老公偷食唔認，仲要同我離婚

家事討論
41

我可以抱抱你嗎? 你同小朋友仲有好多路要行, 加油! 不要再記掛一個Hurt你的人, 有幾多錢就要拎佢幾多錢。好好生活, 迎接未來花路!

「不要死」要記住呢3個字!

2個讚
42

以家仲一齊住定點？

43

佢想話俾人知佢係唔要我，唔係唔要個仔。

44

可以 :people_hugging:，多謝你哋，我好無用，其實佢已經好衰，但我仲係唔放低，當我見到份離婚協議書，我又唔開心咗兩個禮拜，之後搵律師傾我又面對唔到事實。

不過我會加油，慢慢走出嚟，要向前行，因為我知道我仔仔都好需要我。我知道我要為我仔仔努力走出嚟。

45

不是，佢已搬走。

46

咁你更加要面對事實，離婚係事實，佢唔再愛你以及個家係事實，你無需要要同佢糾纏落去，你真係要諗嚟緊嘅生活，首要係移唔移民先，因為後面有好多變數，再者，你盡量係佢面前放底你嘅怒氣，因為再無必要

47

可能我執著於佢唔應因為有第三者而離婚，仲要之後對我態度勁惡劣，所以我每次見到佢我就會好嬲，其實佢爭我一個對唔住。

不過我明白我有怒氣都只會傷到自己。我會提醒自己。

1個讚
48

離婚係放過你自己，唔係放過佢。佢出軌離婚、冇盡爸爸責任、冇對妻子忠誠嘅罪名會跟一世。他朝一日激情過後，個第三者都會行返你舊路。

你要做嘅係輸人唔輸陣，佢覺得你唔成熟，睇你唔起，你依家離開，係要話比全世界知原來係呢個人拖累你，冇佢嘅世界你生活得更美好。女人最強嘅報復從來係活得比你好。到你成為勝利者，當年果個渣男係乜水？WFC​:smirk:

9個讚
49

的確如此，俾我都會有同樣執著同情緒。
被背叛冇理由仲要淡化為分居。

請律師跟足所有賠償程序，贍養費要攞足，仔要養到十八歲。如果之前打算移民，問下律師可否計埋移民所需要的費用和應用錢。
同問清楚，因第三者同分居離婚的分別係邊。

宜家係最難捱，
幾年後，到你適應新生活後，將會係另一個新景象。

我經歷過類似的，
宜家都很感恩我媽當年肯重新出發，一個人盡量俾最好嘅我哋。最難捱係離婚頭幾年，家中之後多左歡笑聲，宜家回望絕對係正確嘅決定。

4個讚
50

多謝你。我知道我無退路，只可以向前行，現在發現原來好多野係會變，無野係會一世。不過我知道仔仔暫時對我嘅愛係不會變。

1個讚
51

律師話現在出軌依D，個官睇得好輕，所以叫我無謂同佢鬥， 叫我盡快去搞離婚，越拖越長就越麻煩。

52

咩一年分居, 叫佢食屎, ONE YEAR CONSENT 係要一年分居加雙方同意, 你話而家我唔同意, 因為係我要同你離婚, 原因係~ 你~通~姦~! 係我飛你, 唔係你飛我!
同你律師講你做PETITIONER, 用ADULTERY 做原因, 你知果條女叫咩名同地址仲可以加佢做2ND RESPONDENT 添(理論上)

10個讚
53

俾個5來，我都有相似經歷，而家諗返直頭執返身彩

2個讚
54

唔好就咁算數，要同佢分身家，佢所有資產你都要分一半，等佢想就咁用錢打發你走，冇咁易，再狠d要哂佢所有錢同樓，用來養仔呀，佢咁對你唔使同佢客氣，否則你乜都唔好應承佢，之後錢到哂手就同阿仔移民去外國展開新生活啦

10個讚
55

Hugsssssss

  1. 雖然你同咗佢一齊16年，但係好彩你唔係去到70歲先發覺佢係啲咁嘅人，你仲有好多時間去尋找返自己嘅人生。放開自己，搵一啲新嘅興趣同埋朋友，可能你會遇到你嘅真愛。

  2. 唔好再糾纏佢同你講啲乜嘢或者解釋啲乜嘢，一個變咗心嘅男人可以好絕情，一定唔再係你以前認識嘅佢。尤其係當佢知道你仲好愛佢，仲可以話唔離婚，甚至乎為咗佢去傷害自己，男人係犯賤唔會心軟，只會覺得自己好似打爆機咁唔會再玩隻game。
    你當係一個陌生人同你攞著數，你要好冷靜咁樣諗吓點樣去為自己同仔仔爭取最大嘅benefit。既然係陌生人，就唔好再去諗以前同佢嘅點點滴滴，以前嗰個佢哋當佢死咗啦，而家嗰個真係陌生人，只係咁啱一樣樣咁解。

  3. 唔好諗住報復或者期待佢有啲咩報應，因為你要做嘅就係斬斷同佢嘅一切嘢，你先可以同仔仔過自己嘅生活同埋搵自己嘅幸福。報應嗰啲留返比個天去Care。

Treat yourself better. :yellow_heart:

5個讚
56

原來可以咁，等我問下律師，但律師話叫我唔好為啖氣，只會越搞越複雜:persevere:

57

樓主. 先要比個HUG你先. 要加油自愛!
個一個PK由得佢死啦. 恕我把口衰. 睇呢對狗男女好得幾耐.
今日佢可以有呢個. 同樣地他日個女仔都可以再搵另一個.
呢類CASE多數唔會有好下場

為左你仔仔你要加油呀! 難得你仔仔明白你. 更加唔好再理個賤人.
佢既然都做得咁無情. 你又何苦難為自己去掛住一個唔愛自己既人呢?
難過係一定的, 要喊就大喊吧! 但記得要時刻提醒自己. 你值得更好!!!
如果再大少少可以去外國更加好. 一切重新開始. 話唔定到時再遇到另一個Mr.Right呢!

錢方面真係唔好少呀. 而家對你黎講最重要. 拎盡你應得既!!

2個讚
58

但佢已俾左一筆錢我，佢講明唔再俾，如果要佢俾，佢分返我一半錢:disappointed:

59

唔好為啖氣係因為結果無分別 - 都係要離婚
但邊個做PETITIONER 還是有D分別, 你做呈請人主動權喺你手. 你想幾時郁單CASE就幾時郁
除非你地係做JOINT APPLICATION, 咁就共同申請, 你要傾好晒條件滿意先好簽
做乜要益佢想點就點, 佢仲恢復自由之身出去夜夜笙歌, 你就要湊大個跟佢姓嘅仔?
共同申請得, 比錢, 仔歸我跟我姓, 簽埋REMOVAL FROM JURISDICTION CONSENT 我可以帶仔離開香港, 仔生活費個個月入我指定ACCOUNT, 講明收英磅都仲得!

15個讚
60

多謝你。你講得好好，以前嘅佢已經死左，現在個個只係同佢一樣樣嘅陌生人:+1:t2::+1:t2:我會好好記住，多謝你哋

1個讚