補充下，初生BB喊通常只有3個需求:
1.肚仔餓
2.換片
3.有風
當上面都做足，但仍然喊，排除病嘅原因，就係無安全感需要抱，試下抱住佢散步，到佢安靜先坐低，佢訓著就嘗試慢慢放低佢自己訓。
多啲溫柔同佢講野安撫佢，雖然唔會即刻令到佢唔好喊，但有助之建立佢啲安全感，呢樣野係需要頗長時間去建立的。
當有一日BB可以訓過夜，又唔洗喂夜奶，你就會知道呢啲辛苦係好值得嘅，因為你幫佢建立左一個好好的安全感，佢會各樣發展就會變得好。
加油呀媽咪!
2個讚
聽完你講呢句好感動
回顧返呢幾個月嘅辛酸，望住而家真係覺得好值得
2個讚
你可以買張high Chair，朝頭早就比BB瞓，又可以拉出拉入，同埋可以貼近你床邊，會方便啲
奶樽真係要試，我女係換左4個牌子先搵到個食完冇點嘔奶嘅奶樽，試岩我就買左5-6個，之後bb愈大就keep住換咀就可以。
嘔奶方面呢，bb輕微嘔奶係正常。同埋唔可以一次飲哂成枝奶，初生b一枝奶分三次，中間已經要掃下風，食完之後再掃15分鐘風，有d bb係比較難掃風嘅，如果驚放低會嘔奶，可以zip係毛巾仔喺頭，有少少少少斜，唔係完全平訓，咁就冇咁易嘔奶。如果係噴泉式咁嘔，連鼻哥窿都嘔奶就要睇醫生。
陪月會教你又可以幫輕下你，自己睇片好難學識，或者返健康院搵姑娘問下，你又痛又唔舒服就唔好堅持母乳，調理自己身體先可以湊B。
1個讚
有d bb有所謂百日哭，頭3個月特別難湊。我覺得都關肚風事，佢地肚仔唔舒服唔識講就唯喊。可以沖完涼同佢地肚仔按摩，做排氣操。
2個讚
我嘅建議係唔使嘥時間上網搵資料，因為主力湊嗰個係你老公，你喺側邊講人哋嘅經驗佢都好難聽得入耳，因為佢已經廿四小時不停好忙咁做。
三樣嘢係你可以做:
- 唔好再叫佢豬隊友，你咁樣叫佢你個心態上都會睇輕佢。多啲讚佢同埋感激佢俾你休息，然後自願承擔起晒所有嘢，即使佢本身都唔識。
- 同意樓上講，就算你喺張床度，你都可以擺佢隔離喺隔離氹吓佢，等你老公做其他嘢。定時定候餵奶，餵奶前10分鐘開始準備支奶。
- 唔好慳錢快啲請個陪月，就算係一個月都好，等你老公好好休息吓。
8個讚
如果唔係餵人奶，有無試下食止痛藥 ？食咗會唔會無咁痛？
如果因為痛到抱唔到BＢ而老公又去咗沖奶。
試下叫你老將BＢ放係你身邊後先去沖奶。
你用手輕輕拍BＢ心口仔同BB講吓嘢：好快有奶奶飲。
就算BＢ繼續喊佢都知有媽媽係身邊。
其實唔好睇你老豬隊友，只少佢都有幫你沖下奶粉，只係做得唔好，多啲讚佢多同佢講多謝你幫助我做BＢ嘢。
3個讚
當你見到BB識笑， 會同你傾計，開始認得媽媽時，真係乜辛苦都忘記晒，你會覺得自己係世界上最褔的人。
我每次聽到啲媽媽話自己BB抱極都喊，喊成晚，喊到扯蝦，就會好心痛。 應該係未了解到BB嘅需求…如果唔係肚餓，就試下唔同姿勢抱。 我仔有一期係成個人反向抱(面，肚都向地下)咁抱先唔喊，佢啲口水係咁滴…
應該叫佢抱b，你去沖奶
抱b攰啲交俾佢做，叫佢試下唔同方法令b喊聲細少少，好似抱住行，行去啲窗邊，開電視有啲聲去吸引bb注意力，或者播下歌果啲
你就唔去留意個b，專心開奶，啲bb面皮薄，喊幾嘢就會紅晒面，喊下對身體好，尤其是個肺（你要學識咁諗），開奶幾分鐘喊下都唔算耐，而且等佢餓啲食奶會快啲添
若果你落唔到床，唯有你抱b，照樣發出啲聲音引開bb注意力
係，我都係上網睇sunny 老師片學點抱喊嘅初生B，然後幾個姿勢輪流試
同埋肚風嘔奶嗰啲可以提早預防，例如用排氣奶樽，做排氣操，多d tummy time，益生菌等等
其實我都冇請陪月，都係上網睇返嚟
我都有睇sunny老師，對照顧bb嘅知識都有幫助
1個讚
唔好諗轉人奶啦,我當年無人幫手都係餵全奶粉,奶粉真心方便既
可以抹乾個沖涼盆放b，再放上床即你身旁方便貼身照顧，直接放bb 上床驚你瞓左整傷 bb
其實新手爸都好落力幫手了，真係唔係個個好快學識照顧初生，例如我當年覺得係個惡夢，但過多陣就會大家都舒服d了
1個讚
[quote=“hlno, post:72, topic:62390, full:true”]
第一胎乜都唔知寧願買多好過要嘅時候冇得用，奶樽我都買咗四五個牌子先岩，唔啱嗰啲咪放返出去或者送俾人囉。
1個讚
其實我感覺你老公都唔係咁豬隊友，至少佢都肯學習，係手腳慢啫。你係新手媽媽，同時佢都係新手爸爸嚟。
不如你上網睇吓有無陪月可以緊急幫到你？你哋兩個唔夠休息，心情煩躁，對BB都唔好。
1個讚
[quote=“iamyellowmom, post:95, topic:62390, full:true”]
無錯，係會買多左好多唔知有冇用嘅野。我仲買左唔同牌子嘅包被，最後阿女唔中意俾人包住對手，一張都冇用過。但第一胎零經驗真係冇計，如果生第二胎就唔會咁論盡 
1個讚
又戰鬥左一日
好攰呀
關關難過關關過
諗下今日有咩地方做得好，欣賞下自己同老公！慢慢咁練習，將來都會成為一個識欣賞小朋友優點嘅媽媽
加油呀，好快捱過