智慧齒真係要快啲搞掂佢，牙痛慘過大病呀！我嗰時去土瓜灣揾高如春剝牙，手勢唔錯！
我都係勁驚去睇牙醫
每次入去之前都驚嗰個人不停咳不停震 
所以而家每次我都會戴ear buds聽音樂
咁成個過程就容易過好多
我已經剝左3隻智慧牙。
2隻喺上排唔洗開刀，打轉麻醉，唔洗1分鐘剝左。
1隻係下排要開刀剝，我果個牙醫手勢非常之好，打針其實痛1下架咋，之後唔痛，要開刀果隻牙因為近神經線，就算打左麻醉針都會有感覺，但唔係痛。點解我話佢手勢好呢，係因為有d人開完刀剝牙會腫，會食唔到野，但我剝完果晚已經食得野，仲要完全冇再痛過，完全冇腫過。
我仲有1隻智慧牙，之前因為掂住神經線唔剝得，但上次洗牙再照x-ray，已經生出左，唔再掂住神經線，所以我嚟近都會去剝埋。
痛1下，但以後唔會再痛，值得架。
快啲去剝啦
我太遲搞到推郁咗前面門牙凹咗入去
我排牙本來好齊㗎 
如果變做剝兩隻牙我諗仲驚…… 我老公係開始蛀就即刻走去剝，我無咁嘅勇氣…….但又好似你咁講，我都唔想不斷擔心隻牙
但一諗到要開刀個人就好驚，真係唯有飲飲酒壯壯膽先去
請問你碌完之後痛左幾耐呀？我未試過開刀，真係一諗到就好驚
牙醫都係咁講，話遲啲會影響到其他大牙，加埋每兩個月就發炎一次真係痛死我，所以我先開始有想碌既念頭
剩係諗到牙肉有刀割落去我已經嚇死，好羨慕成世都唔出智慧齒班人。我始終都係好怕，見到有人話流血不止，剝完發炎，如果自己唔好彩就死得，可能你醫生手勢好所以你手術後無唔舒服啦，麻醉藥過咗係咪好痛？
Mok咗以後唔駛再諗咪仲好
既然牙醫講得要快啲mok應該真係有需要
你feel到酸痛都知道mok係遲早嘅事
我都好驚睇牙醫,次次去等已經手震腳震.入到去一打開個口就會乾嘔,太緊張 
入嚟打打氣：樓主隻牙宜家剝咗未？
知佢衰打橫生又未獻世 
要去克服開刀個吓好唔容易嘅…
我個陣搵牙醫佢係落麻醉藥 免開刀咁剝，事成之後靠佢啲止痛藥，頂得到瞓得著，一個月內KO左右兩隻智慧齒，胃口返晒嚟食餐勁
會捱得過去 
短痛勝長痛呀
我俾定資料你啦, 我搵深水埗祐德牙醫診所, 牙醫姓張, 係男醫生
麻醉藥過左當然會痛啦, 不過我覺得多數都唔及你平時牙痛
剝完牙之後牙醫會教你應該點做, 有咩係吾應該做, 最重要係剝完牙有血就照吞吾好吐口水, 如果吾係令傷口繼續出血, 拆完線其實吾會點痛啦, 除非你專登整佢啫, 所以你吾搞佢, 吾食辣野, 正常大概一個月左右就埋口, 完全康復
都係… 雖然我應該一早就要去剝，只係來得太突然，長痛不如短痛，我估我會拉埋老公陪我下個禮拜去剝
講得好詳細啊，我會叫自己冷靜啲唔好咁驚，我到時實會好留心聽牙醫講野，因為我真係好擔心會做錯出事，希望我順利剝到
加油~ 無咩野既, 唔洗太擔心
我之前箍牙一共剝左7隻牙(爭1隻智慧齒未剝)
如果要開刀,我牙醫會問我食唔食安眠藥
佢話會無咁緊張,
其實最痛只係打針個下, 跟住都feel唔到
開完刀個日我記得仲走左去食pizza
第2,3日可能有少少痛+開始腫, 但食止痛藥就ok
同最好有枝粗針筒裝水沖一沖個傷口, 如果唔係好易污糟發炎
同記得返去拆線
個姑娘完全無同我約期拆線
過左幾日我打返去問 ,佢仲話條線自己會吸收+溶
咁我就無理,等佢’溶’
結果好耐都仲係到 搞到個傷口腫腫地,令我成日咬個位同好似有膿
係我再打去約拆線, 跟住個醫生：姑娘無約你拆線咩？
拆完就無事lu
所以就算佢話會溶都記得要拆因為唔會溶得好徹底
心理作用啫，到時打左麻醉針點會痛呢
哇！第一個姑娘係咪陰左你一鑊
個姑娘都幾唔專業下wo