好勵志呀你既故事
希望你往後都幸福快樂
多謝你嘅鼓勵，其實都不是太幸福，但我決定自己用雙手找另一種幸福
至少唔會再俾啲衰男人蝦吖
都有㗎。啲「港孩」其實幾難頂吓
我會以唔Q采佢嘅態度，自己搵地方/方法自娛
唔須要刻意忘記，隨時間同經歷自然淡化
2個讚
《刻在我心底的名字》呢首歌嘅歌詞好啱心底存在住一個過去嘅人聽。
我一直唔敢再睇佢既facebook, 今日鼓起勇氣去睇一次, 真係如我所料… 紀錄一下
10/2021 佢無la la話自己要思考下將來, 之後消失左, 問佢到底發生咩事, 無解釋
依種消失令我好擔心, 我係驚佢屋企有咩事發生左, 或者身體有咩事…
11/2021 某夜我特登去搵佢, 想挽救, 佢無拒絕, 仲同你拖住手, 但話自己仲係要唸下先, 之後我有再text佢, 已讀不回, 依個人好似係世界上面消失左咁
4/2022 我寄返佢係我屋企既物品俾佢, 收到都無一句回應, 一句唔該都無
直到我今日睇佢fb先見到, 佢10/2022 有一個post影到新居, 已經同第二個一齊住埋, 仲好甜蜜咁有一對公仔, 仆佢個街丫~ 分分鐘已經住咗一段時間Tim
應該話人地其實無問題, 只係我一個人傻傻的, 唔識玩依個遊戲而已… 傻得我, 咁耐以黎仲有唸住佢, 覺得有日佢會再搵返我,唉~ 成日痴線婆咁, 人地一早已經同緊第二個一齊喇
今日知道事實, 係覺得痛 (雖然都年幾兩年, 我太長情吧, 但用情用錯對象), 但至少知道唔好再傻了, 我永遠都做唔到佢新居既女主人… 唔知依種痛要幾耐, 但我知道唔可以再浪費時間了, 當你一直掛住佢既時候, 其實人地早已將你忘記得一乾二淨, 人生真係好諷刺
多謝你嘅分享。
我可以話俾你聽我用咗大概17年時間忘記一個咁嘅人。但不同的是我從來都沒有同那個人一齊過。對我而言，有一齊過總好過冇一齊過。好過好似自己發咗一場十幾年嘅綺夢。
但近排我成日好好奇那人的新老婆是什麼人，咩樣(可以肯定家底應該很好)但不敢上FB查
你說得對，唔可以為咗一個人去停下自己向前嘅步伐。
1個讚
17年後為咩事無啦啦醒咗？
有第二個追你？
1個讚
哈哈梗係唔係啦
我好肯定佢全家都係Nancy。(因為那人嘅價值觀同思維都很怪)但係如果要我跟佢哋一齊做Nancy我寧願自己一個人。
女人現實，男人仲現實
大家清醒啲做人
2個讚
你應該早啲去睇呀，如果對方出public post/無block你，其實佢一早已經比咗答案你。
男人選擇另一半
除咗睇樣，同身材
其實好多都睇對方學歷 有冇家底 幫唔幫到自己. 喺啲friend面前，夠唔夠威
反而女人先會傻傻咁愛情至上
4個讚
好耐無見你update，衰啲講句依啲人真係pk嚟，就算你地一齊都唔能夠俾到幸福你啦，好好過自己新生活，唔好再咁傻了，祝福你。
2個讚
我一直都唔敢去睇, 一來唔想面對現實, 二來驚自己頂唔順, 會爆喊之類
但到今日知道, 我係覺得痛, 想喊, 但變左欲哭無淚, 真係無淚水出黎
我唸依種先至係傷心既至高境界
你都真係好長情~ 十幾年真係唔係容易
消失都真係最衰嘅告別方法！沒有之一！
諗起我十年前有一個無開始過嘅曖昧對象，喺我以為會一齊嘅時候消失咗，仲要係兩次！
第一次消失，我覺得可能我唔夠好，唔想逼佢所以我都無兩三個月無搵佢
然後有一次我遇到好upset嘅事佢出現返，我地好似情侶咁相處，有拖手，錫錫，我以為我地會一齊到，點知佢再次消失！
第二次我真係好崩潰，傷心咗好耐，覺得自己一定做得唔夠好，唔靚又唔叻先會係咁！直到我遇到我依家嘅先生，先發現原來遇到啱嘅人原來唔需要太努力都會有人錫，都會過得幸福！
但其實我心入面仍然有條刺，雖然我同自己講愛一個人係想佢幸福，但我諗起仍然係會唔開心。我寧願佢當初係直接拒絕我，而唔係消失。
消失真係好不負責任, 好幼稚既表現
說一句唔鐘意有幾困難?
有時我會好黑心, 我好想有一日佢愛既人會咁對返佢, 等佢知道果種痛, 可惜唔會~
我好明白你第二次既崩潰, 我唸我都有試過依種痛
你好幸運, 可以再遇到真愛, 祝福你快樂
真係想講粗口, 咁大個人, 講一句都唔做?
就咁講句「我同左第二個一齊呀」咪end file囉, 做咩做人要不了了之
因為唔想做衰人囉，講出口=佢飛你，佢係衰人；唔講你自己get到，佢就唔使煩。男人最怕煩。
我唔係話佢啱，但做人要自己醒目啲，feel到唔對路就要醒水，好好保護自己。我唔知你幾多歲啦，廿零歲就當上一課，30歲以上，就要長大啦，唔好咁天真了。
2個讚