你好勁呀， 可以自己搞得掂 
係呀，真係好貴， 但個時諗住現場做貴d 會好d, 點知，佢有好多位， 眼睇唔到既(例如淩空櫃底同牆身連住個位， 雲石個底外露既部份… 仲有好多鬼鼠位…) 就做得好求其， 日子耐左我先發現
而且覺得佢用料用得唔好， 例如：櫃門鉸…
我淨係千叮萬囑佢櫃木板要用好野， 但估唔到d 配件佢就揾d 差既野俾我…
原來玻璃膠都得？？ thank you thank you 
我想請教你， 咁如果我訂做再搬黎個d, 會唔會有機會質素好d? 定係會仲差？ thank you
咁要說明一下，點解現場做會好過訂做。
主要係香港會買到真正既進口板材，訂做無本地生產，一定來自牆角。牆角真正既進口板材比香港更貴，無市場下只有仿進口級數。(五金件相同)
而仿進口材料係傢俱上既需求唔高，因為一係用普通壓製板材，一係真接用貴既實木拼材。
但可惜既係，香港既木工師傅已經不存在，只有懂木工既裝修師傅。牆角傢俱廠既流水線工人，日日係咁做，功多藝熟，隨時手工更好。
所以綜合來講，先訂做，再由裝修師傅現場修飾最好。(為免生產出錯，工廠會預鬆好多，引致無咁貼合心意)
訂做時要求用大芯夾板，普通平價料中最耐用的了，雖然甲醛超勁，要散好耐。
至於時下流行既低甲醛環保材料，貴得來唔耐用，因環保膠水太貴，工廠落得好少。
真正既進口板材先至做到低甲醛又耐用。
自帶木工技能既，買 ikea 修改又平又靚，所謂 ikea hack，上網會見到係外國好流行，我自己係哩種。
好似打得太多字。。。
1個讚
我都好鍾意IKEA, 但我唔識木工， 我屋企都有買IKEA o既現成家具。
但我想講 IKEA d 衣櫃背板好似唔得， 呢個就係點解當初揾左個師傅黎現場整櫃同衣櫃， 點知個師傅都唔係整得好好… 
唔會呀， 多謝你， 我長知識了
ikea 所有櫃都要 wall mount，用料少的關系，唔咁做好易變形。
要放重野的話，層板要加五金件補強。
另外無貼皮的邊或自己鋸過既都要用玻璃膠封邊。
簡單木工上 youtube，跟住慢慢做。
可以用準備唔要既傢俱做實驗品。
求人不如求己，要比錢都一樣。
加油，萬事起頭難。
多謝， 真係長知識了。
應該係我哋冇小朋友又冇寵物，同埋之前可以飛嘅時候，一年平均有三四個月唔係香港！
1個讚