我明你感受呀,我老公都係唔支持我開workshop架,明明係用我自己既錢 
想讀就讀
多謝大家意見，真係好好好有用。
我都知道係唔容易申請入到去讀，但好似大家講我都會試咗先。
其實我都仲好鍾意教書，直到呢刻我仍然好努力去講一啲我認為要講、要教學生嘅嘢，但我想像唔到未來20年我仲喺度教書，再教落去我覺得一係我會有精神病，一係頂唔順提早退休。
其實我都有諗過讀輔導，特別係家庭輔導，但當我灰度想同我老公離婚，我就覺得自己有咩資格去讀？同埋讀教育心理學之後個前景同人工好似穩定啲，咁可以塞住我身邊嘅人把口，不過都會做多啲資料蒐集，諗清楚再去試吓讀啲乜而轉行。
其實我甚至都有諗過轉去做保險，不過我自己好怕去俾人sell ，想像唔到自己會點sell 人。我依家都好努力去讀一啲短course，考唔同嘅資歷，希望自己有多啲選擇，同時人工都唔會太差，可以養到小朋友。
3個讚
如果要讀edu psychology (especially SEN), 佢應該會要求你實習，要實習就prefer full-time students,方便幫學生安排日間實習。
讀edu psy 嘅門檻都好高wor…加油
呢個我反而有少少保留，
印象中，輔導係比有正職嘅人錦上添花。
全職輔導嘅人/職位真係唔多。
同學校setting唔同，全職輔導冇時間同client關建立關係，
一見面就輔導，個效果未必好顯著，滿足感亦唔會太大。
如果係咁，倒不如轉教其他科或者小學。
反正要轉行，不如順道移民？不過你老公大概會反對。
其實你唔算轉行，只不過係進修？讀完可以做專門照顧sen小朋友嘅老師？我識嘅老師朋友，不少會part time讀相關課程，工就繼續返。
如果有小朋友，有冇諗小朋友會係香港讀定外國讀？
佢活係平衡時空？
喺外國好多人到中年先去轉行，小問題
喺香港先至鍾意要人人嘅人生都係行一條特定嘅路
黎明？有都無咁快吧
我個fd 三十尾
教高危科
今年轉左工 無再教書 驚講錯野又過唔到自己嗰關
轉行咁滯
如屋企有人湊小朋友 有backup
做part time 邊讀書做番自己想做既野
多謝大家鼓勵，真係好感動，我會努力準備去報
有一刻我都諗個個去外國讀書移民，點解我仲係香港讀？就係我老公晤肯走，我諗就算離婚佢都唔會同意我帶小朋友去外國，唯有留低再算。
我身邊同事除咗移民，冇乜人轉行，可能大家家庭負擔重，同我哋學校係正常，所以又無乜人覺得要轉行。
我都知好難考，如果真係唔得就再諗，咁我呢刻未去到太差，學校好多SEN，所以我大部份時間都去咗湊佢哋，教書只係好少部分。。。不過有啲位，你真係好唔想去面對。
我都知讀輔導難啲搵食，所以我未必真係去讀，或者考唔到再算。
我自己都有諗過創業開訓練center，不過我老公一定會係咁嘈。。。其實佢係黃，不過我晤明點解佢會咁樂觀。。。我做唔到，佢仲會話我仲乜咁負能量。
2個讚
可唔可以講轉左做乜？我想搵多少少idea, 諗可唔可以轉行
如果讀SEN 大力支持、SEN個方面好缺人，唔好比年齡限制自己既潛力
但要留意教育心理學同教育心理學家係兩回事，前者係一個相關知識既課程，後者既講緊要考專業牌照，碩士課程競爭好大，呢個年齡未必收。心理輔導相對易入
1個讚
我老公都係一樣，我係公務員，我成日警告佢如果老細有政治任務俾我，我會賠錢走人！
我老公都係，真心唔明
我覺得佢哋只不過用藉口嚟掩飾自己事業心。
為事業唔肯移民，同要留低係香港唔移民，邊個理由好聽啲？
如果家庭負擔唔大，兼讀咁都可以，始終同你事業有關而去轉行會容易啲，唔建議轉去一個完全唔同既科目，讀書之時你會自己慢慢諗到條路點行，分享下我既體驗，兩年前公司裁員，我比左一年時間自己休息加讀書去諗下下一步點行係讀完全同在職不同既科，讀完發覺自己唔太適合，做返之前既行業，如果時間同經濟許可，可以試下，但就最好搵返自己專業既黎讀再進修會好啲。
樓主你讀SEN 其實會幫到人，都係一科不錯既科目，有時工作都想心靈上有滿足感，幫到人既滿足感同成功感會好唔同
咦…樓主唔係話讀教育心理學？
欣賞樓主係自己有進修既心
見到留言話教育心理學難入，我諗緊其實會唔會同時報埋輔導？
我懷疑之後如果真係讀既話，全職讀緊書仲有冇機會做到part-time？
我自己諗，雖則話港豬老公唔支持，但始終有家室，點都要儘可能搵個方案係老公相對地冇咁反感…
我識得有兩個朋友都婚後有仔女先再進修，不過我冇問太多details
其中有個part-time讀書，佢小朋友仲細，當佢趕住交assignments既時候會出動埋朋友幫手湊女，又聽過佢話老公埋怨佢唔做家務…
每一個決定都唔容易，樓主加油
你個情況騎虎難行，唔進修有冇其他選擇？