3歲幾男仔，佢唔係怕羞，我問過佢，佢話唔想叫，一係就話唔識佢，一係就話點解佢唔叫我先，同埋其他人同佢講嘢佢未必會應人，已經同佢講左好多次，都冇改善 
試下由叫屋企人食飯開始，每次食飯前要佢叫曬所有人，唔做就罰。
然後可和比較熟嘅親人面前再練。
3歲要逼，唔好剩係講道理
爸爸媽媽主動同佢或其他人打招呼，做示範，可能會有改善(3歲可能都係細)。
我仔細個唔叫人早晨，都唔同我哋講早晨。我哋試過好多方法都唔得，結果，我哋朝朝一見佢就主動講早晨。隔咗一排，佢由冇反應，到有反應，到主動講早晨，再到主動同保安，鄰居打招呼。
2個讚
我以前細個都會，一直去到十幾歲都係咁，親人鄰居陌生人都唔肯叫，又打又鬧都唔得。十幾歲就迫會叫但肯定唔會主動。以前都有小巴迫我叫落車同埋去麥當勞自己買嘢，但我寧願過站唔食都唔想出聲。屋企學校完全唔怕醜，但就係社交緊張，有驚人地有啲過火熱情反應同埋唔想人地讚「好叻喎肯叫人」之類，亦有覺得叫左就會羞恥唔開心（唔好問點解，就係呢個感覺），加上每次唔叫人就畀人鬧，更加反感唔想叫。我寧願畀人話我冇禮貌面黑都唔想叫。呢個想法係好痴線但以前細個就係咁諗都冇辦法。
可以考慮下一步一步黎，最基本揮手鞠躬，然後再同佢一齊叫人，有叫就有獎勵。慢慢黎。可能都係呢兩年疫情見嘅人同事少，需要多啲時間去準備叫人。
2個讚
我小朋友5歲都係咁上下
對住D好少見嘅人都係唔願意打招呼，會企係我後面唔出聲，我都係慢慢同佢講，要有禮貌咁回應別人，唔好指責，唯有多鼓勵同讚賞，希望慢慢改善。共勉之。
我哋次次都會同人打招呼，講幾句架，但係佢就係咁，佢就係唔想
1個讚
但佢唔係怕醜果種，係覺得點解我要做 
試過人地比d野佢，佢冇出聲，我叫佢講唔該，跟住佢大大聲話我講咗啦
咁個性格都幾反叛 因為我細個嗰時大人話咁樣做我就會咁樣做
我小朋友細個到而家都係咁
留意到好耐終於發現佢唔叫係因為唔like嗰個人
佢主動叫親嗰啲人係佢真心鐘意既
唔叫人係唔太禮貌,最後講掂數
我教佢唔like唔想叫都得,但要對住人微笑點頭
咁我覺得唔叫 微笑已經ok
好過逼佢叫人又發脾氣又黑面仲衰
1個讚
咁都係，如果人哋好有善佢係會同佢對答同叫佢，
但依家戴住口罩，用唔到笑代替。可能佢見唔到嗰個人笑都覺得人哋唔友善
佢可能真係見唔到人地個表情而覺得唔友善
而家一係試下 叫佢揮手say hi
其實我都唔明點解要叫人。人少少1-2個叫佢就話打招呼姐, 有時去拜年一入門口對住10幾個長輩親戚我自己都唔會叫啦, 點叫呀！? 又唔係個個都focus响我身上, 唔通一入門口續個行埋去叫佢一聲咩！
講早晨又係, 一瞓醒都未梳洗係唔會想同人講野的, 但一瞓醒就被迫同人打招呼, 好有問題囉。如果梳洗完ready好晒, 但未講早晨之前人地又同你講左其他野, 你無理由無啦啦補返句早晨掛!
如果想仔女叫人不如父母自己示範一次, 父母叫完果個人仔女跟住叫囉。平輩都可以叫架。從來都唔示範點叫人就要小朋友叫人…
3個讚
想佢叫人都係想佢有禮貌，如果係我長輩嗰種我真係全部都有叫架，有時有啲係佢嘅長輩我嘅後輩，我會say Hi，但係佢就冇反應
我小朋友都唔叫人，尤其係學校門外等入學校見到同班同學仔都唔叫人唔打招呼，好似當同學仔係透明。
可能性格係咁。慢慢嚟，3歲都係細。可能返K1後會好D
點頭揮手肯唔肯
慢慢嚟、小朋友呢兩年冇出街, 少見人。可能見到唔熟嘅人已經有壓力、何況要佢開聲。
好似你去間新公司第一日返工、要你叫晒每一個新識同事嘅名、都會有壓力。
我有朋友個女、K2、出嚟見面係唔會叫人、唔會望你、但有次去到佢屋企、佢會好welcome 咁同你打照呼、又係咁講自己啲野。我覺得因為佢喺屋企夠安全感。
每個小朋友有自己schedule, 唔好迫唔好急。
1個讚
咁直接解釋做人要有禮貌，見到人
好認同呢句，唔好同其他小朋友比較，慢慢教同引導小朋友，每個小朋友成長都唔同。
same, 我本人都咁諗，所以我唔會迫小朋友出街要同人打招呼。但如果對方先say hello, 我地就一定要有回應。
至於去一個親戚gathering 既場合，即使叫唔出係邊個都要say hi, 要有eye contact.
試過有長輩係唔適當既時間打黎阻住d小朋友進行佢地routine 野，佢地忙到無時間應人，我就唔會迫佢地停低手上既野去應酬人。
1個讚
我都唔明，好多時湊小朋友返學，見到識得嘅會同小朋友打招呼講早晨，但我唔會expect 個個都回應我，佢哋無反應就會同佢揮手講byebye，我唔會單單因為咁就覺得佢無禮貌。
2個讚