請問有冇人有脊椎側彎?
我有脊椎側彎，搞到有少少長短腳+腳踭痛， 近排越嚟越痛，成隻腳都痛，請問有無醫生/中醫介紹?我之前睇過一次，好似好左D ，但因為太遠，最重要係只得星期六日先睇到，湊住仔又唔方便，所以想睇睇有無第2個醫生/中醫介紹下
我都有同樣問題，而且彎曲都幾大。
應該係細個訓夾板無床墊長大的結果，到出來做野有錢去驗身先知。
如果順住脊骨企，成個人會明顯歪斜，需要長期自行保持水平，旁人先睇唔到出來。
但肌肉及關節負荷好大，所以明白你長期周身痛的原因。
醫生都無咩解決方法，唯一係鍛鍊強壯的背腰等核心肌肉，用肌肉來負受重心不平衡及強行拉直身體的負荷。
幾有效，無再痛過。
不過如果稍為懶散一段時間，肌肉弱化便又痛回來。
我既經驗係咁，希望對你有少少用。
1個讚
我有睇過2個女脊醫
林嘉敏 Dr. Catherina Liem
王偉詩 Dr. Virginia Wong
你上過睇下佢哋地址方唔方便你
我朋友係彎到好嚴重個隻，差1度做手術，佢做瑜伽（當然同老師講清楚），加自己得閒練，佢再覆診個時一照直返好多，已經唔係手術邊緣位。
2個讚
你住邊區先? 我有睇一個但唔知近唔近你
我好多年前睇開羅伯輝脊醫，響荃灣南豐，唔知佢仲有無做
有興趣知道瑜伽老師知料。我都有好嚴重脊椎側彎…
朋友話唔方便介紹，不過佢話可以搵地方學“施羅特”，同埋自己都要係屋企平時練習先作用大。
強化肌肉先係最終治本
所以搵脊醫或復位後 都要強化肌肉 如果唔係好快又打回原形再痛番
4個讚
有無試過睇"忠醫" 佢地星期六日都會開…上佢網站留意下邊間會比較方便.
據統計，東方人每七個人便有一個不同程度脊柱側彎。比西方人比例高一倍有多。
所以應該係幾常見既問題，
我想知佢地推拿好唔好？係咪間間分店都有推拿?
我唔肯定,不過你可以whatsapp/tg /mewe 果d問下佢地… 我自己有follow 開佢地mewe 負責人答野都幾快… 問d中醫有關既問題佢地都會盡量解答你…
係天生的
施羅特要花好多時間練，對發育中的青少年特別有效
我都有呢個問題，所以會有少少長短腳，高低面嚴重的 一笑起上嚟就見到一邊嘴唇向上戚
可以試下一願中醫，係九龍灣
我骨位唔正個d都係佢地幫我搞掂
最緊要係岩顏色
2個讚
因為好多人訓一間房, 我會側埋一邊訓無咁嘈.
而彎曲的位置就係同側埋果邊訓一樣.
側彎患者大部份是C 或S 型咁彎，發育時期巳經病發
幾兄弟姐妹全部都有，脊柱彎曲問題。
按唔同睡姿彎曲，就算只會平訓既都向前彎，醫生叫雞胸。
硬要話全部都係天生既，當然可以。
基因問題？我或兄弟姐妹既下一代，無一個有脊柱問題。