感謝你分享，就算我唔使用都獲益良多
一般人離婚都心亂如麻，好易俾男方牽住鼻子走
2個讚
只可以講句樓主加油！
男人好起上嚟天上月亮都摘落嚟比你，衰起上嚟亦可以唔理你死活，拋妻棄子大有人在
所以見到果啲為仔死為仔亡，重色輕友，借錢，擔保，落仔乜都肯果啲女我就想大巴大巴摑醒佢
做女人都做個醒嘅，愛自己嘅女人啦！
樓主 祝你一切順利，快啲同仔仔開展新生活！
15個讚
多謝你。我會同仔仔好好生活，因為我知道愛係要雙方，如果一方努力，另一方都唔想堅持同珍惜，做咩都無用。我只係一直都好想知死因，但找不到答案，仲要俾佢屈我屈到係我問題，佢洗佢自己腦又想洗埋我個腦，搞到我成日覺得係自己問題。同埋我一直都覺得佢唔會做出令我不忠嘅野，但原來人係會變， 一生一世嘅承諾都可以違背。我啲朋友個個都話佢好有問題，就係我一直鑽牛角尖，一直自己唔開心，一直唔捨得以前嘅佢。
1個讚
我識咗一班都係離婚嘅朋友，有男有女，大家傾開發覺出軌嘅人都係好鍾意數另一半有咩唔好，去合理化自己出軌行為。
佢哋要呃自己、呃身邊嘅人，甚至想令你都相信，係你唔好，先迫到佢出軌。
既然講到咁唔好，一早應該離婚，唔好講到出軌係被迫咁。
4個讚
比個錫錫你同樓主
1個讚
2個讚
原來真係咁，佢真係係佢D朋友不斷數臭我。佢有啲朋友仲好支持佢同我離婚。又話叫佢分我錢同搶埋個仔。條PK講到係我無左阿仔會死，所以佢割愛俾我，勁垃圾，扮晒嘢。多謝你分享俾我知，我以前都唔信佢真係有第三者，但我唔明佢地係咩心態，明明自己已同個第三者一齊仲要一直扮受害者？講到係我迫佢走。
1個讚
我真係好多謝你地每一位嘅留言，我突然覺得好被鼓舞，有人明白自己 
我不是孤單。
自從佢離開後，我覺得自己好失敗，覺得自己係咪邊到做得唔好？我不斷反省自己，可能自己真係無左女人嘅溫柔同體諒。但發現依啲都唔係重點，重點係佢變左心。做咩都無用，我都多謝佢反轉豬肚，做到咁核突，我會好好記住當下佢點對我地倆母子。
20個讚
我唔識講啲大道理 去令你舒服啲
唔開心一定會有 唔捨得段婚姻一定有
但唔好睇少自己 唔好覺得離婚 就係自己唔夠好
你要知道 只係你嘅好 佢唔識欣賞
可以離開香港 去過新生活 都係一個好選擇
重新開始 重拾自己
要知道 仲有好多人好多人支持你 關心你
2個讚
多謝你 
。我只想有人明白我，因為真係同佢經歷好多，而且佢一直都俾到好多信心我去相信佢，佢以前係我心目中係一個 擔屎唔偷食嘅人，「不忠」呢兩個字對佢嚟講係唔會發生係佢身上面。所以當時我有證據，我都好傻地覺得佢地只係比較close嘅朋友，可能未一齊，因為男女對出軌嘅定義差別好大。但當啲野越見越多同發現越多，我就更加痛。
不過我會好好同仔仔向前行，我要活得俾佢好。
希望情緒唔好走嚟找我就最好。
4個讚
我知道很難做得到，但是真的不要去想為什麼他會這樣選擇。雖然你很想知道，但是你真的不需要知道，而且他永遠無法給你一個滿意的答案。最重要是不要自責，要懂得愛惜自己。一個不再愛你的人，不管他從前對你有多好，現在已經一文不值，不值得你再花時間和心力。眼前的路一定難走，給自己一點時間去哀悼，然後趕快爬起身才是正途。共勉之
1個讚
我覺得唔需要刻意諗 要過得比佢好 呢啲諗法。
順其自然，盡量唔好俾呢個人再影響 牽住你嘅人生走
2個讚
媽媽，這段日子雖然不容易，但我相信可愛既囝囝會同你一起撐過去，再重新出發，加油。
1個讚
雖然唔識你，但係睇到都替你心痛
唔好有呢個覺得自己傻嘅諗法，大家一齊左咁多年，有感情有回憶㗎
世界上好多事情都好難明白點解會發生，佢真係一時色迷心竅諗歪左咁
我唔太識安慰人，但希望你快D好番，情緒，身體，生活各方面都係。
1個讚
你知道就好，路係難行，但時間會幫到你
一人計短，有咩上嚟傾，呻下都好
1個讚
但有時仲要同佢有溝通真係好痛苦。佢仲要態度好唔客氣，理直氣壯覺得自己做得好岩真係好火滾。
我發現啲賤男係唔會講離婚，係咪唔想做衰人？自己偷食又唔認，仲要理直氣壯厚硬無齒留係個家到。
多謝你分享俾我聽。我地大家都要好好生活 
人生有好多嘢冇得解釋，有好多人會突然變到好陌生，又有時意外會突然奪走你幸福
你堅強行落去，唔好下下問點解，享受人生呢一刻你擁有嘅嘢，珍惜自己，珍惜愛你嘅人，終有一日你就會忘記而家有幾痛苦，可以好好過日子
2個讚
慢慢黎 知道依段時間係好難受 都唔需要迫自己去開心
反而應該接受依個自己, 但同時要學識好好對自己, 學識欣賞自己, 過自己想過既生活
唔值得為左依D人委屈自己, 加油啊
2個讚
樓主，喺你未成立家庭之前有冇咩夢想？有冇咩未完成嘅志向？有冇咩結婚生仔之前想做嘅事？你可以試下做，諗下自己人生，你覺得失去，分分鐘係獲得嘅開始
3個讚