樓主, 我想問下你幫BB 準備既野有幾多?
我就咁睇覺得奶樽唔係好夠, 有少少擔心你其他野夠唔夠??
樓主可以主動問下陪月agent公司有冇一啲陪月上嚟幫一星期，可能價錢上會無請足一個月咁抵。
但pm問下嗰啲公司都無妨ga，人地係專業人士，上來教下新手父母點樣流程暢順啲，得心應手一點。
另外就係心態上，新手父母會好緊張bb每一個情況，係好事，但又會過度緊張影響夫妻關係，bb其實真係會成日喊，試下同bb傾偈，佢唔會應你，當住空氣講，自己情緒會舒緩啲。例如：唔好喊啊，爸爸沖緊奶啦。
食野方面自己搞掂?
如果係的話
可以考慮請鐘點姨姨 跟住叫佢教你湊BB 或者叫佢每日湊幾個鐘你同老公訓下都好
fb有D褓母group
母乳方面無捷徑 都係BB要食就埋身 密密埋
個輸出唔夠身體就以為BB夠食 愈造愈少奶
有需要可以約返健康院見母乳姑娘
1個讚
樓主有啲錢真係唔慳得架，我全埋身屋企都有成十幾廿個奶樽，係冇用到架，但都有需要以便不時之需架
餵完奶啲奶樽可以儲埋一次過先洗，洗完就擺落蒸奶器到，有啲蒸奶器有埋風乾，所以蒸完唔洗拎出黎都得
BB喊果度，咁佢一喊就叫你老公抱上床俾你，你抱唔到都可以等bb趴係你心口
其實初生頭半個月bb主要都係食訓同屙，唔好等到bb喊先沖奶，你地係餵緊幾多個鐘餵一次啊？
1個讚
都唔係嘅 不過真係睇group睇彩數… 有時有D group有二胎媽/醫護喺度都有好多有用心得/分享
我都有個同月group變曬命虎媽group 睇下當笑料
2個讚
樓主其實都係好多新手父母的影子
只係做左十幾日父母，點會無不足。新手食奶好密，做得家務又到下一餐。
買六至九個奶樽，儲夠四個以上就放去烚，烚完唔擰出來，即使啲水凍左都係乾淨。
紗巾，衫仔都買多啲，嘔奶換得好密，太忙就儲一日先洗，你哋都係人，要休息。
make sure bb飲飽換好片，可以放床仔，佢喊就望下佢，喊得勁就同佢傾下計，要忍得到喊聲，最多抱一陣，俾佢習慣下自己玩。
忙都係咁忙，但心態影響一切，唔開心都要做，bb瞓左望下佢係咪好cute
8個讚
我承認真係準備不足
我依家真係知道
水奶係好幫得手 因為已經有樽同嘴 唔駛買奶樽住 不過就貴同唔環保囉
1個讚
做父母係永遠都學唔完，唔洗太上心。而家睇多啲有冇啲野要買來試下，快啲安排送貨啦，來緊復活節又要等。
日[quote=“hlno, post:61, topic:62390, full:true”]
樓主, 我想問下你幫BB 準備既野有幾多?
我就咁睇覺得奶樽唔係好夠, 有少少擔心你其他野夠唔夠??
[/quote]
其實奶樽有5隻
不過因為老公常用一隻
另外兩隻個咀bb 未試過 唔知岩唔岩佢用
依家三兩個鐘一次囉
唔緊要嫁, 香港有錢就買到野, 覺得唔夠,要買都好快嫁者, 最緊要係放鬆心情, 萬事起頭難. 而家最緊要既係,bb 食到訓到,你同爸爸都盡量擁有休息既時間
2個讚
正常的，不用自責
個個父母都係邊做邊學 ，每個bb 都唔同，湊多一日就摸熟多一點bb性格
香港地買嘢好方便。
1個讚
佢就係同佢講極野都係喊
抱到上手都係喊
換哂片 食哂奶都係喊到收唔到
唔到聲都折哂
跟住又掃極掃唔到風
其實奶樽有5隻
不過因為老公常用一隻
另外兩隻個咀bb 未試過 唔知岩唔岩佢用
[/quote]
其實你有5個就唔洗次次用死同一個啦,
不如咁啦, 每次用完沖沖佢, 下次用第2個,儲埋4個就放消毒機消毒(其實爸爸鐘意同煲都得,只係想減少d每一次都做既步驟者)
咁你就算係未消毒完果一轉都仲有一個用, 少d重覆既步驟,時間咪多左少少囉,
如果bb 真係唔鐘意果隻咀, 先換落黎,再買第二個咀比佢食奶奶囉.都要試下先知佢岩唔岩用嫁麻,可能bb會鐘意其他兩隻多d呢
4個讚
奶樽奶嘴要試架，試到呀b最愛果款就發達，然後就叫老公落街瘋狂買嗰隻，之後餵奶會順利好多
1個讚
樓主現時處理左急嘅情況先，
先打去陪月中心搵陪月， 幾日又好一個月又好， 新手好多野要學，加上樓主身體未復完， 陪月可以幫輕吓，再教導照顧初生BB嘅技巧，你地2公婆都有機會抖一抖氣。
無人天生識做父母，都係一步步走來，頭一個月係超級難頂， 過左大家適應左就好好多。
BB成日喊可能唔夠安全感， 多啲同佢講吓野， 爸爸抱嘅時候可以用一啲有媽媽氣味嘅毛巾包住bb黎抱， 試吓會唔會好啲。
頭一個月我覺得自己似乳牛，又埋身又加奶粉， 洗奶樽真係洗到懷疑人生。 所以買左好多隻奶樽， 初時買果款bb飲到漏奶，陪月介紹左隻， 試左ok, 即刻仆去買左8隻，一次過洗同消毒奶樽。 湊BB一啲細節都可以好消磨意志， 你地2公婆都要加油撐住。
2個讚
新手爸媽唔容易，有時都好挫敗，你傷口痛心情更加受影響，慢慢黎，冇人一黎就識做媽媽架。
唔好鬧爸爸係豬隊友啦，其實佢都係學緊/適應緊做爸爸，反而搵位讚佢做得好，令佢都有信心做好爸爸嘅角色，佢會愈做愈好架。
將心比己，你好努力去做好嘅時候，都想人睇到/欣賞你嘅付出，多過比人批評你做得唔好。或者讚完先慢慢講你意見點樣可以做得好啲？
你地兩個都攰+崩緊，試下搵家人幫手湊半晝，兩公婆抖一抖，你地心情放鬆少少先會覺得無咁難捱。
如果你瞓唔好，更加要請陪月，半日都好，你可以放鬆一下。New born有好多情況會出現，老人家湊仔已經係幾十年前的知識，幫唔到手呀！
我好明白你
首先你識得上網搵幫助已經好醒目。
BB3個鐘先食奶，實喊到癲啦，好餓架…你要再喂得密啲!
如果你唔想請陪月，你試下打去健康院，問下可否安排當區的社工即時跟進你的case，佢地有機會有類似的服務提供，安排一啲義工上門教授簡單湊B技巧(我唔肯定係咪一定有，跟我的社工有提及佢地機構有，只是我當時接觸佢地時已經過左一個月，已經唔需要呢類服務)。
如果你掃唔到風，唔洗太擔心:
-
初生要每2小時喂一次奶，你盡量係佢喊前，就準備好奶，寧願小食多餐 都唔好一次喂太多(你B十日大應該大約飲60ml-90ml，你可以60ml咁喂，買多幾個奶樽，由佢飲完開始計1個半鐘前準備奶，所以買定多啲奶樽。 再唔係，好似我咁買部沖奶機， set好晒架步， 禁2個制，只需6-7秒就沖好奶，部機可以set沖奶溫度，如果set 70度就安全啲，預返10-15分攤凍，想快就座凍水，試多幾次就會掌握到技巧，!!!千萬記得喂奶前要試溫度!!!)。
-
避免嘔奶，可以喂奶中途暫停幾次，嘗試掃风(掃风方法你可以上網搵下，我自己因為出院前，護士有教， 所以掃得比教成功，你要盡量試下拉直佢-當然要小心唔好整親佢，輕輕調整不同角度都有助BB"er氣")。
3.如果掃左5-10分鐘都唔得，我會建議你唔好掃，直情打斜抱住佢多20分鐘先好放低佢。 你可以搵野托住自己隻手，背後搵枕頭涉住，咁你都可以休息下。
BB唔多唔少都會嘔奶，你跟我上面方法應該會嘔少啲奶。
同老公平心靜氣傾下， 你話佢知邊啲地方要注意， 要明白男人湊仔係無咁叻， 要一樣一樣野教佢，記住practice makes perfect. 試多幾次就會得。2個人好好分工，如果有唔順的地方即刻改變策略，你要同老公講，2公婆一條心，一定會越來越好的，互相加油。
我建意都係join啲WhatsApp媽媽groups,有問題就問，啲媽媽都好熱心解答問題。
仲有就係唔好怕麻煩朋友，將問題話俾朋友知，等佢哋幫忙諗/做，如果佢地幫唔到你都唔洗灰心，盡量係唔同途徑攞幫助，我信為母則強。
你經歷緊的我都經歷左，希望以上會幫到你。
9個讚