好奇點為止誠懇? 雖然自問有心做 但對方係咪咁諗又係另一回事
p.s. 勞工處/erb所謂就業跟進冇用呢個係事實 唔係如果
男仔三十幾歲有氣有力、試下讀綠卡做地盤？
我冇見過你、唔識你
但如果你見過咁多份OA都唔得、咁你一定係有啲特質、令人覺得你唔適合……
馬死落地行、放棄呢條路先、揾啲要勞動力嘅。
唔好死諗爛諗點解見唔到OA
你諗下、啲印巴、南亞、字都唔識、廣東話又唔係好識都喺香港揾到工、佢哋問題更加唔係空白期咁簡單、你都要諗下方便去擺脫自己嘅問題。
1個讚
如果我係案中主角, 我會有工就做, 不論清潔速遞送水地盤
一直見一直搵, 直到有人請.
因我明白, 宜家係工簡我, 不是我簡工.
3個讚
(見到以下post就覺得好唏噓 完全係弱勢社群寫照)
(雖然明知借財仔/貴利賭錢死路一條 但係走投無路+失去理智下睇怕只能焗住咁做都唔定 即使結果輸錢+欠債居多 亦越黎越理解賭徒心理)
銷售經理扮工10年破產 尋死前才致電求助
翁麗萍分享早前接觸到的一個求助個案，故事中的主人翁陳先生（化名）多年來任職銷售經理，年過半百卻失業，難以找到同類工作、又因自尊心而不願嘗試其他工種，於是他過著「10年扮工」的生活，直至收到一封律師信，絕望的陳先生站在西貢碼頭欲跳海輕生。或許他想在離開人世前找人傾訴心中苦，臨跳海前，他撥打了明愛財困及債務專線，告訴電話那頭的社工自己想跳海，社工叫他到明愛中心，陳先生上到中心後，只在表格填了名字便走了，「佢仲未準備好去同社工傾」。
陳先生租住了賓館，期間社工一直致電給他跟進，終於陳先生同意再次到中心，他帶同自己的法庭文件，揭開自己扮工10年的故事。原來陳先生有一個很舊的物業，扮工10年仍可繼續給家用，是因為他用層樓去借「財仔」，面對高昂的利息，他沒錢還，直至收到收樓書，他知道一切都完了，「佢嘅物業已經無咗，已經收到收樓書，佢要點同太太仲有阿仔交代？佢面對唔到。」為免陳先生做傻事，翁麗萍稱安排了陳先生入住明愛宿舍，同時為他安排免費法律諮詢。
向太太下跪鞠躬 相擁痛哭
社工其後聯絡了陳先生的兒子，「阿仔覺得好突然、難以置信，佢問咗好多問題，又好擔心媽媽，佢原諒唔到爸爸點解唔早啲同佢哋講，」翁麗萍稱，由於陳先生太遲求助，最後亦只能破產，惟太太知道事件後，仍很想與丈夫見面，「個男人唔係好願見太太，覺得自己做錯咗，因為佢哋本身係小康之家，依家咩都無晒，接受唔到。」惟最後兩人還是見面了，「嗰幕我好深刻，太太坐喺到，先生係樓上宿舍落嚟，見到太太即刻下跪，鞠咗3個躬，我對你唔住，然後兩人係咁喊。」
基於自尊心作祟而「扮工」10年，陳先生背後又承受著多少的不安與壓力呢？翁麗萍稱，陳最後破產了、房子沒有了，與妻子住在劏房，「男人可能都係自尊心嘅問題，認為自己可以解決，好多時都係去到好絕望，佢處理唔到先求助，有時我覺得太遲。」
翁麗萍認為財困者或其家屬應及早求助，今年初一名銀行經理因債務纏身而輕生的新聞報導刊出後，向晴軒收到不少銀行職員家屬致電求助。其中一名女士的丈夫是銀行職員，同樣面對大筆債務問題無法處理，丈夫更透露自己會在農曆年後輕生，希望能與太太好好度過餘下的日子，該位太太於是及早致電求助，社工著她不要怪責丈夫，「因為佢都唔想， 縱使佢搞到咁大件事，佢都也承受咗後果、冇咗份工作。」太太於是為丈夫安排律師諮詢、問家人能否籌款等，為免追債影響其他同事，她更辭去工作，一直陪在丈夫身邊，惟因債務龐大，最後仍要破產。但丈夫稱，因太太沒有罵他，反而一直在幫他想辦法，令他不再有輕生念頭，因此非常感恩，覺得自己要改過，不能辜負太太。
原文網址: 失業男扮工10年 按樓借財仔畀家用 社工指男士遇財困不願求助 | 香港01
oa只係其中一個例子(有d公司只寫中三程度)
另外如果再報erb唔收(衰係對方尖銳提問下) 咁又應該點自處?
佢個自尊心都好貴
好多人冇報過Erb 都揾到工
你有冇揾過洗碗清潔之類？
其實有見過類似寫明"學歷/經驗不拘既工(例如倉務)
點知都一樣唔得呢下真係好難唔心灰(就係咁先忍唔住上黎問/呻)
(已經唔介意體力勞動 本來仲諗住由呢到開始做起攞經驗 結果都係唔得 主要對方第一句都係問空白期已經唔知點算)
你嘅衣著、髮型係點？
身型係好瘦果啲？
當然自問做到盡量整齊/整潔(包括定期剪頭髮) 但外貌/皮膚呢樣就冇得變 (除非化妝/整容)
(身型只能話中等身材)
佢問空白期、你答左啲咩、咩語氣
上面都講左
離唔開不停遊花園搞到支支吾吾/答非所問 除左咁都唔知點答好 因為空白期/無業背後原因通常都有難言之隱先搞成咁 試問邊可能照直講
(p.s. 疑心重/懷疑人應該係hr/部門主管天職/先決條件?)
(以下post亦有講跨性別人士亦係極難搵工既弱勢社群)
(雖然自己冇打算變性 但亦唔多唔少理解到佢地心理)
【本報訊】一名變性人過去五年以來四出求職，因一張沒法改變性別的會考成績證明書，令她長期遭人白眼不獲聘用。她多番向考試及評核局要求更換新的證書，反而取回一張同時出現兩個性別的證書，令她更陷窘境。變性人去年向平等機會委員會求助，經過一年斡旋，事件終露曙光，考評局向她致歉及發出新證書，並承認前線人員敏感度不足，願實施新政策來處理日後同類個案。
二十多歲的J小姐五年前接受男變女的變性手術，由於會考成績單上的資料並未更新，一直找不到工作，她曾向考評局申請換領一張更新個人資料後的成績單，當局卻給她一張同時列載了變性前後的兩個性別及兩個姓名，變相將其變性人身份公開。直至去年十月，她再向考評局申領理論，考評局願稍作妥協，在新成績單上刪除了兩個性別，但堅持保留兩個姓名。J小姐認為事件牽涉歧視，加上考評局拒絕再發第三張成績單給她，J小姐遂透過性權會與考評局交涉。
平機會允介入事件
J小姐因不想曝光，故同時委託性權會向平機會求助，平機會一度因為性權會是否可代替J小姐向平機會申訴而引起爭論，經研究半年後終答允介入事件，與考評局展開交涉。歷經大半年的商討，雙方在上月終達成共識，考評局副秘書長張永明昨日表示，兩周前已向J小姐發出新的成績證明書，並承認是觸覺不足，令事件拖延甚久，已向J小姐道歉，並承諾會作出六項新措施處理變性個案，以後尊重跨性別人士的取向。
擁有一把女性溫婉聲音的J小姐昨日在記者會上接受電話訪問，她坦言，獲新證書後不久，便得到新工作的第二輪面試機會，雖未算成功就業，但終於可以做回一個正常人，她感到很高興，但同時回憶過去一年與考評局的糾纏，可謂是陷於掙扎及痛苦之中，「點解咁普通簕一件事，都要我痛苦咁耐？」性權會主席邵國華亦批評，考評局最初的處理手法嚴重出錯，也完全不尊重J小姐的個人私隱。
改資料不存在隱瞞
對於有外界質疑考評局輕易作出妥協，猶如協助變性人一同隱瞞僱主，更恐怕因此會出現漏洞，造成日後有人擅改成績單的個人資料。立法會議員張文光則表示不存在有隱瞞的成分，因為一張成績證明書對學生來說，是為將來所用而非作紀念，有現實的需要，因此考評局不應執拗於考試時的性別，而應尊重對方的選擇及私隱，考評局之前的做法反而是沒有與時並進，而因更改成績單的個人資料時必須提交身份證，因此不擔心會造成漏洞。
點解唔可以照直講
請要勞力入門低嘅工種、其實都唔會預你有幾勁定點、反而見工講野唔老實、好似有野隱瞞我唔會請、唔想請個唔老實嘅人反嚟。
同樣CV太好都叿會請、可能騎牛揾馬
2個讚
因為等同自揭瘡疤/花式自殺 因為對方普遍都會戴有色眼鏡睇你 驚死請左你會陀衰家
(另外可能每個人唔多唔少都有不堪回首既過去 如果咁都要俾人挖返出黎講真係好無言)
(唔係話偏見 但地位越高同理心越低呢個亦係事實)
改左名喎truth21
7個讚
咁又唔得咁又唔得、咁你攬住你嘅理由同藉口繼續安於現狀，繼續去怪人哋歧視你啦
6個讚
所以煩緊唔知點算好 人言可畏(好難唔在意外界眼光)
就連報erb個下都驚d櫃枱戴有色眼鏡睇自己 (雖然最後入到班 但下次就肯定極難再入到)
唔好話人哋唔係歧視你、就算真係比人歧視緊、你更加要爭扎去上。
你識廣東話、識字、唔會比啲南亞人條件差、你講嘅空白期唔會係治命傷、你係都要拎住呢個理由話空白期係死罪、咁點解南亞人都有人請？
2個讚