生活環境應該係澳洲好啲, 但其實教育澳洲是否真係吾好呢？ 這點真係好困惑!
其實都好睇個人資質、性格、同讀咩中學大學。冇得一概而論。讀到最top嘅大學當然係一張好好啲嘅入場券，搵第一份工係會易啲。但做耐咗就會見真章。
我先生成日笑我: ”你喺xxx畢業連咁都唔識？”“我澳洲間大學排名後你幾多云云…”。而佢嘅知識確實係多我好多(我們是同一專業)。
真係好睇咩學校。
本人曾經係英國公立學校讀過三個月，之後要立即轉私校。啲學生都唔係讀書成間野雞學校咁，又喺校園裏吸毒，根本都唔係讀書環境。
點樣搵到呢間學校？咪就喺香港啲升學展銷會嗰度搵囉….
都係的! 讀書都好睇佢嘅資質同做化， 暫時喺香港讀書都係普普通通，又唔係好受得壓力! 我先生成日都講， 若果佢讀書真係一般，搵個合適佢成長嘅地方就得，若果佢真係第日好叻，佢自己就會去到更好嘅大學升學!
不過身邊朋友常說，橫掂都係走，英國好嘅學校比率多過澳洲，why not 去英國呢? 而且門檻相對低, 所以我才有多一點的考慮
1個讚
澳洲失業率好低，大把工等緊人應徵。
『專科』兩個字但係概括都好大嘅，
如果係 醫生、工程師 係澳洲都不愁搵食。
航空業：
澳洲都有幾間航空學校，每年都有唔少畢業生，這個澳洲絕對不缺乏，仲可以供應出去。
以前國泰都有培訓飛機師計劃，都係派學員去澳洲實習。
再加上呢三年係航空業嘅大災難⋯⋯
其實 香港 好多年青人喺澳洲學航空，返香港之後搵工作，
識人喺 印度 嘅航空公司做 飛機師。
做得這行業，發展唔一定要留 澳洲 或 香港。
1個讚
當年去澳洲只係讀書冇入藉，有申請移民澳洲但bno visa批出咗澳洲都仲未有聲氣，所以決定去英國
英國大學排名高澳洲大學好多，學術水平亦較高，而且澳洲最出名果幾間大學近呢10年超多大陸人，都幾影響學習氣氛
如果用升學做考慮，咁英國好過澳洲。全球top 50 university 英國有六七間，澳洲得一間。
當小朋友好叻升到牛劍，而銀根有限，移左民無能力再送去外國升學，係英國五年後可以用公民學費讀大學，反之由澳送去英升學都唔少錢。
去澳洲啦，英國已經好full, 樓同學位都好爆了
謝謝意見! 聽你咁講，去澳洲升學都要諗一諗!
謝謝意見! 若純粹考慮升學， 似乎英國真係好啲， 但唔知就業機會又如何呢？ 以前啲人去英國留學，留完就會回港搵工做， 但現在環境唔同以前， 十年八年後都未必會考慮回來了!
睇吓做邊行啦。我大部分香港人嘅大學同學喺英國做咗幾年嘢都因為英國啲公司training 唔好所以全部返晒香港做。只有一個留咗喺嗰邊，但因為人工唔理想所以之後過咗加拿大做嘢。佢話比我知佢英國啲同事好多都係離開咗英國去澳洲或加拿大生活。
多謝你嘅資料! 
雖然大家都覺得教育水平是英國較佳，但聽你咁講 ，其實澳洲都有發展機會， 咁若果現移去澳洲，第日細路喺澳洲讀完書及發展，都唔會餓死啩
你講得都有道理， 我有另外朋友同你情況一樣 Canada vs Uk, 最後揀咗Canada, 佢認為小朋友大咗都可能會繼續留喺度發展未必回港， 所以揀一個較合適生活的地方定居下來， 畢竟移民不同於留學，英國教育雖然出名， 佢話加拿大都唔差， 亦都有好多好學校， 若果細路好叻嘅話第日都應該入到， 但係若唔夠叻的話去到Uk都唔會一定入到好top嘅大學, 話若果吾係好top的Uk大學，其實邊度都一樣!
英國歷史文化深厚啲，我除咗英國都冇乜地方鍾意咁啱我鍾意呢啲
教育如果唔係執意入牛劍，其實英加澳3地質素都差唔多，可能澳洲加拿大更好，因為唔係精英制，又冇咁階級分明，同埋2個都係移民大國，社會開放d包容度高d，英國某程度上我覺得係幾保守，可以能係一個歷史悠久嘅國家啦，再講生活，英國天氣同食物真係唔掂，相信加拿大會好好多，澳洲唔清楚不過天氣一定好過英國
3個讚
睇你著重啲咩，宜居就唔會係英國。但對我嚟講文化歷史最重要，錢，食物天氣其次
細路就另一考慮
呢點正係我擔心嘅地方，小朋友其實知自己係學校同其他人唔同，係英國雖然拎左bc但唔代表佢地會接受你係真正嘅英國人，佢地唔會講出口，但態度上行為上會feel到，佢地好care血統出身階級，加拿大似乎冇呢個問題，唱左國歌就係canadian，所以將來我會預左仔女唔係英國發展，去其他地方發展更好
1個讚
我自己覺得對方唔當我係真正英國人冇所謂，但我想喺英國土壤上生活，歷史文化實在比澳洲加拿大深厚太多
其實又真係冇所謂，英國人又唔會做d乜講d乜令你有hard feeling, 正如係香港工作居住咗幾十年的外國人，係我地眼中依然係外國人一樣，好正常
加拿大我唔清楚，澳洲種族歧視幾明顯的，尤其多華人的大city，呢樣都要考慮
咁好多人都係咁成長，英國咁多種族都係咁
個仔女大個點融入又唔使擔心到咁細緻
如果係咁仲有好多嘢研究：澳洲種族歧視都嚴重，加拿大華人藍屍比例極多，都要注意
2個讚