但我又唔想請到個月
可能到星期 教識我地點處理bb
人奶個到我都半放棄 揼到就揼
揼唔到就算 無得強求
[quote=“Tigermum, post:37, topic:62390”]
你哋只有一、兩個奶樽？！
當然唔會一個奶樽開一機，你哋買咗幾多個奶樽？
假設BB一日8-9餐，通常會儲夠4-6個洗一轉，咁一日只需要洗一、兩次奶樽就得。洗好嘅奶樽，搵個盒收埋，要用先攞出嚟，用完用水沖一沖，搵另一個藍儲起，儲夠一機先洗。
如果之前買太少奶樽，就online 再買。
1個讚
如果錢唔係concern, 你直接去請一星期緊急陪月啦, 唔使問老公，直接請。
你哋絕對有呢個需要。上面谷友推薦嗰間中心，OK的，打電話去問。
2個讚
但驚買左唔岩用嘅奶樽
但佢得月服務 無得一兩星期咁？
BB已經十日大，佢依家食到嘅奶樽=啱用，可以入貨。
1個讚
同意,你咪請搵一星期陪月,好過冇
新手父母有好多嘢要學
我個陪月教咗我好多嘢
有同冇真係差好遠
我第一胎因為早咗生所以陪月嚟唔到,辛苦到想死,又因為壓力大上唔奶,個人又燥
第二胎有陪月,幫我湊B,教我上奶,舒服十萬倍
一世人生得幾多次,我係咁諗所以就算陪月貴我都要請,咪當去少次旅行,值架
3個讚
打去問咗先，唔問點知有無。
唔使船頭驚鬼船尾驚賊，做咗父母了，有個BB要照顧，為母則強，仲嘢要決斷啲。
8個讚
你話請保母,但有湊初生嬰經驗嘅
或者你打去陪月一站問一問
啲職員好幫到手
同埋新手陪月平好多,你可以考慮吓
我嗰時都係請新手,反而我覺得佢地有熱誠,唔會HEA
樓主 我見你講奶樽既問題我有少少嚇親
你哋真係有需要請個陪月教你地D湊b知識 同埋令你可以快d恢復健康 可以幫手湊b 你老公一個要湊b又要照顧你 見到都辛苦
2個讚
樓主講嘅問題無論係有家人，長老，老公幫手都會有。因為佢哋嘅關係唔係收錢做野，有太多指令點都會有啲唔gur。
況且你係好辛苦所以迫不得已要佢哋做好多野。請個人幫手佢有收錢，你唔係太過分嘅多多要求都OK。陪月除左幫你適應，教你哋之外，仲可以俾時間你同老公休息。新手父母真係唔易做，尤其而家少左醫院講座，雖然我覺得作用不大，但係講衛生清潔果啲一定教得好清楚。呢啲野外人/專業人士講會入腦好多，你講嘅話老公可能會覺得係吹毛求疵。
BTW，我都覺得蒸奶機好麻煩，如果餵之前再烚多次可能仲乾淨。如果老公係用得多果個，佢唔想用都要聽下佢意見嘅，大家嘅目的都係想衛生，方法可以有好多嘅。最緊要揾個大家覺得乾淨嘅安排。講方便我甚至用過微波爐加滾水叮，理論上都可以消毒，有埋計時仲唔洗睇火，叮完好快乾。
咁當然沖奶之前一定要洗手啦。如果係掂BB嘅，可以放啲醫院用嘅消毒火酒係BB床附近，咁一抱BB之前就捽下先（最好唔好用有香味嘅gel）。我見初生BB房啲姑娘同姐姐都係咁嘅practice 。
3個讚
食到有嘔奶漏奶都得嗎？
奶樽買大細都唔係問題，係配返個岩用嘅奶嘴姐…十日大買SS，之後跟住牌子嘅指引差唔多時候就換大一個碼就OK。而家買定5/8安奶樽都得，keep 得好嘅，我用一年都唔會換新（可能有人覺得接受唔到
）
1個讚
不如食水奶
我第二個都係食水奶
打去奶粉熱線訂就送上門
不過當然有點貴
2個讚
BB 食到一半開始要掃風，掃風唔洗拍背脊的，放 BB 坐響自己右邊大脾上望向外，右手托住佢下巴，左手扶住佢頸背，然後雙手水平咁打圈，幅度大約係一隻碗仔咁上下大，好快就會完成，然後繼續飲埋剩底果 d 奶，再掃多次風就 OK，唔會咁易嘔奶
1個讚
媽媽group 個人覺得唔使join，啲媽媽主要係賣嘢，講是非（老公、奶奶），曬命演嘢，無咩實際作用。
7個讚
我本身唔係social開嘅人，入幾次醫院都識唔到隔離左右媽媽，都冇join 過任何媽媽group ，連學校group 都真入
睇完樓主既描述真係嚇一嚇，你一定要糾正思想：初生好多錢都唔慳得，預左係白花錢同洗多左，但你會買到保障同安穩。
8個讚
我都感覺樓主兩公婆，無論心態上，定物資上，都有啲準備不足，但BB已經出咗嚟了，依家要向前看，唔掂就搞到掂。
樓主老公其實唔算豬隊友，佢只係未學識點做啫，可能初初諗住可以同老婆一齊湊（即係老婆為主，佢協助
，所以大安旨意無請定人幫手），點知生完老婆要休養，老公變咗主力，所以有啲呢hea, 樓主唔好鬧佢了，直接請人幫手+教你哋湊啦。
6個讚