我小朋友下年升小，想準備下升小叩門。
知道6月頭放榜，到時想參考下今年升小嘅大抽獎排位，仲有叩門情況。或者有冇早1-2年經歷完大抽獎/叩門嘅媽媽可以分享下。
上網只係EK有資料，希望呢度都可以留低D資料幫下其他媽媽。
2個讚
91 你心水係邊間？呢個網出名天地同派得衰，可以大家交流下
我自己心儀沙胡，諗住二線頭，校舍大，活動教學，近我媽接小朋友放學。但竟然今年大抽獎學額會少過沙呂，其次就係田小、朱小、星小是但一間，真係抽中就上天，唔中就寶校…下年都唔知點排…
咁真心唔識揀，博返沙呂一呂一胡
咦，呢間我有20分喎，當年～
樓主有無諗過考下直私做back up再搏抽獎？
會考直資當拎下面試經驗，始終太多人爭，估陪跑多
山上既培基，考慮下 地理位置唔好，但係環境真係清優，1線band1
呢2年年好多人移民 我仔果班由30人變到得返18人
可能抽下抽下有d機會
讀書算輕鬆，少默書，測驗唔計落成續績表
小學完全冇 banding，因為入讀不分成績，除非你講緊中學部。但中學部都未係 band 1…
培基小學好處係難得嘅中英文男女小學，聯繫直資培基，畀邊緣人同 Band 2 頭學生多一個保障，Band 1 仔就完全無後顧之憂。應該都有收差唔多 1/3 小學部學生。唯一就係中學小學都唔近地鐵站。
沙胡放甲一乙一都大機會
起碼都多人先放兩呂一培一胡係第一位
不過始終抽獎靠運，都無得話穩入
心儀沙胡要揀佢111 呀，唔係叩門都冇機會
另外91 揀完乙一，最頭痛係冇乙二好揀
好多間都乙一收唔晒
所以一唔中就飛去寶校
你小朋友仲有冇讀沙胡？想知學校幾測幾考？老師同校長如何？
當年20分自行有比OFFER我, 無要到, 所以唔知
但有朋友讀左, 話都OK, 程度唔算深, 佢小朋友有學障老師都有愛心
好多人話培基一線，之前都係擔心小朋友跟唔到，所以冇了解培基，因為我冇乜谷小朋友學術
大抽獎真係講運氣⋯所以係為咗叩門準備谷下小朋友⋯
你係唔係都係91等大抽奬？有冇心儀學校？
我係今年架，等緊6月1日派彩
到時希望可以上來報喜啦
咁你有一年時間預備嘅
留意定心儀果幾間點考法, 要唔要111, 考定D CERT, 搵人寫信, 整定PORTFOLIO …
希望你小朋友入到心儀學校，到時等你分享。
係呀，我而家了解緊D學校，但發覺網上得EK有人討論升小，希望呢到都可以多啲唔同家長討論下，炒熱呢邊。
考Cert 就仲1516中，唔想谷太多學術，想谷小朋友表達能力多D，始終面對面溝通，所以想佢有自信多D。
你出發點好好 
咁我比DD過來人經驗你參考:
- 有D學校唔係人人見, 係揀人見, 名幼, PORTFOLIO 靚仔, 多CERT 可能就係可以幫你爭取到面見機會, 咁你講果D表達能力先有機會用得上;
- 考CERT都係一個過程, 張CERT未必有用, 但預備功夫係有用嘅, 都可以當做EQUIP佢考筆試/學術嘅條件;
- 考CERT又唔會鑿喺額頭你考過, 一於考得好果張先拎出嚟, 有用無用都好, 嘥嘅最多係錢 (我知有人會連報幾次YLE果D試, 考得好先放落PORTFOLIO)
1個讚