利是錢我真金白銀自己攞錢出嚟封，有時候佢攞我嘅去派我都冇同佢計，小朋友收番嚟嘅利是錢我袋番有乜問題？我自己會mark低睇將來點比番小朋友！呻完！
補充：因為以前由佢幫小朋友投資，而佢完全冇付出過，剩係要我轉個總數落個股票戶口。而家我想擺自己度，佢就有說話比我聽，我自己都要比利是我家人同朋友㗎！
金額小可以比小朋友自己袋。10-20蚊
金額大500蚊-1000蚊你就要同佢袋起佢。
你老公係私下講笑咁講定點？叫佢唔好係小朋友面前講，一陣你小朋友誤會左就唔好。
4個讚
一係幫小朋友開一個戶口專存利是錢？
2個讚
以往佢會幫佢哋買股票，而家市道咁差，我想多個錢傍身，將來都會比番小朋友，但唔鐘意佢講到咁難聽
小朋友仲細，不過開始有金錢概念，喺屋企執到散紙都話要擺喺自己個盒度，大少少會比番啲佢哋買鐘意嘅嘢
想佢哋大啲先
1個讚
聽到…“幫”小朋友買股票真係笑左…贏左直接俾仔女啦，使乜幫買。 自己想賭姐。
9個讚
如果小朋友已經有錢銀觀念其實就應該開
唔一定係佢名 用你名或者父母聯名都可以
最重要係要同其他錢分開
塞住其他親戚把口之餘唔會唔小心洗左
小朋友問起又可以比本存摺佢睇
買股票唔係唔得 但係唔好買高風險嘅股或者做短期投資
買啲地鐵，中電，銀行股放長期嚟收息都唔錯
4個讚
你會唔會教佢理財觀念，等佢決定自己買咩？收息股又好、綠債又好、定期又好。
下年用你老公D錢封利是囉，要老婆出錢封利是仲咁多說話真係好衰
如果小朋友已經小學都可以俾小朋友keep少許利是錢，等佢哋學下理財都好。
3個讚
人地封利是俾你小朋友 係對你小朋友嘅祝福
正如你地封利是俾人 係你俾人地嘅祝福 你兩夫婦點分配封利是錢係大人嘅事
點解要小朋友嘅利是錢去填數呢？
既然小朋友自己都開始有觀念
不如就快啲搞左佢 一陣佢開口問以前啲利是錢去左邊呀咁點算
小朋友銀行戶口係care of 父母
任何年紀都可以開
我家裡正正係有人從小俾自己父母拎咗自己利是錢去“投資” 賺蝕都好 佢心裡條刺記到大
7個讚
我好想知，樓主老公拎利是錢去投資如果蝕左，佢會唔會填倉？
呢個就係我堅持唔比佢攞去投資嘅原因
我年年有mark低總數，但今年見股市咁差，就唔比老公攞去投資，我自己本身係鐘意擺銀行收息嘅人。其實養一個小朋友唔平，冇人預計自己有朝一日會唔會等錢用（我冇收入，靠食老本，有出冇入難免會緊張啲錢）我都希望啲錢可以儲到將來比番自己小朋友，因為我都係好大個先可以有番自己嘅利是錢
1個讚
講出嚟應該俾人插到飛起
小朋友嘅利是錢全部歸我哋（主要我啦因為用喺佢哋身上嘅都係我買多）。
總之將來供書教學、甚至買樓、生活上錢銀上有咩問題（唔包賭錢d 衰嘢）幫到一定幫。
6個讚
填數？樓主咪講咗「自己會mark低睇將來點比番小朋友」囉….
何來填數？
嘩！好賤！咁上面jm話佢拎利是錢去賭係成立架wo
你鬧返佢轉頭啦，直至填返岩個倉為止。咁叻呀啦～以為自己股神咩，佢無資格話你lor
明白
希望你同你老公快啲有共識
1個讚
希望仲有啲渣拿啦