抹一抹。
用護墊（要勤換）
最有用都係飲紅苺汁
通常翻發都係嚟m前後日子
一日兩杯
真係Work
2個讚
有冇驗過除咗念珠菌之外，有冇其他菌？
我之前醫生幫我驗，念珠之外仲有B型鏈球菌，醫生開藥比我食，用嚟治個B型菌。但我唔肯食，因為我好憎食藥。到覆診醫生勸我食，結果食咗好快念珠都無事。我相信兩者係有關係的
請問你食邊隻女性益生菌？謝謝
咦，應該係唔好用護墊喎，我醫生話如果真係要用，要換得好密，起碼每次去廁所就換新嘅。
我以前念珠菌唔算好勁，約每一、兩年翻發。
我改哂用全棉底底，棄用護墊，就好幾年先翻發。
戒甜之後，更是未發過。
2個讚
係呀，千祈唔好用護墊。
除非你真係特別多分泌物，如果唔係一般純棉嘅內褲已經可以。
護墊始終無咁透氣，就係大忌。最好用棉質內褲，吾好著緊身衣褲，可以的話著裙，或透氣通爽啲褲，盡量通風通氣。仲有吾好用個啲咩清洗陰道既液體，因會殺死埋益菌。保持清潔，可多食yogurt,儲多啲益生菌，慢慢會越嚟越好的。
戒糖、注意衛生，唔好用公廁嘅廁紙，我日日用護墊、換過批新嘅底褲
食益生菌同增強抵抗力嘅supplement
我同念珠菌都戰鬥左好多年，抵抗力一差小小就會嚟
宜家試緊食田心日辰nmn，日日做運動，呢排都冇事發生
I herb 訂，我 keep住食左2年都冇翻發，雖然甜野真係戒唔哂，但少食左好多。at least 叫凍檸茶走甜，咖啡吾落糖，唔好飲有糖份飲品
我有一排都不停翻發, 換晒純棉內褲, 用女性部位清潔液, 每日食維他命C增強自身免疫力, 慢慢就好轉