同你女女解釋返,只係呀媽忍解決唔到問題
或者咁講，無實際行動，但佢困擾到一個點要用死嚟要脅你都係問題。一般困擾唔會咁。你都要正視，淨係你一味忍唔會解決到
1個讚
醫生唔會理有冇實際行動，只要講過/諗過要自殺已經有ground去見下佢…至少俾佢知道呢啲野唔係隨便講，唔係細個就可以情緒勒索，咁對你好唔公平。
3個讚
因為你囡知道你老公係屋企嘅經濟支柱(即係話事人)。
其實小朋友好敏感，亦會記得父母講過嘅說話(尤其大家嗌交，互揭瘡疤之時)
所以盡量唔好係仔女面前惡言相向，雖然我知好難。
你老公有冇提過想分開？
如果佢都有呢個諗法，大家和平分手co raise 小朋友未嘗唔係一件好事
你女女怕見到你哋嗌交，可能你哋分開唔使再嗌交，小朋友可能都會鬆一口氣
我估老公發夢都冇諗過我想離婚。佢覺得我全職媽媽，又冇經濟能力，走得去邊。如果佢係珍惜我，就唔會知道我食緊抗抑鬱藥，竟然咁對我 唔改善自己嘅脾氣。
其實我條件俾佢佢好，年齡細佢好多，有時同個女行出去，真係有人以為我哋係兩姊妹。我學歷仲要俾我老公高
可能原生家庭一般，自己又怕羞，讀大學嗰時都識唔到男朋友，畢咗業冇耐有人追，佢又好心急求婚，咁我就求嫁 未結婚前，我知道自己唔算愛佢，但係覺得佢個人好就得人。結婚後佢先原形畢露
我有諗過，佢如果知我想離婚，我驚佢會發生倫常慘案，佢會傷害我
你仲咁後生，佢咁恐怖，你快啲一路帶個女去睇心理醫生，一路準備離婚。一有機會就即走，要保護好自己。
1個讚
我認真講,你真係去做運動練大隻D個人先,我朋友身體唔好,同EX老公嘈離婚果日俾佢打,佢EX奶奶係屋企都完全唔勸交唔幫手 
你做開運動既話,起碼有咩事都快手開門逃生
令人擔心。
欣賞你會上網求助，但現實中除左睇心理，仲有其他人可以幫你嗎？
我覺得你既情況，需要搵其他專業人士介入
正常係咁，但樓主可能驚個女都要食藥，唔想佢咁細個就食藥？
如果未係太嚴重，可以由心理治療入手，但囡囡亦未必想面對？
樓主老公係咪年紀好大？
年紀大可能好怕老咗會自己一個
同埋男人上咗年紀脾氣好難搞
快啲搵份工先，唔可以再等
呢個真、就算後生正正常常
老左都會硬勁又「聞塞」
好感動呢度啲姊妹咁有心機回覆我，我之前抑鬱症未爆發前，好朋友係基督徒，我同佢傾訴嗰時，佢常常要我檢討自己嘅不足，話我冇體諒老公返工辛苦，就算當初唔係好愛個老公，都係自己嘅選擇，都係要忍耐，我又真係聽佢講，更加忍讓，更加覺得自己唔啱，搞下搞下情緒病仲嚴重咗。
其實我想問基督教係咪好唔贊成人哋離婚，除非個老公有外遇，或者家暴，如果性格不合都唔可以離婚呢？我返教會，佢哋常常強調女人係要支持男人，男人返到屋企嗰時，要笑意盈盈咁樣迎接佢，又話要同老公有定是親密關係，婚姻先長久，但係冇人問過究竟個男人之前有冇對過老婆好呢，個老婆係咪開心呢？
冇宗教係贊成離婚。但正常嘅基督教不反對離婚。
就算社工或心理醫生，都唔會不問情況或原因，就會建議你離婚。
要了解基督教嘅起源，咁先會對宗教內嘅教義有深入了解。
聖經都有寫：你們做丈夫的，要愛你們的妻子，正如基督愛教會，為教會捨己(以弗所書5：25)
**唔好意思，教徒上身。
3個讚
我覺得係人嘅問題
唔係教會嘅問題
4個讚
最緊要係、你已經都好肯定自己對呢個男人已經無情無愛、甚至連感情都已經冇、真係可以走唔洗諗。
如果我係你，我未必會問過女是否贊成我哋離婚，而且揾個機會問佢，當我同爸爸分開，你會想同邊個。但大前提係、你自己準備好自己生活嘅經濟能力。
2個讚
的確有機會係咁，每人都照自己既意思演繹教義
基督教會亦係因為人而分裂唔同宗派
請你一定要好好照顧自己既感受
我有好朋友同我講過一句說話
“心會告訴你方向”
試試聆聽自己內心既聲音
希望對你有用
1個讚
既然大學畢業，點解唔出去做野呢，試下出去返工先，擴大自己生活圈子先，個人都會開心好多，可能連夫婦問題都有出路，做全職主婦其實係好易抑鬱
1個讚