阿頭話依2個月做得好,有機會長pt 
啊…咁又係…
我都驚返返下工,收到call: 喂！你個仔搞唔掂啊！你快d返啊！！ 
一陣麻煩到人地公司
你覺得個老闆可信嗎？
如果可信，就照返，去博一次
呢個就係你要做嘅心理準備，到時你要忽視呢啲call，叫佢哋努力，收線繼續返工，呢樣係所有working mum 必經嘅掙扎。
基本上，我只會因為小朋友病，先會請假唔返工。小朋友因其他事扭計，都只能喺電話安撫吓佢，然後收線繼續做。
6個讚
照返，小朋友都差不多返學，我估你到時都會搵工，宜家咪當預習定，試左唔得咪quit囉，不過就要同小朋友解釋下，等佢明白會有轉變
1個讚
如果長老唔想湊咁長時間就無理由迫佢地。年紀大湊10幾個鐘好辛苦架, 自己咁後生湊都覺得辛苦啦。我會搵過第2份工。而且你返工日幾乎無時間見個仔, 如果係我就接受唔到啦
其實做FTM風險好大，情況可許下返pt或ft，雖然話要照顧小朋友，但唔係一世，到小朋友大過咗，有自己生活時，FTM就會被孤立
4個讚
都唔一定嘅
我媽媽一直都喺ftm ，冇乜受過咩教育，但而家我哋大咗出嚟做嘢，佢自己都識到朋友呀，未有疫情前佢會同d朋友開大食會，遊吓香港唔同嘅地方，有時仲會叫埋我爸去旅行
相反，我爸一直有返工，但退休後就冇我媽媽咁活躍，但都叫搵到興趣，令自己冇咁悶
1個讚
我經歷過、長老打比我話個仔喺行返屋企途中瀨左屎、之後企左喺度唔肯行。
我係全職湊但以前老爺奶奶日日踩上嚟。以前我老爺奶奶會俾我一個人出街買嘢同食午飯，有次我較左靜音唔記得開返，我食食吓飯佢哋原來打咗十幾次電話嚟話小朋友發燒
其實樓主，全職媽媽想返工真係要同照顧者夾吓，一返工就好困身，小朋友唔舒服就要立刻自己照顧返，老人家亦唔願意自己付大責任。佢哋放心俾你去返工就做啦。
1個讚
湊半日叫困身叫救命
出來做返野啦！好開始
認真講一直都係你湊開突然轉公公婆婆湊，呢度已經有少少問題，老人家可能俾啲野食、俾佢睇下電視咁，都過到3-4個鐘無咩問題。但你要返成8個鐘，呢個歲數仲需要午睡，老人家係咪真係處理到氹到佢？同埋一日咁長你真係要諗好安排啲咩俾小朋友做而老人家又okay，如果唔係見好多老人家都係狂俾電視架咋。
或者可能等小朋友番學先，全日制最好，半日制聊勝於無。我小朋友當時都係全日制+放學屋企人幫手睇一陣，咁番工就唔太大影響。
我認同媽媽要出去返PT, 但搵過另一份更適合既好d. 2,3歲分離焦慮期，同平時有無試過比公公婆婆湊過，8到10個鐘一下改變太大，大家未必適應到。同埋唔知你同公公婆婆關係點，但之後比左佢地湊，BB 習慣，教養方面唔同，可能出現磨擦，你要諗好呢d先。
多謝各位意見
依2日再同老公+婆婆傾過,
老公話之前咁講係突然一下返10個鐘,怕我辛苦,如果我想出去返,佢係ok的,佢話會配合我。
婆婆就話如果我真係好想試就去試下
所以諗住試下先,睇下頭幾日仔仔咩情況
依排都有同仔仔開始講,黎緊媽媽要返工,比定d心理準備佢, 有時我出街都係同佢講媽媽去返工
2個讚
咁幾好啊！
其實最緊要係屋企人明白，支持同體諒就得
加油呀！
我覺得你老公嘅意見都唔夠2位老人家嘅意見緊要
始終你去番工唔會太影響到你老公
反而係2位老人家肯唔肯 同攰唔攰
其實你只要下定決心 除非小朋友病 否則你都可以專心番工
小朋友好識對唔同人唔同行為
只要你肯放手 2位老人家同小朋友都好快適應相處模式
你話新工番得好可以轉長pt
你都要記住你有話事權
習慣唔到/公司麻麻哋都可以2個月就完 唔好俾個阿頭覺得係佢話事
from: 番咗幾份part time嘅FTM
番完之後reputation好的話 就會不斷有工搵你
2個讚
講得啱，呢個都係好多返緊工/見工嘅人嘅盲點
要記住，返工/見工係雙方面嘅，唔係公司施捨份工比我哋，我哋有選擇權，呢份唔啱咪搵過另一份工。
2個讚
講得岩, 耐何好多人用offer 來肯定自己能力同價值