你嘅經歷幾乎同我九成相似, 另外一成唔相同係我肯叫人, 但係因為父母逼,
仲記得每次去親戚屋企, 都會好大壓力, 一入門口就feel到所有人望住我,
我本身係好introvert, 呢D社交場合已好大壓力, 仲要嗰個年代父母冇呢種概念, 開口埋口冇禮貌(我當然知自己行為係無禮貌, 但明白同做唔做到係兩回事), self esteem好低
2個讚
已經k1喇，佢性格係好多藉口，如果係街上嘅人聊佢，佢就話因為唔識佢，如果係親人，佢就會話唔記得/好累，有時就話佢都冇叫我先
1個讚
之前返學日日見到嘅老師，佢都唔會講早晨就入去，我已經同佢講定一陣要講早晨老師呀，佢都話左好，去到就淨係我同老師講，但佢都唔會理我 
我有試過，佢會做一次，之後又重複咁
我都有同佢講好多道理，要有禮貌呢啲，佢就問點解要有禮貌，點解佢唔使叫我，果下我都覺得有少少道理，但試過人地叫佢，佢都係唔彩人囉
同我小朋友好似，好多藉口唔叫人，我仔N到K1係學校好少主動叫人早晨（又加上疫情，返學又成日停）次次都要校長老師望住佢先肯細細聲講，但我眼見其他同班同學已經好主動好大聲咁叫早晨。我諗真係小朋友性格問題，所以之後每次我帶佢返學，差唔多到學校就提佢要講早晨，初初佢又係唔慣或者好細聲，到咗K2 都叫做肯講下，可能已經熟悉個環境同老師，加上如果佢乖我又讚下佢或者獎勵下，所以先有D改善，今年9月升K3，我擔心in 小學先又唔肯講嘢
無論叫人定講早晨, 如果唔係真心講又有乜意思?
點解要有禮貌? 有禮貌係為左令人鍾意, 令人覺得自己乖, 同埋父母有面子。如果個小朋友唔鍾意果個人又點解一定要主動同佢打招呼?
不過人地同佢打招呼佢無反應又係另一回事。唔應人地唔單止係無禮, 仲係擺到明話俾人聽"我唔鍾意你呀, 吹咩！" 咁樣太黑人憎。要教佢對住唔鍾意既人都要好黎好去, 日後好相見。所以我覺得唔主動叫人係ok的, 唔唔彩人就唔得
2個讚
咁佢平時喺屋企係咪好多嘢講？係咪都係成日駁嘴？我果個就係咁。佢自己話佢喺學校都好少講嘢，我問佢點解，佢就話唔洗講嘢嘅，就咁一齊就得，老師問一句佢就答一句，講得最大聲就係byebye
小朋友好多野都明，但又唔肯做
感覺上似係知道家長緊張就愈做相反既野?
有冇留意到日常生活有其他類似教極唔聽既情況?
係，我仔好多野講好多問題，就算自己同自己玩恐龍玩具都要配音。問佢做功課未，明明未做會答我而家諗住做架啦，任何事都有藉口或駁嘴。
相信因為已經適應學校環境，所以而家K2係學校應該都肯講嘢，老師話佢會表達自己意見，性格好動。
但去到陌生環境或者唔熟嘅人都係唔會主動講嘢，試過同佢報跆拳道，第一次去唔玩唔講嘢，淨係企喺度望住人哋玩，去多幾次已經自己周圍跑又同其他同學講嘢。
都有，佢冇咩耐性，要人地幫佢嘅嘢要立即幫，容易發惡，大大聲好似呼喝人咁，同佢傾過，佢次次都話下次唔會，會溫柔啲講，但到時又會發生。佢話佢自己忍唔住
話時話，有時d野如果有學校幫手強化小朋友行為係幾好。好似開口講good morning 咁，由一踏入校門開始見到任何人都要greetings, 講慣左，自然地返到去都比較容易開口打招呼。
但奈何呢家返學斷斷續續，以前視之為理所當然既野呢家都變好難。
咁開返學之後應該會好啲嘅
你咁講開咁又都好似係有呢個原因，細嗰陣以前每次見親戚都係會 end up 唔太開心，親戚俾糖如果我收係會即刻俾人鬧，俾利是我收一定俾父母鬧得好金同沒收，仲要一見面就一定攞我成績黎講。我成績表唔係唔見得人其實都考得唔錯冇 9 都有 8，但同我差唔多年紀嘅讀外國書，佢地出少少力都可以全 A 全 100 排第一，係我追唔到嘅 level。後來中學當然唔會有 9 字 8 字呢個位，所以更加唔想講自己成績。每次見面都係去飲茶，咁飲茶小朋友當然應該好開心可以食好多嘢，但阿爸阿媽警告我唔準食咁多要留畀人，唔準睇書玩遊戲或者離開座位，要專心聽大人講嘢但唔準插嘴。咁多規矩仲要咁苛刻點會鍾意見到親戚。次次見面都冇好事。
其中有一個親戚係特別怕佢唔想見佢，佢老人家每次見面都攬同埋送禮，仲有偷偷搵一個角落塞厚利是俾我，講緊都 20 年前俾幾張五舊，仲好惡警告我唔準同父母講否則佢會嬲以後都唔黎，細嗰陣都分唔清咩情況佢叫我唔可以講咁我就唔講。當然最後佢走嗰陣打電話畀父母講利是呢單嘢就揭發我我又俾人打鬧一餐話我咁樣行為係貪心。
咁小朋友得嗰幾歲人仔，尤其冇阿哥家姐嘅屋企，出世到 2-3 歲都係習慣左有求必應同埋以佢為中心，e.g. 佢撞到流血喊妳會即刻安慰佢，肚餓你會畀嘢佢食。突然開始你叫佢要等。小朋友未讀小學未咁清楚時間空間概念，幾分鐘對佢黎講可能係好耐，加上幾歲人仔冇其他嘢做當然心急同埋所有佢眼前嘅嘢都係好急好嚴重。
有冇考慮下畀個煮飯鬧鐘佢，佢每次要人幫手但唔得閒就畀佢扭個鐘等你？算係畀樣嘢佢等待期間可以做，會冇咁容易發脾氣呼喝人。
3歲仲有得教
話佢知呢啲係禮貌
一定會教到
朋友個細路中一，都係唔肯叫人
呢啲就難搞喇
你細個好慘有冇覺得原生家庭對自己性格有負面影響？
發覺同你有一半似！原來個時d父母係興咁樣。
唔洗叫叔叔阿姨，全部一律say hello簡單D，可唔可以由簡單Hello入手先？等習慣先慢慢升級叫人？
係喎，好，等我試吓