前年去洗牙照X光，牙醫檢查嗰時話我下排智慧齒橫生出唔到嚟，咁我話每隔兩個月都會覺得痠痛，醫生就話再咁落去成日發炎，就會影響埋前面隻牙，叫我盡快安排剝，不過因為佢係未生曬出黎，一定要開刀剝。
我一直都無打算剝住，因為好耐無痛過，直到四至五日前佢開始痛得嚴重咗，就知道好快要剝……我睇開個牙醫已經執咗，而家物色緊其他牙醫診所，我咁大個女都未試過剝牙，對於剝牙嘅認識就只有其他人嘅恐怖經歷，唔去剝得唔得
剝牙會打止痛，應該唔會好痛
我就無剝智慧齒，搞到蛀左隻大牙，仲慘
我覺得係打止痛針嗰下痛, 剝唔痛。你問下朋友有冇手勢好的牙醫可以介紹，等你無咁擔心
1個讚
如果唔剝的話 你遲啲頂住另一隻大牙
咪變相影響到兩隻牙?
我右邊下面隻智慧齒生刷得唔夠入, 成日有食物殘渣攝住令到佢蛀左,
猶豫好奈剝唔剝, 最後剝左一了百了咩都唔使理,
你都唔好諗咁奈喇, 拖得越奈越麻煩
其實唔會好痛，只係打針嗰吓少少痛
剝完都完全係忍受到嗰種痛，放心啦
頂唔順都可以食止痛藥，唔係真係咁恐怖㗎咋
有麻醉唔痛， 只係要拿大個口半粒鐘 兩邊肌肉會痛~
我本身cool緊牙所以短時間內連埋智慧齒剝咗5隻牙…
搵個口碑好的牙醫幫你，個人認為最痛都只係打麻醉同埋麻醉藥開始過先痛
牙醫會同你講止痛藥大約last到幾多小時，到時可以食定止痛藥
係。最痛是打針嗰下
請問有咩恐怖經歷？
我隻智慧齒都係打橫生要開刀剝
係打2枝麻醉針時會痛，之後成個過程都無感覺
傷口聯左2針（硬線）
麻醉藥過後會痛，食止痛藥會有幫助，但唔會完全唔痛
我早幾日都發現有同樣情況，我係啲牙肉包住曬隻智慧齒嘅一邊，想刷都刷唔到，但啲食物殘渣就攝曬入啲牙肉入面，早幾日我先發現隻牙可似蛀蛀城咁。
原本仲以為幾年前剝咗左邊隻打橫生就唔使再剝牙
有需要嘅一定要剝
等耐啲只會剝多幾隻
買定幾杯雪糕，布甸，啫喱嗰類
剝完食啲凍凍地，甜甜地嘅野會舒服啲
小學係學童牙科剝大牙
佢哋出名手勢差
但係其實都唔會好痛
有雪糕食就唔記得其他嘢囉
我有一個唔係咁好嘅經歷
話說我上面個排牙, 個兩隻智慧齒
蛀咗牙咁我去剝啦
佢有幫我打止痛針嘅
但係因為 隻智慧齒嘅牙腳 生得唔好
個牙醫 整咗好耐
都抆唔到隻牙出嚟
之後佢就開始 用我嘅面豬登 借力
撳住我塊面豬登 想剝隻智慧齒出嚟
我忍咗好耐 佢都抆唔到隻牙出嚟
眼淚都標埋出嚟 去到最後一刻
我頂唔順我一手推開咗個牙醫，同佢講
你整到我塊面好痛
連埋個較位都好痛
跟住大家都抖咗一陣 再嚟過
所以我整左一隻， 另一隻去第二間整
咁今次就好快， 無好痛完成咗
1個讚
剝咗三隻智慧齒，下面兩隻打橫生兼超近神經線，每隻都係十五分鐘內搞掂，第一隻剝嗰時最驚最緊張，週圍問朋友有無介紹最好嘅牙醫，好彩介紹咗個超好嘅牙醫變咗成件事無咁緊張
我有一隻要開刀剝, 佢吾夠位生頂住前面大牙, 最後兩隻牙一齊痛, 痛到頂吾順走左去剝, 同埋吾係你諗咁得人驚, 幫我剝牙個牙醫好熟手, 好溫柔, 唔駛半個鐘就剝好, 同洗牙時間差吾多, 我本來以為拆線後會痛好耐, 但係其實又吾會
如果只剝一隻牙打麻醉針頂多打兩支都係痛兩下，過程上應該唔痛因為都晒感覺，剝完牙應該會有止痛藥俾你食。
相比牙周病上下牙打半打針嚟比（其實會分兩日做每次上或下），真係剝牙己經算係最輕鬆既事。
我十幾年前一次過剝3隻智慧齒，1隻就咁剝，2隻要開刀，大約一星期冇晒事消腫
啱啱剝完牙唔痛，因為麻醉藥未過，之後先會痛，要keep住食止痛藥。預咗嗰幾日只可以食流質食物
過來人,我舊年同你一樣智慧齒打橫生, 影響埋隔離大牙… 係無可奈何下要去剝… 坦白講, 真係驚…驚過生仔, 但剝嘅時候打晒麻醉針真係唔痛… 之後一星期你要有心理準備無談好食, 我食止痛藥都會痛… 一星期後開始好D…兩星期後完全正常… 不過, 越遲搞就越大件事… 因為真係有可能影響其他牙… 快D搞啦… 病向淺中醫…
我都好怕剝牙，計小童時換牙之後，咁大個人都冇剝過牙。所以我智慧齒個位成日發炎，我都忍，最多俾d心機刷乾淨d。但後來醫生話再唔剝好易有牙週病，先死死氣去剝。
最後，冇我想象中咁痛，感覺良好。
另外，個人認為搵個後生d既牙醫會好d，先夠力剝。
加油，唔剝可能會仲大鑊。
我都係過來人，早剝早享受
1個讚