生完bb，放咗兩個月產假，醫生話產後抑鬱
情緒唔係咁好，就嚟返工個人好緊張又有壓力
同先生傾過完約，之後想試吓做ftm
先生都贊成，佢亦清楚講明對我做ftm 嘅要求
唔需要每日有晚飯，亦唔介意屋企唔係每日都整齊乾淨，做到60分就夠
只係要求我個人可以放鬆d，養好個身體
其實我仲1516緊，因為我份工相對穩定，收入高過我先生萬零蚊，而且我都唔算後生，到時再搵工應該搵唔番而家嘅收入
如果只係先生返工，都應該足夠應付家庭開支，但儲到嘅錢就未必多，甚或可能月月清
我猶豫緊轉唔轉Ftm 好
轉Ftm 大家會有咩要考慮嘅地方，可以分享下嗎？
同埋如果你係我，會唔會轉做Ftm 呢？可以講吓點解嘛？
你覺得返工定全日湊b 大壓力啲？
原本嘅計劃，唔做FTM的話，邊個湊小朋友？工人？長老？
你覺得係咩原因令自己壓力大啲？湊BB，定返工？
如果係湊BB令你壓力大啲，轉做FTM反而係錯咗。我係working mum, 對我嚟講，返公司壓力細個喺屋企湊仔，但人人感受不同。
身份角色既轉變本來就容易導致人有壓力
要認清自己既壓力源，先可以對症下藥
你先生咁support你，好好啊
其實每個人處境不同，有啲難比意見，如果你老公搵90k你搵100k，咁其中一個唔工作相信都可handle 到但你又會否可放低現在工作？FTM 也不客易；如果你老公搵20-30k你搵30-40k, 咁一齊工作另一方壓力會小一點
冇工人，原本諗住排嬰院，但排極都未有消息
而我媽本身話唔湊，不過可能媽媽知我個情況，所以話幫我湊到放工，但試咗幾日話好辛苦，我都明白而本身都唔想佢太辛苦
而家搵緊保姆，有啲要BB去保姆屋企，有啲保姆就可以嚟我屋企，不過我想保姆姨姨試工先，但計過都去咗大半個月糧
我唔係一個好有事業心嘅人，其實未有bb之前都覺得份工好有壓力，壓力嚟自老細同小部份長期客戶
頭兩個月湊bb真係有少少壓力，因為冇人幫，但先生好好半夜都會起身幫手，不過bb半夜會大喊，好擔心影響先生休息，個段時間徬徨s，但而家湊b漸入佳境，冇乜壓力
不過而家市道唔好，所以猶疑唔知賺多個錢好定做ftm 好
我前年生完細B咁啱公司唔續我, 新請工人因疫情黎唔到, 都做左差唔多一年 ftm (由細B出世計)。我自己就覺得好開心可以自己湊, 因為情況迫住自己湊, 可以話係無得揀, 唔洗諗 “咁做啱定唔啱” 
如果你對返工有 concern, 會唔會可以同公司傾 no paid leave 多一個月休息下先? 頭2個月湊B真係好辛苦, 之後會好啲慢慢習慣…
你兩公婆都未試過只得其中一個人做嘢養家，即未感受過個壓力，依家講到幾理想幾配合點包容…都係想像出嚟，未經現實洗禮。我只可以講現實見得太多case, FTM對頭家嘅付出再大都好難量化，量化唔到d人就會用自己角度諗，「全日響屋企冇乜嘢做」，「冇壓力」… 呢啲說話好快會出現。
除非屋企完全唔等錢開飯，如果唔係，一般人有搵錢能力先有bargaining power. 退一步講，返工壓力細過FTM, 我親身體驗過。
育嬰院就算BB未出世開始排，都好大機會等到BB一歲先有位，香港託兒服務係完全供不應求。
完全明白，其實湊BB係好需要體力勞動，好多長老初初應承湊，實戰之後其實搞唔掂。
本地姨姨好貴的… 所以咁多人請工人
你嘅情況，由於無back up 又無工人，暫時都只能FTM自己湊。
如果長遠嚟講想返工，一係問老闆可唔可以請一年無薪假，自己做幾個月FTM，搞得掂就繼續做FTM，覺得自己想返工多啲，就即刻請工人，工人上手，你就去返工？
Li個亦係我擔心嘅地方，我比較擔心經濟，雖然我同先生冇乜物慾，除咗食嘢同基本屋租燈油火蠟之外，都冇乜開支…當然而家要預埋尿片，遲啲可能仲要買奶粉，開支會多咗，但未至於好手緊
可能我一向都係先生話事，所以冇諗過li個問題
我都好清楚了解嬰院一位難求，不過個陣報名話排到機會都有7成，但而家疫情成日停課都係一個問題
我都好明白長老湊會辛苦，所以迫不得已都唔想打擾佢哋
因為屋企地方細，未必請到工人，加上而家唔易請，請咗其實自己都唔係好放心工人湊
我做多幾個月就完約，同埋我份工唔可以隨便請假，亦都唔容許一個月無薪假，所以li個方法冇得諗……而想做到完約係因為做咗好耐，想好嚟好去，做埋手頭上個project
產後抑鬱可大可小，唔好理硬條件住，問下自己心想點？ 做ftm 又唔等於一世唔返工，顧好當下健康先。
一般ftm 都會對自己湊B同持家有更高要求，家人亦可能會，如你老公所講，要錫住自己黎做。
我本身個人比較認真同自我要求都高，所以都好感恩我先生唔係一個要求好高嘅人，同埋我體諒我而家嘅情況
佢話我做ftm 有需要請工人都冇問題，其實陀bb個陣，我先生已經打算請工人照顧bb，只係疫情我唔想請工人，怕增加感染風險
200% 同意… 我試過一個人咩起頭家兩年,壓力絕對絕對唔嘢少… 加上我好同意湊仔壓力大過返工, 不過, 呢D都係我個人感受… 樓主, 我覺得你應該俾多少少時間自己, 一個星期, 甚至一個月… 首先, 要想辦法令自己放鬆…改善產後抑鬱情況, 再去做決定…
每個家庭情況不盡相同, 大家當分享下
大女現在20個月, 陀緊的時候準備了硬件但忽略了心理準備(或者其實都準備不來? 
), 出世後頭100日覺得係前所未有既難過, 成世從未試過咁想返工
奶奶本身話幫手湊, 最終放飛機; 好彩仲有自己阿媽拍硬檔幫手(煮食)
睇過醫生, 醫生一句說話印象好深:「無人一開始就識做人媽媽。例如工作崗位轉左, 你都要幾個月適應, 更何況做人阿媽?」醫生係後生男士, 都講得出呢句說話, 當然可能是罐頭message 但真係幫左我
100日後, 個女好湊左好多, 時至今日都係個乖寶寶
我連嬰兒園都係後知後覺生完先排(+上一開始諗住有人幫手湊應該搞得掂)
符碌地(因為疫情?)個女2個月左右通知有位, 最終我返工佢就返學
返學之後, 大家都漸入佳境, 我反而慶幸奶奶放飛機
同你一樣, 我對自己要求比較高, 清潔衛生方面又成日放唔低(努力調整中), 搞到自己&家人都有壓力, 幸運地佢地好遷就&包容我, 好多時自己諗返轉頭都頂自己唔順 如果請工人, 相信大家都痛苦
而家陀緊第二個預產期8月, 排了嬰兒園但唔知會否再符碌一次
已諗定有需要時轉做FTM
份工都是穩定工種, 如果之後再做未必做唔返但rank要重新計, 少好多錢
但有過之前經歷, 都同自己講, 先生一個人搵錢都暫時可以應付, 家庭一定係最重要, 同埋, 船到橋頭自然直! 做阿媽有好多野擔心, 但未必擔心就有用。總有路行 
加油
你可以揾下社區保姆，係under社署，對象係雙職家長，比自己出去找本地姨姨平得多，你可以試下去所屬中心配對一下。
大仔出世時，我試過自己湊，但壓力大過返工，最後都係揾工，無做FTM。
成日唔記得社區保姆
我當初都有問過服務，不過因為知道社區保姆要同時湊幾個小朋友，年齡由初生到9歲都有，所以我冇用到服務
上門服務，冇得揀姨姨，要家長帶去姨姨屋企
另外好似仲有中心服務，不過詳情唔知
發現好好多人生前都冇諗過邊個湊bb
我都係
當初呀媽叫請姐姐 唔肯
就諗著去排育拎嬰園
到最緊緊係無
洗多左錢請左姐姐
育嬰園我自己親身經驗
同聽到身邊既人，有幾個都係半歲就入到服務
當然視乎地區而定
我自己就係知道服務需求太大，所以選擇左跨區去育嬰園
我有用過。
我嗰區姑娘同我解釋通常唔多過兩個小朋友。如果其中一個係bb，就唔會配對多一個俾姨姨，因為bb需要很多時間。
但如果係幼稚園就會配對多一個，最多兩個，當時包埋我仔，短時間有三個，兩個上午班，一個下午班，姨姨接上午班校巴放學時就帶下午班嗰個去樓下返學，仔仔開心過喺屋企，放學後有得一齊玩，一齊食，做功課
我湊佢回家時，不停講玩左乜