通常裝修左幾耐會想再裝修下？ 裝修一次通常 Keep 幾耐？
十年左右差唔多啦！不過最近呢次的裝修keep得特別好，好多朋友上來都話睇唔出已經裝修咗八年！
2個讚
裝修完一次永遠都唔想再裝修，好煩
7個讚
係好煩， 但見到間屋好似越黎越殘又想執下佢
係咪因為你打理得好呢？
其實我間屋裝修左6 年， 但已經有想執執佢既諗法…但對上一次已經係全屋大裝
裝修時會同師傅講明自住非出租啲物料預我用到15年
1個讚
係咪有寵物？
有小朋友，寵物會殘得快啲。
我諗下次我都要咁講， 但好既裝修師傅唔易揾， 我上次都有同佢講要好既物料， 但佢有d小配件用d 唔好， 好似櫃門較， 佢用左個好差， 而家每個櫃打開都會有好大聲既聲，好煩， 有人訓緊都會俾佢嘈醒。
仲有d 睇唔到既位， 佢做得好求其， 但日子耐左就會發現問題…
無寵物但有小朋友， 我諗主要係裝修師傅做得唔好掛， d 櫃門較生哂鏽， d 櫃邊位， 唔知係咪佢用料問題， 發哂霉， 抹唔到， 但其他地方係無事， 係d 邊位唔知點解會咁樣…
2個讚
是啊 報價單上我已列明 （門鉸路軌牌子 客人來料） 因為有第一次裝修經驗佢哋只用十蚊八蚊大陸鉸
通常按實際需要先裝，例如小朋友大左要改房間用途。
由於每兩三年，我都會翻油執灰填縫一下。
所以來訪既朋友都一直以為間屋係新裝無耐。
1個讚
門較可以自己配返換左佢，櫃邊發霉如果係指定一兩個貼牆位，要研究下入牆位有無水喉。
唔係貼牆位就係材料問題，板身壓合膠水用得唔多，吸水率高，簡單講係平價料。
發霉，可能係板唔靚，鉸生銹就一定係品質唔好。
下次裝修，轉用德國或者意大利出品會好的。
哦， 原來咁樣，咁我下次要小心d， 因為我第一次裝修時無事， 第二次裝修，換左裝修師傅就出事
呢個係其中一個我想裝修既原因
你好好心機呀， 你自己做定揾人黎做？做個陣咪要搬開哂d 野，先做到？
我唔識呢d 野， 但有機會係你講呢樣野， 因為全屋所有櫃都係咁， 因為我差唔多全屋櫃都係俾佢現場做， 所有所有櫃既邊都係咁， 我初初就諗係咪佢用黎痴個樣物料(膠水？我唔識點講) 質素唔好， 所以全部個邊都有發霉問題…
板無事， 全部問題係個邊度， 我唔知係咪用黎痴野個物料(膠水？) 問題
無諗過呢d 咁細既野都要自己小心， 因為裝修已經要顧好多野， 無諗過咁細既位都要自己諗埋， 多謝提醒， 下次會小心揀…
1個讚
要改房間用途就真係有需要，無得計裝修得耐唔耐。
我自己 diy，先執清一個位，做完就另一個位。
老實，執野時間都佔左一半，又每日做完都要即時清潔，始終住緊人。
所用時間比起無人住緊，吉屋裝修多接近三倍。
不過翻新完，成家都住得舒服些，值得的。
通常揀長假期，再駁埋公司清假咁去做，一星期到可攪掂全屋。
進口板材同實木拼板差不多價，比起普通壓板貴三倍。
不過都貴唔過現場開料做既人工！
聽落板料同板身貼皮都無事，似係修邊位落膠水唔夠多。
都正常，因為落得多膠水雖可防潮，但擠出來的膠水會攪到一撻撻，仲要清唔到乾淨晒的。
無計，細位係要自己執。
你用清霉劑之類清晒，確保乾透後。
用襯返顏色 (透明，白，灰，黑) 既玻璃膠，用手指塗入邊位，自行補強個封邊。
咁就好難有霉架喇。