我唔算係失眠，又唔係因為工作關係冇得訓，只係習慣左，個人唔會攰
最近開始有啲擔心自己健康
1個讚
我係咁,結果而家患癌
我唔知同睡眠習慣有冇關，不如暫時唔好深究住，好好醫病
3個讚
咩嘢年紀呢?
但就算係老人家都要瞓六個鐘。
試吓做運動，睡前戒3c，睇下有冇幫助？
利申：淺眠底，會失眠，睡前yoga 幫我一覺瞓天光
1個讚
同你差唔多，不過冇擔心過健康。
好多媽媽都係咁，仲要4-5個鐘係斷開幾次計。
不過長期係咩意思？我近十幾年都係咁，不過一星期總有一日係老公湊仔/我真係頂唔順，可以瞓耐啲，有6-7個鐘。
我自細都瞓唔多，而家再少一兩個鐘咁解。
如果睡眠質素好，其實瞓4個鐘都夠精神做嘢，我雖難入睡，但瞓就瞓得唔差，少發夢。
1個讚
分別有兩種，一種係睡眠失調，一種係基因問題。
前者長期睡眠不足下，身體會失調損耗。
後者係天生沒辦法睡超過4~5小時，但身體及頭腦完全正常，並不罕見，統計所得，每百多個人便有一個係咁。
我係後者，可同時返工返學及當運動員，每天睡 4小時或更少便精力充沛。
目前醫學研究，係屬於 gift一種，無後遺症。
性格方面，幾乎都表現出強烈的求知欲，即使時間比常人可以使用既多，仍然極之繁忙會向多方面發展。
7個讚
有朋友就係咁, 自己做生意, 工作時間長, 每日固定訓5個鐘, 天生無須訓太多, 精神良好, 持續多年.
後來証實有胃潰瘍.
我，我係瞓四、五個鐘就自己醒，瞓返又醒，瞓返又醒，11點瞓、三、四點醒，醒咗瞓返之後每個鐘醒一次，好辛苦
有朋友係咁,
每日多4個鐘, 真係好開心, 學嘢都多過人真係…
但如果按番身體器官有作息時間，咁可能有啲會無咁好弱少少。
其實好難評估身體有毛病係同瞓得少有關喎，咁瞓多過5小時但有病患嘅比率呢？咪仲高。
睇你嗰四五個鐘係咪優質睡眠
1個讚
又未至於得4個鐘，不過長期唔夠瞓就一定。養家/家務/湊細路/照顧老人 其中中兩樣已經冇可能夠休息。唔排除我手腳慢冇效率。
長知識
我係4個鐘一個cycle，有時一個cycle 之後醒咗瞓唔返，係幾精神，但下午謝哂皮
要8個鐘先夠
1個讚
我曾經持續幾年每晚瞓4-5小時，嗰輪返工遠、夜收工、壓力大，夜晚9點後先返到屋企，食飯、陪細路pillow talk, 準備第二日晚餐、沖涼、少少輕鬆下，轉眼已經2點，第二朝又開始送細路返學，持續差唔多4年，除咗忙之外又好似冇乜嘢喎
好辛苦喎
其實諗諗下，我唔算係長期只訓4-5個鐘，只係一時緊張…
我個問題應該係咁：近日我只係維持訓得4-5個鐘，擔心長期落去會唔會有咩問題
睇完大家既回覆，我都係傾向要調整返我既作息時間…怕長久落去，到身體響起警號時就太遲…
謝謝大家