無論係大抽獎前申請，定係事後叩門，係咪普通卷幼連面試機會都未必有？
都唔係嘅，我小朋友讀卷幼，都考到三私一直其中一間，其實邊間幼稚園都係靠家長發力
點會呢？
有啲學校會安排所有有交表嘅可以面試，有啲就揀人見，揀人準則無人知，但正常同小朋友讀私校定係卷幼無關係
只講面試，讀咩幼稚園都會俾你面試 （因為收咗你面試費）
1個讚
無直接關係，我個仔十幾年前都係讀用學卷嘅幼稚園。 我無記錯嘅話佢當年 in 10 間 有 7 間直私小學收佢。
我個細女讀私幼，in 小學全炒，等大抽獎。
直私 - 報左名一定有面試/拍片, 不分私幼卷幼
叩門 - 某些學校要求111/110或揀人見(咁私幼可能有優勢)
你小朋友一定有野好出色，可唔可以請教下家長點樣發力？
因為想頭幾年親自湊建立好習慣品格，所以做ftm, 亦因為咁，學費係一個考慮，所以小朋友讀卷幼。一開始就知學術語景一般唔夠私幼黎，但當時諗，如果唔係要超前好多神童咁樣，幼稚園既野係咪可以自己教？
最近放榜叩門新聞多，又loop下，再諗下呢個問題。。
好，總之都係試左先
係喎，呢樣好有說服力
最後派得好嗎？
呢家唔係啦，有d收portfolio 先既學校會reject/ waiting, 連zoom in 都無就88左。
讀邊間幼稚園係無關係的。最主要睇小朋友性格，面試肯唔肯講野，係咪presentable.
掉返轉，有見過名幼/龍幼家長blame返轉頭，話因為間幼稚園往年學生都棄offer多，所以就好手緊唔揀呢d學生。
總之咩都有人講。
1個讚
咁又唔係，好主要睇家長。我有舊同事仔仔讀卷幼，谷足3年都入到陳守仁。我仔仔學校都係卷幼，每年都有幾個畢業生考入不錯嘅直私。
至於講著數，我諗真係讀d好有歷史好名幼(not just 私幼)出名到全香港小學校長都識同埋一聽個名就知有品質保證個種幼稚園，先會係最後最後關頭(maybe 叩門)叮噹馬頭下有多少少勝算比人揀。我有親耳聽過有老師話著住某幼稚園校服去interview 勝算高d(唔好問我邊間啦唔會講，我當佢吹水)，搞到呢家好多私幼都著住校服interview。
但係！有幾可會有呢種情況爭持到最後一刻呢，唔好諗學校問題，諗下點樣自己栽哉好個細路更好。
唔關係
除非你考名直私，依類一向都係爭崩頭
小一有報名多數都可以去面試，去校網留意下報名日期，有D直資/私立報名日期已經截止。
我同意要好好栽培小朋友，但有時都栽到有d迷，有時現實生活搵唔到人分享，想係度請教下各位有經驗既媽媽。
我地無超前，著重培養性格同基本能力，例如大小肌肉發展、社交溝通技巧、專注力、想像力、解難能力、抗逆能力等等。由小朋友1歲開伴讀到而家k1，其實咁細個，我真係只想佢培養閱讀興趣，咩題材都睇下，但為左考小一，不得不要佢認字，中文睇基礎漢字500，岩完左藍色個套準備開始綠色，自己教phonics, 暫時可以自己讀到Ort lv 3, 英文始終無語景俾到佢，聽講對答係ok的，但絕對未可以好似中文咁暢所欲言，更加有排都未講到故事，我只求佢考小一既時候能夠言之有物，我成日有個問題「仲要做乜野先夠？」
其實，我並無覺得直私一定比官津好，只係唔想對大抽獎呢d咁掌握唔到既事情，企係度等運到，唯有跟著個遊戲玩，equip小朋友有選擇既機會。
Sor, 長左，一個迷惘的人上
謝提醒，我小朋友只係k1, 暫時都係了解學習中。
唔係，唔關事。
都係嗰句，嗰啲幼稚園個升小方向都係直私，家長都係，咁所以目標一致，校內啲活動同面試準備活動都係迎合考直私。卷幼一般都係等派位，目標唔係入直私，咁所以呢方面支援唔係咁大。
但家長最重要，你有心有計劃去栽培一定有著落。“心” 不止金錢，而係有冇耐性全部同小朋友一齊做。
自己讀到ort 3 好好啊
k1 讀到ort3 wo～ 我地k1 學校都係用緊ort level 1 書ja
。
就咁睇都已經好好啦。k2 係會開始講故事既，慢慢教啦。
如果覺得掌握唔到就考下直私測試下實力lor, 既然唔係非直私不可，咁心態上就更輕鬆啦。