我係英國fan，喺英國大嘅人歷史文化感好重，個人嚟講呢個係最重要
各取所需
比多個角度大家參考啫，大家都有道理
可能我份人唔悶得，個國家文化底蘊對我極重要
1個讚
我冇所謂但我嘅小朋友會有所謂
完全唔認同英國係多種族國家，英國從來都唔係移民國家，其實佢嘅移民政策係之前係相當緊，要好有錢先可以移民過去，而家你見到咁多有色人種，係因為之前係歐盟時代接受左好多難民which係其中一個要brexit嘅原因，佢地係英國生活亦有類似華人咁嘅組織，自成一角，亦不見得好融入到
1個讚
Exactly 呢個係我最擔心嘅地方，鬆仔亂咁噏都有講過呢樣野，佢老婆已經係土生土長，佢d仔更加係土生二代，但仍然察覺到自己個face同人地係唔同，可想而知從生活上大小事都話緊俾佢知你同其他人係唔同，係會有hard feeling，英國係有歷史底蘊，但呢個亦係最大嘅缺點，個社會仍然偏向保守
仲有就係，係香港嘅鬼佬根本係來搵錢同嘆世界，佢地搵完錢就會返家鄉，根本冇諗過要留低，有幾多個河國榮吖香港
1個讚
多種族唔等如移民國家，兩者有分別。非移民國家唔等如種族歧視
再講多次：睇你個重點係乜，冇對錯。
我重點係文化歷史文學涵養，我自己覺得對小朋友好（雖然我冇）
有人重點係完全融入，咁加拿大我認為比較好
澳洲我覺得最大優點係宜居，天氣及食物都好
我嚟咗澳洲一年半，住Sydney
如果要讀啲好學校，一定係住Sydney 或者Melbourne。
我只可以講我對Sydney嘅小小理解。住屋，物價係貴（貴過英國），唔減價嘅話，超市嘅野我覺得係Citysuper價位，華人區有啲fresh food market會平啲。亞洲食野買嘅嘢算多，新區好多韓國人超市
呢幾年勁多印度，回教新移民，除非你住傳統白人東區或者華人區（主要係國內人），基本上梗有印度鄰居
而家不停講緊manpower shortage，主要係hospitality, 醫護，教師，IT行業
3個讚
英國人唔當你自己人唔緊要，但某啲年紀老啲嘅老師唔肯幫人申請大學home student 係問題。學生唔會明刀明槍歧視你，但會無視你咁囉。不過會習慣嘅，你自然會搵到其他人非洲人、亞洲人做朋友。
1個讚
呢個真，極多小粉紅
如果返工或者其他家長係小粉紅，咁可以點應對呢？
英國而家差不多每個區都有bno家庭、淨係中秋節大大少少gathering 已經好開心。至於講融入、我工作到生存到,同上司同事仔女家長溝通到,可以自給自足,買到樓, 仔女不用被迫打針、冼腦, 已經覺得足夠了。
適者生存、各人頭上一片天、根本冇必要強迫自己完全融入。係HK又有幾多人融入到職場文化、教育制度呀…
我初中已經係英國讀書,之前係香港亦係英資公司工作、至大體會係’英國人好假,認真便輸了’至緊要知道自己要乜。
7個讚
哦哦兩句，同事嘅話，只講工事，其他家長…盡量疏遠
我小朋友讀嘅學校都有唔少中國人，香港人得兩三個，嚟到都盡量參加本地家長活動，盡量識多啲本地人
香港你可以唔理呢啲人，但去到外國唔係嗰啲家長會有多啲互動咩？周不時又要整吓蛋糕做賣物會咁。我好驚被迫同啲小粉紅Nancy打交道。
咁又唔好咁講
其實加拿大係全世界第二大國家
唔係只有溫哥華同多倫多
就算中國人，都有好多正常人
佢哋都係頂唔順某國，義無反顧移民嘅
我自己揀咗加拿大
暫時所見好啱自己嘅
至於小朋友嘅將來，有咗本護照
佢哋可以視乎嘅志向出外發展
去美國搵錢又得
想安安穩穩嘅留喺加拿大又得
移民後喺度遇到嘅人，人生上半場都係邊度有工作機會就去邊度，全世界周圍去
最後成家立室先搵個落腳地
都仲可能因為工作穿洲過省咁移居
所以，真係唔駛為細路諗咁多
為佢哋揀咗個自由嘅國土成長，已經係父母最好嘅安排
7個讚
至大體會係’英國人好假,認真便輸了’
呢句好正，最好嘅描述。
4個讚
細細個嗰陣都聽過媽媽講英國人好假。但其實某部份香港人咪又係一樣咁假(尤其金融界）？只可以話佢哋比較內斂，喜怒不形於色。
另一種形容。
點止。係係你面前讚你、一轉頭已經插你幾刀。香港人反而多係唔鐘意你就直接黑面、或黑完再插
1個讚
英國人好表面好假，我都覺得係，不過只要對佢哋講嘅嘢唔好咁認真就得。英國文化唔容許帶有種族歧視，佢地對外來人係有距離，但起碼言行上唔會令你難堪，我覺得呢樣好重要
至於係咪真係可以融入到佢地社群，隨緣吧，我見呢度歐洲人、非洲人即使嚟咗好多年，佢地都係同返自己人交往，生活一樣咁開心
1個讚