背景: 三人家庭 (去年已入紙申請移民澳洲， 暫未知結果 )~我自己已差不多50歲，丈夫57歲還有三年便退休， 有一個12歲兒子今年九月升中一。 正打算兩年後讓兒子到海外升學， 由於丈夫已經接近退休年齡， 想提早一年退休(即2年後)伴隨兒子到海外升學，丈夫考慮自己的退休生活及兒子有興趣航空领域，所以想到澳洲; 而我們兩人都有bno，移英亦可，但最快亦是兩年後嘅事， 到時兒子已讀完中二。我認為英國教育比澳洲優勝， 但生活環境應該是澳洲較理想，而且亦有朋友在澳洲那邊， 所以現在心大心細， 未知如何取捨。
1個讚
兩年後未必移到了，移民要快
5個讚
Aviation 一定係澳洲，而且現實地講氣候一定係澳洲比較好，相信你兩個大人都去到都係退休/半退休， 所以不如開始留意仔仔想讀嘅科目喺澳洲有邊間學校揀重好
當然如果佢旨在牛劍一類大學，澳洲應該冇代替品
4個讚
航空事業, 不容易行.
1個讚
如果講住，澳洲真係好正，天氣無咁凍，消費對6算平過英國，但澳洲當地搵工比較難，尤其專科類別更甚。
我朋友個仔都去左澳洲讀航空業（寫程式果類）佢話讀完書都要返香港或其他國家發展，因為好難找工作，所以你地再做多些資料搜集睇下個仔讀完該科目將來發展如何。
如果講就業前景，澳洲係比較困難，較少多元化工作，反而英國會較多，你地定居去英國，仔仔也不是局限英國，可到歐洲發展都可以。
1個讚
讀航空不是澳洲較好嗎？
如果去澳洲，你就可以攞番mpf, 去英國就攞吾到，睇你舊錢大吾大舊， 多一定去澳洲
現在澳洲好容易搵工, IT, 會計, 醫護, 求才若渴.
問題只係航空業專才好窄, 所以有保護主義.
1個讚
想請問航空領域有保護主義是什麼意思?
小朋友都未讀完書，咁快諗定揾工？坦白講，我自己從無諗過去外地工作，但時也命也，畢業後不停係香港以外地方工作，直到今日移居外地亦係天意安排。
所以我認為安排好目前既野，太長遠既事就隨緣啦。
正如三年前有幾多人想過要走？世界變化太快，處理好目前需要先
2個讚
我有個表弟大學喺澳洲讀揸飛機嘅。畢業後因為競爭大，想加入澳航並唔係容易嘅事。之後佢喺內陸地區揸螺旋槳飛機升到上captain 後才考到某國際航空公司，但要住喺中東及差唔多要由頭做起。
佢話比我知因為牌照問題，如果一早喺英國或歐洲讀書兼考牌，個行頭會闊很多，唔洗局限於幾間航空公司。
2個讚
Thanks for reply! 我一直都以為喺澳洲讀航空係最好的, 聽你咁講, 又好似唔係! 真係有點難選擇。
1個讚
我相信training是很好，但咩牌照最多航空公司認可就要仔細了解下
係啦… 小朋友大咗好多，再去其他國家讀書都仲得，唔洗因為呢樣嘢限死自己。
小朋友長大過程亦有好多變數，分分鐘打咗第三次世界大戰，或者又嚟covid斷曬航運，邊諗到咁多
多謝你嘅意見! 
以前冇得考慮移民英國， 但現在不同，除了澳洲可以考慮外，而家卻可以考慮埋英國， 所以都想考慮清楚那個地方較合式小朋友將來發展， 畢竟考慮離開香港，都係想小朋友將來發展得更好!
謝謝意見! 我都理解變數太多， 但係起碼希望係這刻有合適的選擇，能盡量配合小朋友發展!
我雖然係英國長大，但就嚟移民澳洲，因生活環境、天氣及人工好啲。但不排除小朋友中學後返英國住，因為英國嘅大學世界排名好幾條街。如果讀醫科、獸醫、牙醫、藥劑等就應該喺原居地讀，但讀商科、理科文科英國某啲學校好似好啲。要等佢大個啲先可以決定到。
1個讚
之前住過澳洲4年，上年一家嚟咗英國，澳洲環境、天氣、飲食都較適合退休人士居住，教育就英國較優勝，但讀航空業肯定係澳洲好啲
你地呢個年紀申請移民澳洲唔易批，基本上過45已很難成功
我先生就嚟退休， 佢就係覺得候澳洲生活環境和氣候都會較英國優勝， 而我就較多考慮個仔嘅教育及之後將來發展， 雖然佢暫時好有興趣喺航空領域， 但畢竟還年少， 發展方向都未定， 只係希望這一刻盡量揀啱移民的地方。我倆年紀已經不少， 移一次民已經夠，好難再移第二次， 如果我地移民澳洲， 個仔喺澳洲將來都發展到，咁日後大家都可以在同一個地方互相照應; 如果將來佢發覺澳洲吾啱自己，到時才去英國讀書或發展，我哋就好難再同佢一齊， 這一點都係我哋現在所考慮的!
以你住過澳洲，現在移居英國， 想問下澳洲嘅中學教育及大學教育如何？ 我都知生活環境應該澳洲好啲， 但係又想阿仔有較好嘅教育， 真係好難平衡各方面因素!
想八卦一下，點解你做中會揀英國呢?
澳洲居住好啲，但英國就學術好啲