我正正係叩門階段，感想係，你操到小朋友幾TOP打好晒個底。你要預有心理準備小朋友唔喜歡間小學，或者遇著面試考到小朋友最弱個項，可以表現得好差，幾心儀都無用。
好似最近我小朋友面試地區一線大熱小學，今年佢唔考小朋友學術，剩係吹水題，介紹自己講下日常生活表演下。
如果小朋友組織能力差表逹能力差，就好易出事。
1個讚
除認讀外，可以多啲帶小朋友出去行吓，問多啲日常生活嘅open ended questions，考小有時都會問吓情景題，會睇到小朋友解難能力同表達能力
引導小朋友多角度思考，呢啲唔單止幫助考小學，仲可以訓練到佢哋多動腦筋同學習分析
考直私真係好大壓力㗎。
我試過夢到得罪校長，又夢過同校長parent interview
考一次個人都散哂 (我)
唔同直私有唔同要求，建議諗諗目標係邊0的先
1個讚
非常同意
如唔一定要讀直私，我覺得順自己心意走就得
我覺得你已經超前咗好多，K1已經漢字同Ort 
我小朋友K2，之前最主要都係伴讀中文圖書，學校教嘅中英文都識講咋，之前都冇乜點谷，係而家先開始英文外補同司儀班練習下
其實係香港嘅教育方式逼到家長係咁谷小朋友，做幾多都好似唔夠咁…
如果並無心儀直私，可以留意定自己個區派位排位策略
我有朋友對仔女讀緊間二線，評價好好，大女讀得好有自信，順利升上band 1A。而我知道呢間擺第二志願十拿九穩，而第一志願我放某女校，因為8返黎（通常公園啲小朋友媽媽）同區並不如外人所想咁多人抽呢間，有些有細佬想讀男女校有些怕谷有些南亞或手持直資唔會抽。結果順利中第一志願。雖然中第二志願我都好滿意。相反，有朋友好心儀呢間女校但不夠膽搏要左二線直資，無得抽獎而家好辛苦周圍叩門。所以我的建議就係唔好跟風要左唔心儀直資。抽獎嘅野其實計下數，可能2抽1架咋（特別單性學校），比起考直私叩門30揀1易好多
1個讚
考直私我真心建議搵面試班，其他野可以唔洗外補，但面試班一定要
我個時大仔k2升k3暑假先上，上左先知原來好多野可以唔做（例如數學只係二十內加減就夠，無必要考cert），重點執講故事同對答，最後結果好好。我覺得面試班最大作用係俾到個範圍俾父母，唔會做過籠搞到父母小朋友都burn out，過程中亦唔會太緊張。
利申：只係過來人經驗，同任何面試班並無關係
1個讚
你講嘅都做咗，有多冇少呀。
不過真係緊張咗幾年呀，從佢未夠一歲就plan，到臨考真係好大壓力，小朋友反而冇壓力(性格carefree)，人問佢就答，絕冇怯場 
1個讚
我係掉返轉，絕對唔搵面試班，因為睇過太多comment 話堂堂鬧小朋友鬧到無晒自信，連帶父母都驚埋，更加地chur 個小朋友攪到2邊都burn out.更甚者，連價值觀都教錯埋，話考唔到名校就係地底泥父母會好唔開心，太商業了，真係唔需要為左生意出多個晒命post 攪成咁。
如果搵面試班可以達到上面comment 既效果係絕對好，只不過我見到都係負面多。我就清楚範圍，亦分析到邊d垂手可得邊d係陪跑，所以無特別chur 又無考cert 都有offer.
1個讚
true. 如果一心打算大抽獎，個d 考直私只當warm up同back up, 心態就輕鬆好多。只不過可能要操小朋友操到去叩門，到時可能要小一上學期or even 下學期既level 了，仲要識做卷。
我有玩大抽獎，所以唔比抽獎既直私一律filter 走，唔駛煩。
1個讚
我自問有「心」，亦覺得呢樣係我to the best最能夠俾到小朋友既野，只係唔知方向方法岩唔岩。有時好矛盾，覺得學習係長遠既，唔同階段會有最適當既發展，讀書亦唔係人生既全部，但如果唔助攻下，又點過到小一呢關，而呢關又的確好影響以後發展。
平時有認sight words,一click到cvc就快左
我地學校仲未教完26個英文字呀，媽呀我真係接受唔到
多謝你既分享。想問下叩門時考吹水題係咪都prelim左小朋友學術？如果唔係既話間小學係咪都偏向活動教學？
係既，結果係好臨場，只係希望有時間預備既時候盡力去做，就算考唔到都應該總有得著掛
好好既提議，多謝你
我會努力架喇
我未去熟悉所有直私，暫時target陳守仁
我都聽過同一中心有人讀完有bad feeling。我慶幸暑假先上，上左唔太長時期，又咁啱個老師唔係center嘅出名老師，所以婆婆係出面聽到佢地都係上得開心嘅。
不過坦白講，我第二個小朋友就真係無上啦。一心一意諗住就近入讀，等抽獎。我第二個小朋友無操佢做小一練習呀，因為我8左朋友間二線，只係讀下生字 英文書就得，所以就好平常心。
我個間都券幼k1，按進程已教晒26字英文大細階同埋呢26個音既phonic sounds。因為繪本教學，所以其中一本繪本用ort level 1既某本書。
我最surprise 係小朋友斷斷續續上堂都仲記得個26隻字既phonic sounds， 無mix up.