坦白講，我係教書，仲要教中學（俾人殺嘅科），大家知咩時勢。但我學校好好，一來perm, 二來我幾年前因家庭原因調左做part time (7折工作量，人工當然係7折) , 三來調左我去做支援學生工作，所以學校都冇要我走，但就未必俾我轉去教其他科。
其實我自己都鐘意接觸SEN學生，呢排就有諗過再讀教育心理學再轉行，但我已經40歲，讀完已經43歲, 都令我好猶豫，大家可唔可以俾啲意見我？
8個讚
係咪可以半工讀？
我讚成你再讀！（當然講就易）
但係你講你教既科目…太危險！
1個讚
要睇家庭經濟負擔，有冇小朋友/幾大可以照顧自己嗎 等等
如果經濟ok 小朋友又大晒 or 冇小朋友
咁可以讀呀！
有需要同埋有興趣就讀啦，讀書無分年齡啊。
如果有興趣同工作有幫忙，自己時間安排到會讀
但完全轉一個全新行業就不
3個讚
同意呢個想法… 40歲, 都唔太遲… 而且對自己本身行業有幫助… 讀啦…
2個讚
有兩個小朋友（津小），港豬老公其實應付到家庭開支，但可能儲少左錢。我有諗過搵part time 幫補下。
如果讀完就轉行，你知而家教書。。。我真係過唔到自己個關。但part time 讀就讀4年，我驚仲遲入行，就更加無機會。
讀完只係43, 都仲可以喎.
報咗,收咗先再考慮
好多人爭,報咗都未必會收
3個讚
其實係架，報就會報，不過諗起轉行，就覺得自己好癲。。。
其實我鐘意教書，不過此時此地。。。真係覺得晤可以再捱過去
下星期要再上網課，諗起都無動力準備
會, 已轉行做一些人工低但政治風險較低的工作, 而且我認的人中, 不只我一人, 人數也不少
加油
1個讚
如果未到退休年齡，又對個方面有興趣＋或個邊缺人，我會讀。
其實都係做教育，又唔算話好大轉行
即係今日做賣衫，轉做賣化妝品咁，其實都唔算大轉行
4個讚
有興趣同有能力就去試，唔好比自己後悔，亦可為細路做人板，知識無極限，最多未必搵到相關工作，但多張紙點都好啲，比人睇到自己會不斷學習
1個讚
都係相關行業，轉到行係好事
1個讚
多謝大家，多謝提醒左我好多，唔好俾自己後悔。
我諗最唔支持我嘅係我阿媽同個老公，佢兩個成日覺得你份工咁穩定人工又咁好，做乜要轉工？我老公成日覺得你躺平咪得，小心啲講嘢，黎明好快就嚟，真係唔知佢係天真嬌定係百分百港豬。佢唔明我入邊幾痛苦同唔開心，真心我都唔捨得教書呢份工，但我真係頂唔順。
我尋晚同我老公嗌交，我灰到覺得只要同佢離咗婚，我先可以去實踐我嘅計劃。如果我繼續教書，我覺得我會選擇提早退休，但我轉行做心理輔導，我反而覺得自己可以做到老。
其實我計過我啲積蓄係可以support到我全職讀兩年，同小朋友生活，但我覺得我老公未必肯俾我。
3個讚
轉，
- 教育心理學前途好，都多opening
- 香港需求只會有增無減
- 人工同宜家ft差唔多，或者可以再升
- 個牌暫時仲同英聯邦接軌，mobility 高好多
只係難入同難出，
有能力考到的話，睇唔到唔轉嘅理由。
老公方面，
轉左再平穩啲同人工高啲呀。
仲有做落左可以freelance接工，時間flexible d，湊細路都方便啲。
4個讚
我認為你有心有能力有志向，不妨轉，四十歲好後生，我好欣賞向上嘅老師，香港之福
2個讚
做你有passion 既事，活自己既人生
將來佢地就會明係你有遠見
2個讚
首先，教育心理學家係極難入，好多人爭，以我所知得Hku 同cu 有搞master，唔肯定教大有無，同埋應該無part time 讀，當然，你係有經驗嘅老師當然大加分啦。
2黎係做教育心理學家係政治上同樣有風險，我機構嘅edu psy團隊今個學年都未過，已經因為某啲原因一半人拉隊離職。如你有移民念頭，香港edu psy 好似無得直接駁返外國資歷，之後都要係外國補翻edu psy master
最後係edu psy workload 非常大，一個人普遍負責緊6-8間學校，亦真係由一翻工就做到收工，幾乎無得抖，因為你一星期都未必黎到學校1日，所有待處理個案，你黎嗰日就會安排哂俾你，你都要諗清楚。當然你hea做，遲嚟學校的都可以做得好舒服
5個讚