咁多年黎素食過幾次，每次食到大約一年左右爆濕疹就要停。
今次只食左一個月，手指甲全部表面開始有裂痕，有隻腳甲中間仲裂到分開，好鬼痛
我係食得好Hea，公仔麵豆卜豆腐有時加菜咁，素肉嗰啲我唔啱，太多豆製品我會反胃，又對雞蛋過敏。
想問下素食jm平時食啲乜，或者重點要食返啲咩維他命？
我好希望長食素，唔想又爆濕疹又要停
想參考下，多謝唔該
2個讚
試下由不同角度補充營養
1，食混合果仁同乾果
2，食混合米，如糙米和紅米
3，多食不同的生果
4，植物肉可以食嗎？
5，蛋奶素可以嗎？
3個讚
點解食素會爆濕疹? 我仲以為唔食肉皮膚會好D?
1個讚
其實咁樣唔夠營養, 公仔麵都無益.
1個讚
食素係要好注意營養均衡的，好似你話以前嗰種食法，身體好快頂唔順～ 同埋要注意會否食得太寒涼。
我都有不少朋友因為身體問題食返肉。
樓上都講得啱，要食nuts、生果，蔬菜其實唔只菜，根莖類例如薯仔、甘荀、蕃薯，仲有瓜類等都有好多嘢可以食，仲有可以食菇，但要小心太濕，要食多啲薑、胡椒之類祛濕。
4個讚
如果身體受不了就唔好勉強,
可以少肉多菜? 或者戒紅肉?
2個讚
現在食素易左
因為食物種類多左，易買左
加上都多左餐廳有素食選擇
怕寒，最簡單要多食薑
我自己就成日飲薑茶同飲藥材湯
另外，飲薑黃粉奶加黑胡椒都好有益
好奇問問你食素的原因是什麼？
1，食混合果仁同乾果（有食，每幾日食少小）
2，食混合米，如糙米和紅米（冇煮飯了，飯煲都冇）
3，多食不同的生果（從來唔食
）
4，植物肉可以食嗎？（未試過，感覺佢都係豆豆豆？）
5，蛋奶素可以嗎？（可以，但雞蛋過敏，食左又係反胃）
可唔可以啪誴合維他命代替？
1個讚
冇煮飯了，所以有難度，可以試下食薑糖，飲湯落胡椒粉？
我食得唔好先會咁，平時見大師啲皮膚都keep得幾好
唔想殺生，慢慢有宗教原因，以家想戒埋五辛，不過應該死得仲快
1個讚
1，食混合果仁同乾果（有食，每幾日食少小）
試吓一日食一掌心分量。杏仁、松子、夏威夷果仁、紅莓乾、藍莓乾、紅棗乾、龍眼乾、碧根果仁…
2，食混合米，如糙米和紅米（冇煮飯了，飯煲都冇）
如果麵類，都可以試由不同穀物整的麵。
如果是沙律，可建議加藜麥等穀物
3，多食不同的生果（從來唔食）
試少少？
4，植物肉可以食嗎？（未試過，感覺佢都係豆豆豆？）
明白。我都一般植物肉。
5，蛋奶素可以嗎？（可以，但雞蛋過敏，食左又係反胃）
如果可以飲奶都很好。試吓加薑黃粉同黑胡椒，整黃金奶。
6，不如試下自己混合油
可試牛油果油，茶花籽油，合桃油，南瓜籽油，榛子油…
炒餸或整沙律都正
可唔可以啪誴合維他命代替？
未必補到微量元素，建議由補充品同食物多樣化開始一起做。
3個讚
真係要慢慢地有計劃地進行
1個讚
原來nuts要每日食
混合油太高Lv，唔諗了，其他可以試下，其實屋企有好多唔同類既麵，不過公仔麵最好食
多謝指導呀
堅好食
我最近都泥足深陷
我喜愛湯麵，所以煮麵要配湯，我成日都好苦惱。
利申先：我冇食素。
以上兩項可做沙灣。將唔同生果加果仁，初榨橄欖油(或者核桃油之類)如果食芝士，可加 feta/mozzarella。
我自己鍾意用蘋果，桃，牛油果，藍莓加烘香嘅松子，核桃…我雪櫃一定有一包松仁同一包核桃仁。
5個讚
松子仁我都好鐘意，不過好貴
好正喎
1個讚
昆布湯底
3個讚