唔好意思,有d長…
有1個2歲半仔仔, 一直都係我湊
最近公公婆婆唔駛返工, 可以幫手湊
我就心郁郁想出去返工, 幫補下屋企
有同老公講過想出去pt,
但佢反應：返咩工啊, 好地地做乜要返工
(佢搵2萬幾左右)
成日傾傾下都不了了之, 但佢知我有打cv個d
之後都：唉你鍾意啦~
依幾日有份通知我見工, 咁岩我係附近就去見下
無諗到佢直接請 (依行我未做過)
同人工都幾好,地點又係附近
但更數就長
8~10hrs, 不過返3/2日又放3/2日咁
其實佢肯請,我都幾開心,
始終自己想見識多d,成日覺得自己乜都唔識
,加埋地點近/人工ok, 係衰在更數長,唔知個仔肯唔肯…
老公知左後,唔太高興, 覺得我問都唔問就話返工
(其實我都無諗過即請), 同都係覺得更數太長,直頭係ft 時間,唔係pt
咁更數方面我都覺, 唯一係唔知公公婆婆湊唔湊得掂, 但自己就真係好想試下
而家有點迷茫, 究竟拒絕好, 定照返
照返，有時路要人行出黎
試吓同老闆傾，可否每日返半日，返足5天，如果唔得都照返，反正有人湊小朋友，試咗先。
你預咗小朋友初初一定唔慣，要有心理準備，小朋友適應力好強，幾個月後應該已習慣。
反而係你老公會一直煩你，因為你返咗工=佢要做多啲家務，影響到佢嘅利益，但你搵嘅錢又唔會益佢（假設佢之前唔使理屋企家務），你要有強大心靈，當佢唱歌。
咁幾好，試下先，以家呢個時勢梗係搵多個銀緊要啦，又唔係冇晒親子時間
其實係，而且一星期返3日，可以試吓安排隔日返（一、三、五），咁小朋友隔日就見到媽媽，易啲適應。
其實我自己就好想返
講漏左, 其實依份係短期工, 2個月就完
所以我諗住,唔掂極都係2個月啫…
岩先同婆婆傾, 佢話為左個仔就唔應該咁長時間消失, 佢話d小朋友始終痴阿媽
我：但個陣你都好支持我pt
婆：我支持你搵3~4hrs, 唔係8~10hrs
我：但我真係好想試下,我又唔係返6日放1日
婆：咁你諗你
但放工時間就可能8,9pm, 我老公通常7pm就返到屋企, 平時個仔10點幾訓
我仔性格又比較硬頸,正值trouble2, 好多野都nonono, 所以我都唔知公公婆婆搞唔搞得掂
睇牌面就搞唔掂架啦，不過你都係想返架啦。
我係你老公呢就俾你去試下，試完唔得就可以死心，兩公婆唔洗再嘈。
個仔咁難湊，當然要大家分擔下
完左份工，問拎家用都可以大大聲～
咦，Killing two stones with one bird wo
每次番長啲時間咪幾好，慳返啲來回時間。
其實你老公搵呢個人工養家應該都幾吃力，佢咁錫你唔俾你返工啊⋯⋯
如果老公唔係金飯碗鐵飯碗，做女人都要經濟獨立好，如果公公婆婆有能力幫手湊，你出去揾份人工,俾d孝敬番爸媽，平日放假請老公同仔仔出去玩下食吓，一份儲嚟私己，一份儲嚟俾小朋友將來讀書，win win situation, 到時大家見到好處多過壞處就會支持你。
咁成件事就唔同晒喎
份工有無機會變長工，還是一定只返兩個月？
如果一定只返兩個月，我同意你媽，唔好返呢份，搵另一份PT，因為你返兩個月工嘅成本太高。
唔係叫你唔返工，而係建議你，搵另一份適合嘅工。
問題係你有動力番咗一份工，你才會有動力去揾第二份工，萬事起頭難。
有人湊我會返工呀。又吾係日日都咁長時間。或者同老世傾下可吾可以返短d時間。自已返工講野都大聲d.
再講，大部分父母都要番工，人家的小孩都係要適應，適應能力強才是強者，香港嘅孩子最大問題係被養成咗公主王子病，但又冇公主王子命，真係
嘩你老公都幾惡，搵得個2萬幾都咁多聲氣老婆出去返工，如果有人湊梗係去返工啦，佢搵個2萬幾個個月清，自己有多份收入點都好d，有咩事要用錢都有啦
認同，情願而家直接揾份長期有得做既，2個月貨仔短得濟，一陣適應完又轉工又重新適應好似有d揾黎搞。
試左先啦，2個月可能樓主都捱唔到
捱唔到嗰個應該係老公同老爺奶奶
然後攪到樓主捱唔到