(以下post大致講晒所有弱勢社群極難搵工既深層次問題)
事主分享：小弟今年32歲，係一名性格內向、不善辭令嘅毒男，自從2007年中五畢業，喺會考得到0分之後，試過見工但都無人請我，呢件事令我受到好大打擊，因此意志消沉，做咗雙失青年3年後，先「重新振作」開始再搵工。
雖然好多招聘廣告都聲稱「無需經驗」，但見工嘅時候，又畀人問關於空白期嘅嘢，令我覺得自己好似畀人挖瘡疤咁，而對方亦只會覺得我影衰公司，最後當然食白果，而我嘅身心亦再次受創，並跌落谷底。
其實我有諗過做兼職「填補」空白期，但可惜兼職多數都係服務性行業，經常要對住啲客人，好似便利店同快餐店職員，我自問應付唔到呢類型嘅工作，不過我都有硬住頭皮試一試，鼓起勇氣申請兼職，但發現自己無畀人請到，嗰刻真係覺得徬徨，同時亦有好黑暗嘅感覺。
雖然每日都有留意招聘廣告、嘗試搵工，但到見工又嘅時候，就總係會因為空白期嘅問題，而令我覺得好尷尬同無地自容，最後當然又係食白果，呢個情況不停重覆、惡性循環。時間不停流逝，直至而家我已經有15年空白期，並無工作經驗，相信而家嘅我已經畀大眾標籤為「隱青」，甚至連屋企人都覺得我係懶、hea，係一個廢人，但事實上我係有盡力搵工，只係完全無結果，有得揀邊個想自己無工返？可惜大多數人都唔會明白我嘅苦況。
而家無力感越黎越重，同時亦感覺到徬徨，我直程覺得自己完全翻唔到身，甚至有人生已經完咗嘅感覺。而家過緊行屍走肉嘅日子，只係過得一日得一日，好似等緊死咁。我好似只能夠拎綜援，但又怕自己會繼續受人白眼。
15年嘅空白期，令我好怕再見返認識嘅人，因為好怕自己會畀人問近況，而家返緊咩工，呢啲時候好想搵窿捐，曾經有好多人都建議我，搵嘢嚟讀或者進修，但對於隱青或者無業人士嚟講，邊有可能負擔到學費，資助我都唔諗，因為只係變相負債，而且讀完之後又唔保證100%搵到工，根本諗唔到理由冒險。
揾易請工作，例如三餸飯餐廳，口罩廠/廠房包裝工，又唔使點對人，salon 學徒，等自己有返正常上班心態，做人方向先再揾更好的工。
另外，會尋找幫助隱青，協助就業的機構，等有人扶自己一把，可能嗰類機構都有工作轉介。
11個讚
講真長期空白期/無業通常都係有難言之隱居多(例如隱青 or 情緒問題 or 被炒)
試問邊有可能照直講 因為等同自揭瘡疤+花式自殺
但如果講大話又怕俾對方稍為chok下就前言不對後語/鬼拍後尾枕
係呢個情況只能不停遊花園/避免正面回應搞到答非所問
對方當然冇可能收貨 結果又係殊途同歸
去到咁好難唔投降
(雖然好多人話勞工處/erb/cic包你搵到工 但有唔少過來人話俾就算"有幸"獲得就業轉介 僱主照樣針住你長期空白期/無業問長問短+踩三踩四 最後又係冇請你 咁搞法好難令人唔絕望)
(仲有亦聽聞有過來人話如果轉介失敗既話 而近年因為武肺 聽過有d轉介人員仲會賤格到想借d椅屈你冇打齊針先唔請你 如果真係咁應該點做? 就算想告佢歧視睇怕都冇用)
其實係，一般老闆見到你對答有問題，支吾以對都好難請佢。同一份人工，人地可以揀到岩心水先請。
所以都係揾下機構幫手/家人介紹，有個中間人幫佢做下轉介，揾啲負責執頭執尾的工作（例如飲食業炒散），起碼的返起佢個人信心同鬥志。成日頭耷耷都好難搵到工
1個讚
唔係放負
但連勞工處/erb/cic就業轉介都冇用
根本已經可以話走投無路
(另外亦聽聞如果讀完erb但搵唔到工既話 下次如果想再報既話 面試官肯定會當你犯咁審+最後好大機會唔再收你?)
p.s. 上面都講左呢樣係深層次問題 只係講親呢個問題都俾大眾企道德高地x
雖然知講大話等同賭大細/踩鋼線 但除左咁根本冇其他辦法 睇黎可能真係要咁博
不如集思廣益點樣先可以將大話講到滴水不漏 因為要假設對方係個種打爛沙盤問到篤既人
(個人覺得叫人唔好講大話呢個講法好左膠 因為如果冇難言之隱又何來空白期/無業?)
其實得香港hr咁中意問人空白期，不過drill到你答唔到咁就滿意啦，唔俾人地想休息下諗下人生方向嘅咩
3個讚
我覺得只有講d 私人理由先可以容易過關
eg 照顧年老既長者親戚十年以上
(例如阿婆阿公果d 長輩級, 如果可以話佢係獨居長者更好)
所以一直唔可以番工
話最近終於排到政府院舍
所以唔需要日日都去照顧佢
4個讚
因為好多時見工
係line manager 先問到d 真係關於份工既野
HR 見黎都無咩好問
惟有針對履歷表問長問短
唔記得講埋
會考0分 or DSE全U都係棘手問題 難拆程度拍得住長期空白期/無業(直頭難拆過炸彈)
對方肯定又會問點解你可以考得咁差 繼而引伸到質疑你工作能力/態度有問題 甚至認定你係垃圾中既垃圾 可以話罪加一等
(個人覺得如果拆得掂呢兩條既大路同時又極刁鑽既絕世難題既話 相信已經成功一大半+話唔定有潛質做律師 呢個講法絕對唔誇張)
(如果想再報erb都俾人咁問法都唔知點算?)
又係你呀舊會員，不如你認認真真搵社工之類專業人士幫手啦，做下啲生涯規劃呀，好好面對自己問題啦。
20個讚
我都認得
最後會變成無限ban大家意見
樓主情況唔係普通人普通意見可以幫到
祝早日搵到好心人幫到手
走出困局
3個讚
但印象中(個人經歷)就算係部門主管都一樣針住空白期/無業問長問短?
(有時見工係直接見部門主管而唔係hr)
至於社工自細開始已經見過n次 幾乎所有人都覺得自己情緒/精神有問題(包括屋企人)
所以已經完全對佢地失去信心(有陰影)
btw 估唔到對弱勢社群黎講剩係想見份約10-12k人工既工都咁難(例如oa)
另外搭單一問
如果你係剩係做過散工 但又冇工作證明既話 咁又寫唔寫落cv好?
寫又怕被懷疑老作+甚至惹官非(例如偽造文書) 唔寫又怕被懷疑完全冇做野?
(特別係見工填form個陣多數都要你填前僱主電話 相信應該係為左reference check 所以如果填form寫有做散工既話 對方又會唔會即場要你拎WhatsApp出黎向前僱主認證?
你個名…
冇辦法，盡量誠意打動
幾時返得工？答佢「即刻」
自己講知道自己冇經驗，但好鍾意工作，希望獲得工作，會盡力做好份工，希望老闆/hr比個機會，好想做呢份工，唔怕辛苦
冇工作經驗就的確會比人「賤」
所以要答佢唔介意OT,想多返工少放假，呢類老闆喜歡聽既說話
2個讚