事緣請參考我之前既帖文，網站唔俾我轉載．．．
用左大半年時間, 我都係忘記唔到依個人, 就算我搬屋, 離開埋香港, 想重新生活, 腦海中還是一直有依個人… 我唔知依種係思念, 掛住佢, 定係我唔甘心佢走左去, 無頭無尾
我也沒有拒絕去擴闊生活圈子, 去識朋友, 但幾乎每一日我都會唸起佢, 好可怕
我最初都以為時間可以沖淡所有記憶, 可惜唔得… 好想問大家, 點先可以忘記一個人？
4個讚
時間問題，某日諗起都會感覺
將嗰個人嘅嘢全部毀滅，一件不留
4個讚
如果諗起佢，就諗佢唔好既地方，諗佢令你最乞人憎，憎到認為自己離開係正確。得唔得?
懂得放下執念
2個讚
最簡單嘅方法就係愛上另一個人
10個讚
唔愛上都好, 只要有一個人響身邊, 就可以了
1個讚
簡單講，得唔到永遠最好。
自己情感抽離下，佢未必係你想像中咁好，
其實拋低你兩次都已經夠衰，根本佢就唔夠愛你。
1個讚
唔好努力去嘗試忘記佢。
自己如常生活，當不自覺想起佢時，尤佢。
努力嘗試去認識新朋友，如果緣份到，隨緣拍吓拖。
5個讚
唔需要忘記，微笑謝謝過去令自己進化。
之後睇返只需記得曾經開心過，又曾經從錯誤中學到嘢。
需要時間但一定會做得到。
2個讚
搵到比佢更好嘅人，自然諗都費事諗
1個讚
忙碌生活，無時間思念。
1個讚
仲係好短時間啫。
你可能慣咗有另一半，如果有人代替佢就快d 好。
如果要一個人享受生活，仲需要長d 嘅時間。
工作 搵朋友 睇書 煲戲
搵一樣野自己可以專注入去
都係老土嗰句 時間沖淡
越想忘記 就越難忘記 搵啲野充實人生
4個讚
唔好成日諗住點樣忘記佢，呢個係人生嘅一部份。
忘記「點樣忘記佢」呢個諗法應該重要啲，如果唔係你日日就諗住，等如日日提自己。
既然開始咗新生活，就喺新生活裏面搵一啲樂趣，就算冇樂趣，就去努力去經營自己嘅新開始。
6個讚
好鍾意你呢9個字，好有啟發性
試吓做d以前未做過嘅事，一個人去睇戲/去旅行/參加興趣班/做義工，當你發覺原來一個人都可以咁充實，那個人已不再重要。
然後，花若盛開，蝴蝶便來，下一個人一出現，到時就會忘記當初那個人。
6個讚
好啱，做人識獨處好重要
你愛惜自己，先會有人愛惜你
2個讚
兩種方法
- 樓上JM話齋，愛上另一個人
- 時間。隨年齡增長，心境有唔同變化就會淡忘。但長定短就唔知喇
對一個人死心，佢自然會係你生命中消失。
如果搵唔到咁點？