公司升左一個同部門超級懶同無責任心嘅員工，雖然唔升佢我都未必有得升，但真係勁唔順氣，早排佢隔離WFH ,但冇notebook我頂，又早排放左個幾月大假又係我頂。
自問儘責有交帶，新project 又叫我跟，人地就冇加工作量反而升職加薪。
1個讚
我發覺有啲公司真係唔會升啲乖、聽話同做得嘢嘅員工，可能覺得乖、聽話做得嘢嘅員工好蝦，所以唔升佢哋，反正升唔升佢哋都係會乖乖哋照做，所以升啲懶同擦鞋嘅，激勵下佢哋
6個讚
係喎，可能睇死我唔會走？
3個讚
佢係咪擦鞋好叻呀
1個讚
都幾，同埋好識扮野
我都想講
俾我真係搵工走人算
搵比宜家高一個職級既
既然人地咁叻, 升左之後一個做兩個人野都得啦可 
1個讚
從來升職加薪都係屬於識"做人"既人，只要上司鐘意你就會升
屬於識"做事"既人，永遠係默默做，到忍唔到就會辭職
8個讚
我之前無升一個下屬做manager，佢覺得自己得，後來佢好嬲，辭左職，佢唔了解自己，其實佢能力同工作態度同manager有一定差距。
3個讚
係呀，今日開始努力揾
1個讚
同意
可能上司眼中我唔掂掛
講得太好
我上份工真係咁
專升d 唔落手做實事只識push 其他人做埋佢果份既廢人
而家升既同事，真係夠膽叫佢跟野答你我唔跟嫁，當然對住直屬上司唔敢，供應商投訴成日揾唔到人，食飯食到好晏返又成日唔係位咁囉。
聽話又唔會扭計升職嘅通常永遠都升唔到職
4個讚
我都有依D情況, 因為係公司做得耐, 睇死你唔會走, 所以加都加得特別少過人
做manager就係要點人push人做野，佢有呢個quality
2個讚
我出嚟做嘢第一份工出盡力，瞓晒身落去做，肯捱肯做又聽教聽話，上司、上上司都話我做得好，做咗兩年幾三年咁啱我對上有個空缺，我一心希望有職升啦，點知公司喺出面請人都唔升我，請咗個人返嚟，工作能力仲要低過我都算，仲要我做埋佢嗰份(因為我熟，做得快做得好），之後我話嘅然都請咗人啦，我只會做返我自己職責嘅嘢，其他嘢我唔會take, 上司可能知我無得升條氣唔順，於是捉我入房傾話其實好想升我，但我年紀細，經驗少, 唔升係為我好，等我學多兩年嘢先升……Bala Bala 講一大輪嘢，我心諗真係廢話，我當時無再出聲，我自己出去搵工，搵到就遞辭職信唔撈了，我話唔撈，上司即刻話升我留我，不過我最終無留照走，我走咗後，啲嘢分返晒出嚟，做到上司同新請嗰個P晒K, 日呻夜呻，所以其實有時做得好乖乖聽話反而仲蝕抵，因為人哋覺得你好蝦。
10個讚
d老闆係唔見辭職信唔流眼淚咖, 你跟得好跟得掂係應該嘅
加人工? – 公司環境又唔係咁好, 唔係唔想加比你
升職? – 上面暫時就未有位, 不過一有我一定推薦你
花紅? – 雖然生意唔錯但你知而家經濟又點點點…
我自己結論係: 工就係一份工, 唔好同佢談戀愛, 要爭取嘅就要爭取, 爭取唔到就搵下家, 至於交接啦喎, 你識do我咪識do囉, 否則就byebye 你條尾, sorry呢單嘢唔係我跟開
6個讚
我都同意辭職就啱。不過我都講個反面例子比大家聽。
有個同事覺得自己好做得嘢，但公司一直唔加佢人工，反而其他廢同事有得加。於是佢同公司講 ，你唔加人工我就辭職！
點知公司話好，叫佢即刻辭職。同事無諗過會咁，無準備下辭職，之後後撈得麻麻，想返公司做，問我公司有無可能請返佢。
因為佢問到，我唯有講個事實佢知，等佢死心：其實公司想炒佢好耐，因為佢成日以為自己做得嘢，但做嘅全部錯。但見佢年紀大，有小朋友，唔忍心炒佢。點知佢主動話辭職，公司開心都嚟唔切。
2個讚
我都有遇過啲同事喺咁，成日覺得自己好做得嘢，大大支，睇唔起人，成跳草裙舞博升職，計我話做人其實最緊要有自知之明，知自己係做得嘢嘅，有能力嘅不妨放手一試，千祈唔好諗住跳草裙舞，亦唔好諗住食回頭草，我最唔鍾意啲人跳草裙舞