贊成，如果比好細個既小朋友練膽就可以用八達通，但如果個小朋友已對「錢」有基礎觀念，係應該用現金買嘢既。因為一蚊一蚊咁比出去，係咁睇住少咗錢，先夠入肉。同埋攞住現金入舖頭，我個女真係會計住數，$16.8 + $24.5 即係幾錢，要響比錢前攞定散紙出嚟… 
有時都覺得好好笑。
3個讚
我想問下,大家覺得小朋友小學同中學應該比幾多零用錢佢地呢?
你又唔識佢，何必咁實牙實齒咁話佢係想吞個仔嘅錢。
7個讚
我個初小，每星期$5
但無實際考慮合唔合理，只係同朋友講起，我想俾$10/week,我朋友話太多，就改做$5。
我諗如果要認真諗，可能要估計佢有話事權後會拎零用錢買啲咩，而嗰樣嘢你又覺得佢要儲幾耐先買到，再衡量返個金額？
1個讚
係我嘅角度，如果老公有呢方面嘅主見我就唔會出聲，因為只係好小事，冇必要產生矛盾。
新年利是錢呢啲我會當係支出，唔需要拎返個平衡。
我小朋友同你女女同年，1-4歲啲利是錢用返哂喺佢度，5歲開始就比返哂佢入錢箱（利是加長老比嘅生日利是），佢本身都幾緊張啲錢，唔會亂買嘢，淨係會攞嚟請長老們飲茶一年級開始每個星期都有比零用錢佢（$100@一星期，因為知道佢唔會攞嚟用，佢會即刻入錢箱），成績都唔錯有兩皮幾，今年我要佢喺利是錢攞少少出嚟捐（佢諗咗陣捐咗$200，咁我自己攞多少少出嚟去咗善心小館買飯卷），比返收據佢，教佢理財儲錢之餘，仲教佢施比受更有福
我路過：大學時碌爆咭嘅同學，全部都係本身有啲錢，屋企乜都用錢解決嘅人
審慎理財嘅一定係屋企窮啲，要補習要幫補家計
2個讚
所以教小朋友理財好重要
當年碌爆卡嘅同學到三十歲仲要屋企人交咭數
屋邨妹出身嘅幾個物業喺手
起步點不同，理財可以改變命運。你身家多，教個敗家仔出嚟乜都幫你fing晒去
識理財月屋企環境冇直接關係，同父母對金錢嘅態度，對仔女教育有關。
3個讚
當然，我意思係咁啱有兩個比較極端例子啫
講得唔好，見諒
1個讚
論壇，一定有唔同意見囉。
有咩見唔見諒，你又冇得罪我。
咁我又講聲唔好意思先
3個讚
客氣客氣
我早兩年未嫁果陣每日比5蚊我侄仔做零用錢(另外會準備零食比佢小息食)…因為了解過小學小賣部既物價,5蚊可以買到一份三文治/一份燒賣/魚蛋,但係糖同野飲2日先夠買.
本身我打算我個b第時小一果陣都係咁樣但係c6話覺得太多
話零用錢一定係要一個佢一定買唔到野要佢儲埋最少幾日先買到野既數目先得,所以就問下大家,
咁睇黎真係太多啦…
XD 其實我鐘意一日一日比一黎佢有無用我又易知2黎佢收到零用錢果個樣好好笑,不過可以變做1蚊一日…多謝你
你小朋友小學有冇小賣部？而你會唔會鍾意佢日日係小賣部買嘢食？
俾零用錢初小小朋友，係俾佢對錢有個概念，小小錢都可以做到呢樣嘢。
不過都係要睇小朋友個性。我朋友兩個仔，大嘅好慳家，係屋企拎零食，所有零用都儲起，細仔好豪，零用錢買晒嘢食，仲請同學食，冇錢得剩。
1個讚
同意。當年借G/L 要6厘息，有同學借嚟去旅行，比一位中產同學「教訓」(中產同學有家族生意)，話借咁高息去旅行唔抵。中產同學除咗買股票，仲係放假時入貨做買賣，佢搵咗另一位同學同佢一齊入貨、落去人哋D舖頭傾擺貨賣，令當年既我大開眼界。
1個讚
大學生明明冇入息，但O DAY時已幾間銀行埋身叫你出咭…由傻下傻下中學生到多卡在手果下感覺真係有少少離地，小D定力都好易碌爆卡。我試過去買衫，比個SALES姐姐氹我還min pay，呢d又係好邪惡既陷阱位。
當年我有啲大學同學，連提款卡都無，讀大學先第一次申請提款卡，佢哋話中學時要攞錢就去銀行排隊/問父母攞，我聽到滴晒汗…
我都係得$5/星期，一來覺得阿女仲細，基本嘢我都包晒，佢儲嚟買自己嘢唔洗太多；而且佢儲三星期已經夠響Living Plaza買件玩具仲有錢剩，咁夠用啦(個CONCEPT係想佢延後消費，諗清楚係咪一定要買，係想要定需要)。二來佢每年都有利是錢包底，果度儲咗兩年都有千幾蚊夠佢自己睇餸食飯；另外零用係不勞而獲既錢，本身不勞而獲既利是錢已經夠多，所以我覺得唔應該比太多，反而佢用心做功課有大進步、考試勤力攞高分果D，為咗獎勵佢努力，我哋有「獎學金制度」，鼓勵佢透過正當努力獲得額外「收入」。
除此以外，因為阿女有部份利是錢響爸爸戶口，當佢有嘢想買而果樣嘢金額又超過佢錢箱既錢，佢可以寫「申請書」同爸爸解釋點解想攞果舊錢嚟用。試過有次阿女突然想買電話，但寫咗兩行之後冇咗件事 
之後問佢點解唔再「申請」，佢話問過我哋一部電話大約三千蚊，佢有千幾蚊響錢箱，話儲多少少都夠，所以唔洗「申請」…我覺得佢果「少少」都係要等出年新年 但佢考慮過手上金額同情況而做咁既決定，又話可以等下慢慢儲，所以我都表達咗我既支持。
2個讚
我有親戚一樣用嚟去旅行，話出嚟做嘢後慢慢還。
有咩問題？
中學d錢除非自己出去做part time，否則啲錢都係喺父母身上面攞，咁要慳住駛或者有需要時問老豆阿媽攞好正常，因為當時佢哋教識我啲錢唔係我賺返嚟，咁的而且確作為學生嘅我係無權因為自己想買而有自由駛佢哋錢。就算你話利是錢嗰啲都係不勞而獲，根本都唔係屬於自己嘅財富。
反而咁樣，我同我兄弟姊妹都好俾心機讀書，攞獎學金入名牌大學，畢業之後到好俾心機搵錢自己洗比家用，因為我哋好清楚知道點樣靠自己搵錢同負責任。
2個讚