呢層當然知
就算係返shift都唔介意 但對方請唔請/信唔信又係另一回事
(都係個句 慨嘆想見份10-12k人工都可以難成咁)
1個讚
題外話
如果係junior/打雜位(約10-12k人工+需要shift)原本招聘要求係寫明"公開試五科 or 中英文合格" or “成績優異”
但近日招聘要求突然將字眼改為"中五/中六程度" 唔知僱主係咪因為意識到收少左cv or 嚇走人所以先稍為"放寬"要求?
好現實，呢個世界咩都以外表行先
有冇得執下個外型？剪個靚髮，買幾件見得人嘅衫，得閒去做下運動，等個人精神啲
同埋點樣為之「應付唔到呢啲工作」？
基本上好多人返工都有呢個感覺，只不過為兩餐冇得唔頂硬上咋
4個讚
仲有以上提到erb亦係一大問題
因為讀完搵唔到工/轉介失敗又想再報既話 對方好大機會當你犯審+質疑你就業意欲低+最後唔再收你? 諗到呢到只會越黎越徬徨
(p.s. 搵唔到工/轉介失敗相信都係離唔開空白期/無業問長問短 但最賤格係聽聞過某d所謂就業主任想借d椅屈你冇打針 從而推卸自己轉介失敗既責任 但睇怕就算上平機會告佢歧視都冇用 分分鐘俾人告誹謗)
咁前題係你有冇打針先？
如果有，你根本唔需要諗li樣嘢
P.S 我都認得你係個位會員，其實你li個問題都loop咗好耐，之前好多post都有人俾意見你，你有冇參考下或者試下先？
如果試咗唔得，再上嚟傾係ok
但冇試，不停loop一d都唔知會唔會發生嘅問題，咁樣只會浪費緊你嘅人生
如果空窗期咁耐，學歷又唔算高，就算係體力勞動嘅工作，雖然辛苦啲但你可能都要考慮試下先，至少搵到一份工，唔好將空窗期無限延續，又可以令自己多番少少社會經驗，等個人習慣咗返工，下次去見其他工都冇咁驚
意見大家之前都俾咗好多，但樓主真係要虛心聽下人哋嘅建議….唔係個個都落井下石或者特登去挑釁你
3個讚
係已經讀完erb (不過深入詳情怕講太多 例如邊間機構真係唔方便講)
至於打針當然都係因為疫苗通行證+越黎越多公司迫打針先焗住跪低(已打兩針 係頂到最後一刻先跪)
(仲有上堂個陣導師都有一樣講左如果讀完都係無業+諗住重新再報erb course既話 對方到時面試就會問得極刁鑽 問法同hr/部門主管相若 從而懷疑你就業意欲低 最後唔再收你入班)
(其實做到/諗到既方案都做晒 包括連erb都讀完 只可惜仍未有任何轉機 )
(最慘係就算見藍領/pt/散工都未必肯請你 係走投無路下除左erb根本已經再諗唔到其他辦法 如果erb唔再收自己都唔知點算 越諗越徬徨)
p.s. 有d野唔方便畫公仔畫出腸(驚隨時被起底+惹官非) 但有冤無路訴呢下又唔知點算好
我有家人有類似情況。親人介紹工，做無幾耐就被炒。有段空白期無返工
最後做速遞，做得好開心，我哋叫我轉工都唔肯。人工唔高，但唔洗見人，返工仲有貓玩。客鐘意佢夠專心，成日送小食俾佢
2個讚
你咁多假設性問題好難幫你喎，好簡單茶記有冇去試過？行入去有手有腳就請，送外賣又可以做，長遠就考車牌，做送貨考巴士牌又得，你有冇試過先，唔好諗咁多
咁你有冇好好去處理自己情緒或精神問題先？唔好覺得只係其他人覺得你有問題，如果連專業人士都評估咗你係有需要，請正視，如果有需要食藥就乖乖食藥
係，樓主好易認，相信佢就算改10次名…改100次名，問返相同問題都唔會拎到佢想要嘅答案，佢問題根本不在空窗期，係喺佢個人度。
5個讚
份份工都係啦，搵黎講
邊有包生仔
你見一份唔得咪見十份，再唔係見一百份好未
明白人總想搵份舒適嘅工作，但而家嘅情況係你想做嘅工唔請你，你又想跳出li個循環，真係金拱門、kfg 個d都要做住先，個d基本上你肯做，佢就會請
記算你有情緒精精問題，都要話你，
你都打左針（我唔理你咩原因），咁仲問啲假設性問題做乜？
咁你見過洗碗未，快餐店都要做住先
因為呢啲基本上真係有問題，我唔係hr, 但真係中過招，做野做得好唔好係其次，而係個人本身有問題
2個讚
睇曬樓主回覆
佢根本俾自己框架框死自己，而唔係社會框死左佢
未做就諗填散工reference check怕有官飛，如果散工咪直接講無contact person或者得介紹份工俾你的人電話，好常見，HR都會明。
學歷低更唔難答，就係自知學歷低才唔怕捱同辛苦的工作，唔會揀工做，返工準時，勤力，會俾心機盡快上手，希望貴公司可以俾個機會俾我。
如果佢再追問你做乜唔進修？你就答 家庭經濟壓力一直唔許可，但有報免費course增值自己（如有，唔好老作），有打算工作穩定後儲返啲錢去學英文，普通話，增進語文能力。
有時一個你以為好負面好難答的問題，plan下點答係可以對自己加分。
5個讚
普通餐廳都請人，
唔怕辛苦做廚房都得。
呢樣又唔得嗰樣又唔想，你個性格令到你嘅人生已經完咗，唔關你空白期事。
見工嘅時候，當下表現重要過你啲成績，可能你覺得自己已經好誠懇，但係見你嗰個人唔覺得。
10個讚
又係嗰位空白期會員？
根本自己比太多假設框死自己
其實呢度所有人都係一樣，搵工都會不斷失敗，再不斷搵，中間諗吓啲棘手問題點樣答好啲
未去見已經一堆籍口
門面上真係似想要一份工咩
其實心態同信心人地一眼就睇得出
金拱門時薪$45都要做住先啦
入面仲有唔少係特殊需要人士
有啲都做得好好架
樓主唔好再俾籍口自己啦
7個讚
樓主係男仔
真係要一份工嘅話？去揾洗碗啦、呢啲唔駛睇咁多人、又可以接解下社會。（我見荳子咖啡都請緊人）
又或者去譚仔做下、我以前返工、有個毒毒地嘅宅男同事、佢上一份工都係做譚仔、佢話之前做過幾份工同啲同事都夾唔到、之後去左譚仔、佢話啲譚仔姐姐同事開頭會話佢傻下傻下手腳慢、但孰左手之後其實啲同事都對佢幾好、話佢同自己個仔差唔多大、都會錫住佢。
金拱門都長期請人。
1個讚
讀毅進啦
重點都係學費太貴太難負擔 所以先能揀讀erb