返工，家務煮飯交俾工人
老公話60分，你唔好真係做60分，要做到101分先至滿意
產後抑鬱全職湊B唔係好事，媽媽情緒更難舒法
收入大減，要睇黎洗錢，到時又會產生多個問題
如果抑鬱來源唔係因為份工，返工可以分下心，會掛住BB有返照顧BB既動力
8個讚
ftm 有兩個小朋友，家務做得唔係幾好、飯亦唔係每晚煮，老公無投訴。
以前搵錢都唔係多，即如果請工人七除八扣咁不如自己湊果種，但無因為人工少過老公、甚至做左ftm 而不受老公尊重，屋企主要都係我去做決定。
產後抑鬱我都試過，身體健康重要，心理健康都好重要，而且好需要兩公婆一齊努力
就咁睇你字面講，其實你對做ftm 都有啲正面因為湊bb 開始上手，咁不如考慮自己嘅健康
1個讚
如果排到入嬰兒園當然好
不過就算有位入，都要預咗BB頭一段時間會成日病，差唔多一個月病一次
一病就冇得返，要諗定嗰個禮拜邊個湊
如果你產後抑鬱做ftm ，冇人幫手都好辛苦㗎。 雖則你先生唔要求你做家務煮嘢食，但當你個BB識得爬 同埋開始加固，家務同煮食就避唔到。 每日喺屋企好趕好趕時間，有時BB喺度喊, 你又趕住要整野…. 如果你頂得順本身份工， 可能返下工對你健康仲好
又或者你經濟OK的話，ftm + 工人,或ftm +育嬰園, 咁樣先至會舒服啲
3個讚
認同，我唔洗湊nb，就咁由wkm 轉ftm一開始都唔太適應。轉之前雖然計哂數經濟冇問題，轉完又覺得其實揾多d錢都好，心大心細。到正式enjoy 做ftm都係幾個月後既事。
湊nb我覺得都幾辛苦，如果真係做ftm睇下有冇人可以幫下手一齊湊，媽媽都要俾d時間放鬆下自己。
我會覺得做ftm壓力大啲？
做ftm壓力大，都仲可以自己慢慢調節
返工既壓力就好難講
咁講其實所有壓力都可以自己調節嘅⋯⋯
2個讚
我反而覺得係相反，FTM 對住自己嘅BB，一定會上心和緊張啲；返工打份工，為錢啫，收咗工關我鬼事，咪第二日再慢慢做囉 
5個讚
我同我隻佬當年係咁樣計：
首先拎哂啲資產計下，又計下ftm之後收入得返幾多（我老公會計埋人工嘅增幅），個陣諗ftm十年先，計下10年頂唔頂到，同埋可以比到咩生活個小朋友（本地定國際學校/去幾多次旅行等等），做下research，其實都有數得計，心中有啲資料，傾又易傾啲，個心又定啲。
攪掂啲數字嘢，就攪下個心理狀態，我老公個陣都講到明，做得ftm，就唔好諗生活質素可以好似以前咁，要慳要計。同埋ftm我覺得最辛苦係困身，仲要一困好多年，一覺唔覺意街都冇得出，呢啲要自己諗下。同埋時日過左，老公態度都會變，變到老細左，咁都要自己睇下接唔接受到。
3個讚
生完bb時，本身我都唔知自己有壓力，我一返工後就突然有濕疹，可能係好驚阿b冇人湊
做ftm 壓力大好多
返工都有得hea 湊小朋友真係除左佢訓覺之外每分鐘都要睇著
2個讚
辭職前，睇埋你份工除咗錢；其他福利好5好？
譬如醫療保險嗰啲，如果你同BB靠老公嗰份工嘅保險得唔得
又或者你本身嘅假期多唔多，如果bb突然唔舒服你可唔可以請假
我會睇埋呢啲細節位先決定
我反而鼓勵你返工試一兩個月先，唔得先再決定。而家你耐無返，有壓力好正常。有時家庭工作平衡下，反而一邊可以release 到另一邊嘅壓力
4個讚
睇晒大家嘅回覆
其實我知道我大部份壓力係份工到嚟
我生之前一直都係諗住排嬰院，所以bb未出世就報定名，亦考慮到BB唔舒服可能搵公公婆婆暫時照顧
我今日都搵緊社區保姆，但有啲中心要bb每日出示檢測結果，真係冇可能做到佢要求，所以而家喺樂活一站搵保姆姨姨
至於要慳住使、冇得出街，其實對我嚟講唔係好大問題，因為本身物慾低，同埋我唔係鍾意出街嘅人，我媽由細到大都話我深閨
如果我做ftm ，我媽媽話可以得閒去佢屋企坐吓
其實我諗住辭職，抖吓（心理上）湊下b，唔得至再搵嘢做，至少而家我湊b湊得都幾開心
3個讚
我試過大女報 K1 時開始轉做 FTM，但果時開始有抑鬱
樓主，認真同自我要求高係好事，但要响適當時候調整要求
知道自己想點就好
見到你準備充足，思路都好清楚
有情緒病，家人既體諒，支持真係好重要，希望你黎緊繼續開開心心湊下b，小朋友真係大得好快
1個讚
極同意
番工你會覺得有得走，可以轉工或hea住等炒，但湊仔係你自己忽肉點走？冇得揀過另一個”老闆”架⋯⋯
3個讚
最緊要知道自己想點就得，反正又唔會返唔到轉頭，有咩唔掂再攪過囉，唔會無路行，no big deal!
當年生大果個，c6不在身邊，無工人無4大長老，有產後抑鬱，好辛苦一個人涯。
生第二個，c6不在身邊（因工作壓力唔返屋企），有工人，媽媽也來幫手兩個幾月。但今次有正視抑鬱，有去睇精神科。So far,做左ftm差不多9年了。