又唔係十幾年冇出去識新仔⋯⋯唔表態已經係表咗態嘅一種。因為一個愛你嘅人係唔會掉低你一個人，所以一早moved on。
仲記住因為係唔甘心咋。呢啲情況最好活得更精彩更充實，始終一日那人會知道自己走寶
1個讚
So true,曾經愛人愛到失去自己，愛得好卑微，驚自己做得唔好，怕做錯一個小動作，說錯一句話會激嬲對方。
原來真正愛你嘅人，唔會咁對你，唔會令你有呢啲恐懼不安。
4個讚
例如如果有人喺街度唔知有心定無意彩踩你一腳，冇道歉就走咗去，就算你搵到嗰個人出嚟，佢完全冇歉意死都唔道歉，咁你又可以點樣呢？唔通一世要執著呢件事？
我明你嗰種唔甘心，但係你都要去放低，唔好因為佢嘅舉動去折磨自己
佢嘅舉動傷害咗你，但係同樣你嘅唔甘心令自己受到更大傷害
希望你好好愛惜自己，唔好再糾纏喺一個永遠都唔會有resolution嘅事
3個讚
多謝你啊~ 係呀我係好唔甘心, 但我都好同意你講既野
我明白的, 就當自己唔好彩撞到個衰人
可能我單方面認為, 同佢有咁多年交情 (~20年), 佢應該唔會咁衰對我 ?! 但原來要衰起上黎一樣會, 無情講
係我唸多左, 我明白了~
某程度上，你執返身彩
就算你肯排除萬難同佢修成正果，佢呢啲咁冇承擔嘅男人，遇上困難分分鐘又劈低你同啲仔女走咗去
2個讚
可能要10年8年後, 我都唔知道要幾耐, 但希望有一日可以o係度同大家講我已經不痛不癢
開始新一段戀情，就唔會記得舊嗰個啦
1個讚
最憎人玩失蹤。根本係留條後路比自己，同新嗰個唔岩就隨時可以回頭。新嗰個ok ，開開心心，你就儍痴痴地等… 好彩1年半後知真相
咁係依件事上面，你學到d咩？
我都好唔明白, 咁衰既人點解仲可以晚晚訓得著?
我亦都唔明白, 點解咁衰既人仲可以搵到下一個女朋友同佢生活? 唉, 世界就係好似無天理咁
施主 放下同Move on
如果你咁想知道答案，咁你不如直接問佢算啦
就算佢答咗你，你係咪會放下？
點解你要嘥時間去諗呢類型冇答案嘅問題？
與其係咁鑽牛角尖，不如去諗點樣去搵真命天子好過啦
其實連我都好唔理解自己點解咁執著件事
我都好想知點解
1個讚
你將個focus放返喺自己度先，搵啲新嘅嘢學吓，專心做自己嘅嘢
其實講衰佢罪不至死
你要答案其實答案就係眼前：佢唔鍾意你
或者佢曾經以為鍾意，或者有少少鍾意再放大左，以為可以行落去，但個愛唔夠同你長相廝守，呃左自己呃左你
佢處理方法係衰！係賤！
不過感情世界有邊個真係做到breakup gracefully呀？
佢對你唔好，係因為唔夠鍾意你
唔代表佢對其他人都係咁
可能佢為其他人擋子彈都得！
成年人唔洗chur住一件事無限放大判左佢人格死刑既
我真心同情你，你咁樣鑽牛角尖好辛苦好可憐希望你早日move on!
1個讚
多謝你, 我只係唔知點解被人拋棄果個, 就要默默承受, 出聲都無用
佢就咁掉低你, 屋企鎖匙都可以唔還返俾你, 好似唔還野俾人都唔係錯咁, 你就只有自己好無奈咁接受件事, 搵人換鎖, 做人要做到咁被動, 真係好慘豬
佢就明明係唔o岩都無野, 照樣溝女好開心咁過生活
我唔係話佢唔要我係唔o岩, 我知道感情無得勉強, 只是, 點解咁不負責任都好似無問題, 依家攪到好似我唔放低先至係最有問題咁?
我唸我真係太愛佢, 所以得唔到就唔甘心卦… 又或者我個人本身就係, 比較要事事合理, 公平公正果種人…
我之前都有分享過同樣經驗。過咗若干年後才發現自己執身彩！好彩冇同此人繼續。可能你十年八年後有天都會發現呢？
1個讚
呢個係真，但好多女人都唔明白
與其去糾纏一個唔鍾意你嘅人，一路咁不甘心
不如用呢啲心力去搵一個會幫你擋子彈嘅
女人青春真係有限
追返post發現我喺你2022年3月已經留咗言，其實局外人一早已經估到，只係你太沉迷幻想緊你腦海裏面美好嘅佢，先至唔願意接受現實
好多人都以為自己好愛一個人，但其實你只係愛緊一個你幻想緊嘅佢
你係愛緊一個對住你好溫柔講晒甜言蜜語嘅佢，然後你一路喺個腦度美化緊佢，越嚟越沉迷
係時候清醒，望番清楚究竟現實係點，一個對住你講晒大話嘅渣男，你真係愛咩？
不如你望吓塊鏡，好好地愛自己，冇男人都可以好有自信。愛自己有自信先可以搵到個好男人。
林夕填詞王菲嗰首《給自己的情書》真係好啱你。
希望你花時間去學習做一個高貴自信自愛嘅女人，忘記晒以往所有情傷唔好再提，
對住下一段感情唔好再咁卑微，同埋唔好再用柔弱可憐嘅身份拍拖。加油。
4個讚
Your feelings are all valid, but there’s no Batman, love yourself and good luck
2個讚