請問邊D Cert 會比較有認受性？
我未仔細研究，只係留意到英文有cambridge starter，學校都用phonics 教又駛唔駛再外補Cert? 中文我見有認字比賽，但唔知邊度舉辦嘅認受性高D，數學又駛唔駛考D咩試？
我都好多年前, 而家唔知仲係咪咁, 等呢兩年D媽媽SHARE
叩門嚟講STARTERS 已經無乜力, 起碼要MOVERS先有D睇頭, 我記得我小朋友係有交MOVERS CERT叩門;
中文通常係指普通話, KPCC/ GAPSK 都有CERT考, 認字唔駛咩比賽, 一試便知龍與鳳, 要TRAIN到小朋友識自己睇卷做嘅程度, 最深果間已經出到不供詞填充同造句;
數要識睇題目, 簡單乘數除數, 概念要有如: 一打=12 , 半打=6
係
考 cambridge 除左為 cert 都係提早準備串字，starters 啲字都係一二年級要學識，串識左，默書作文少好多錯，高分又慳改正時間。GAPSK 考唔考都冇咩問題，但如果讀過咁普通話唔會太差如果入普教中學校咁樣一定幫助好大，雖然我個人覺得普教中唔一定令中文有提升。
幼稚園考 movers 會吃力啲啲，始終人人起步點同吸收速度有不同。做唔到都唔洗勉強。
1個讚
宜家考到Flyer先特別勁DD, 但Cert 真係唔必須
認同名/私幼稚園機會大D
劵校考直私有成功例子既，比例少D 咁囉
謝分享…而家D小朋友咁細個就開始要谷學術
冇辦法，華人社會冇乜社會保障制度，加上香港工種狹窄，唔讀書/讀錯學校真係行多好多路（除左某位經常交功課嘅學生）。如果谷兩年入到一條龍 Band 1 學校有好環境讀書，唔洗諗 6 年後入唔到好學校，用 2 年辛苦換 12 年安穩，好多人都覺得值得。
呢度係少啲呢方面回覆，我小朋友準備升中喇，之前開過post 或回過post ,都無咩多反應。
留意下今年放榜走勢，邊啲乙一收唔晒，邊啲乙二仲有機會，參考下。
保險線乙三或四就要放架喇，過左呢個位，真係唔知會派去邊。
聽聞有啲叩門要做卷，操下認字。
我應該講多D
小學係無分BANDING, 但的確, 響入面既小朋友大多數都可以升到BAND1 中學. 所以我地先叫佢BAND 1小學.
培基中學已經唔係BAND2 喇… 呢幾年間已經上左BAND 1.
如果BAND 2頭既小朋友 可以一試, 但一定要操行好
如果, 唔介意地理位置, 可以考慮一下.
我2個小朋友都讀得好輕鬆. 我亦唔係一個要求 樣樣成績好既媽媽, 我好懶.
我都唔明白點解可以響禁輕鬆既環境下… 培基既小朋友都可以發揮得禁好… 精英班D 同學好似有特異功能一樣… 大約一個月只有1次默書, 中英各一次. 測試唔計落成績表, 其實已經減少好多催谷.
老師校長都好好, 呢個我反而覺得係最大既優點. 英文教深半年, 數學用英文, 多左一科英文SICENCE.
我2個小朋友都唔係咩叻人, 大既只係BAND 2 成績, 入左BAND 2頭既中中, 但感恩佢而家響中學樣樣主科都令人滿意, 全級10名內.
細既, 係培基當中少有既BAND 2C 至BAND 3A 既學生, 不過佢係乖巧, 入左直資中學, 我都好期待佢中學會唔會有大既改變.
但我有一樣野感覺好深既係, 雖然我2個小朋友既小學成績都唔係好, 但睇大果個 佢升中初期已經好明顯睇到, 佢既學術能力的確係比其他同學好DD, 我覺得同小學打既根基有關.
你講得啱，如果谷2年可以換12年安穩真係值得。我都唔知我小朋友谷唔谷得，盡力試吓先。
呢D放榜走勢可以係邊度睇？EK？我都想了解多D 91區嘅情況，9月已經要交第一間學校，雖然15分係陪跑，但又要舖路1-1-1
其實點知自己小朋友係band 幾？問幼稚園老師？
好多謝你嘅分享，咁培基真係非常好
你小朋友係抽入定叩門？可以分享下1-1-1 先叩到門？如叩門，面試考D乜？謝
幼稚園同小學係無BANDING, 中學先有, 成日D人講BAND 幾學生係指佢可以升BAND 幾, 唔係間小學係BAND 幾, 同一間小學可以有齊BAND123學生, 只不過名校BAND1生佔多而已, 同理一條龍學校其實都有BAND3學生, 只不過因為結龍都可以直升BAND1中學咁解
近幾年成績同公認 band 1 嘅都有段距離，band 1 起碼 dse 3322 都要有 70%，SPKC 仲差少少，校長自己都有講過係未去到但以呢樣為目標，都希望真係可以達到。
大仔響無宗教分, 無世襲分, 1-1-1 入培基.
小學無分BANDING. 中學先有.
小學被家長評為BAND 1, 只係因為小學能夠入到BAND 1中學既% 高, 所以先叫做BAND 1小學
我地知道小朋友係BAND 幾, 係因為P5 呈分後學校會有評估.
培基小學每年都有大約60% 既被評估為B1 生, 而按學校公報既數據及我自己觀察, BAND 1 英中既都有75~80% (包括直資/私校)… 當然呢個成份, 都可能係有好一部份彩數響入面啦…
而每間學校都有B2, B3 生, 只係多少問題, 始終學生都來自5湖4海, 抽小學都係睇彩數.
起碼我2個小朋友都唔係B1生. 入既都唔係BAND 1 中學
1個讚
IC, 但我見佢呢2年收生好進取, 基本上, 培基小學入到培基中學既, 都唔係想像中禁容易. 近年都無必然既優勢. 而且我眼見…大部份都係培基小學被評為B1生…先有機會
我覺得, 培基小學, 培基中學 學生品行都唔錯.
問心, 91校網真係好多好學校, 無論中/小… 唔駛太擔心… 希望你小朋友有間心儀學校…
我都明，91好多2線小學都唔差，希望順利抽到心儀。