同老公無感情，已經分房瞓10年
結咗婚後，發覺根本好多嘢都唔夾，其實唔夾都唔緊要，佢成日為咗啲生活小事鬧我，我就好戲頂，自己都係大學生，嗯點解少少嘢都要鬧交，唔可以慢慢講。生左小朋友，我全副心機擺係個女度。都冇諗夾唔夾嘅問題
每日佢唔喺屋企嘅時間我就最開心，基本上同任何人都有說有笑，佢一返嚟我就冇晒表情，怕咗佢
呢輪佢在家工作，又少少嘢話個女，我睇唔過眼，又鬧交。我唔明點解我哋鬧親交，個女實望住我，期望我收聲，讓爸爸
個女係我心肝寶貝。所以我次次都唔想個女唔開心，忍讓，要睇心理
自己冇娘家嘅支持，又唔想個囡唔開心，又做全職媽媽，我幾時可以離婚？
樓主, 睇你呢篇我以為講緊我自己
我自己已經淡然處之, 學你話齋, 都係為左小朋友, 離唔離婚對我嚟講已經無乜所謂
不過如果你想離婚嘅, 就打點定自己後路 (無娘家幫係難D), 揾時間同個女傾 (我覺得10歲左右都可以同佢解釋你嘅決定), 我相信小朋友都會明白的
相信你忍左好耐，先同女女傾左先，睇女女反應，試下搵社工，睇下可唔可以幫到手，嚟緊條路點行。
我有朋友佢好彩，有娘家幫手，返左娘家，對仔女同媽媽講，好開心，屋企唔會成日鬧交，個一刻，朋友知道做哩個決定好正確
唉點解唔夾仲要生小朋友
你係想問離婚既法律意見嗎？
就咁睇，你態度都幾堅決
如果有需要搵社工，可以搵下屋企附近既綜合家庭服務中心，唔一定親身去，打電話查詢都可以
呢個時候問呢個問題有必要嗎？既然都已成事實
未離到婚前，都先要解決眼前問題。
你老公話個囡就由佢話，受氣都係個囡，佢有不滿要搵媽媽就會搵你。
你本身咩都睇唔過眼你老公又容易同佢嘈交，自己可以做就係唔好出聲，當呢個人透明佢講嘢係發UP瘋。
其實明白你心情，又唔可以同娘家講又無人支持，同老公又唔夾，小朋友又唔明，好多嘢都唔可以抒發到，屈住屈住。
你試吓放低個女，（有時工作，無人同你傾計，加埋你太緊張個囡搞到人好似困咗係到），自己出去走走，做下運動又好，搵朋友飲杯咖啡，做自己鍾意既野都好，放鬆自己心情。
我識個朋友同你一樣
講左離婚幾年
都離唔到, 成日呻
我覺得佢會咁就一世
因為態度唔夠堅決, 亦唔搵D方法去搵錢
佢做左咁多年全職媽媽, 唔想出黎做野
首先我覺得, 你要搵到收入來源先(除左老公家用)
如果有經濟支持, 咁樣先離婚會容易D
多謝晒你哋，我都打算個女上到中學，出返嚟做嘢
其實最大糾結位係個女情緒好敏感，有時會以死相脅，要求我唔好同爸爸鬧交。 呢個係最大原因點解我要睇心理醫生
我有諗過等到佢18歲先諗離婚。 我但係最近有個男人無啦啦approach我，令我有初戀嘅感覺 雖然我冇接受到，但係令我自己發現，原來之前自己冇戀愛過就結咗婚，我先第一次諗到原來自己仲有可能第二春。 如果等到個女18歲嗰時，可能我注定自己一個過埋下半世
女人真係要諗清楚先好結婚，一子錯滿盤皆落朔，一次錯誤注定左下半世都唔開心
其實可以同個女一齊睇心理醫生，睇下個醫生可唔可以開解到佢。
睇醫生唔一定話因為離婚，可以就咁講話見到呀女受到你地啃交影響。一步步黎，起碼到真正要離婚時，希望到時個女會明白多一點
講得好啱
你女幾大？以死相脅係咪認真？要睇醫生喎
佢喊住話，如果再鬧交佢就會自殺，就算唔係真正行動，我明白佢好想家庭和諧
但係我個女，只會威脅我，同埋成日期望我係忍讓，所以我常常唔夠膽反駁老公，積積埋埋要睇精神科醫生同埋心理醫生，要長期食抗抑鬱藥
嘩~樓主你囡幾大?
用死相脅喎，你有無諗過你囡都要睇一睇精神科醫生。
定係你囡都有睇緊精神科醫生?
五年級，佢喊住咁講，但係冇實際行動
我明白佢唔想父母嗌交，呢個俾其中一種方法可以控制到媽媽收聲
有無搵學校社工傾吓你同你囡或一家問題?
其實我長期忍讓，現在同老公一日都冇10個說話，根本冇嗌交. 外人睇唔覺我屋企有問題，係自己要睇精神科，食抑鬱藥
呢度啲姊妹好好，我之前未有抑鬱時，常常找我好朋友，或者教會嘅人傾訴，佢哋10個有九個要叫我體諒老公，要忍讓。冇人真心了解過我感受，聽完佢哋咁講我情緒仲差。唔知佢哋係咪受寧教人打仔，莫教人分妻嘅傳統觀念影響，冇人叫我可以選擇離開，我就係睇唔到出路，屈埋埋先有病
你己經好叻，肯面對自己有情緒問題一面同接受治療。
但單單只有你睇精神科醫生，感覺都唔會解決某方面問題。
試吓搵番學校社工傾傾，社工再同你囡講下。
五年級女仔己經知好多嘢亦會好敏感好在意別人家人，如果關係搞唔好，到了反叛期，大家關係會更惡化，怕你到時情緒會更差。
我都覺得你好叻
睇心理醫生已經係行出第一步
最好帶埋呀囡睇
五年級已經可以自己返放學
屈埋真係會病,我之前就係咁!
而家我唔忍啦