我係敏感左
因為我見証住自己家人點俾父母mark數 然後全部無回頭 當然都好睇每家人本身點處理件事
希望樓主快啲同佢老公有共識
1個讚
我直頭係拎唔返，因為呀媽話地下幾格階磚係我貢獻時已經收左我皮，好在我對錢又唔識恨既個時。
但，呢家d小朋友，越早教佢地點用錢係最好。除左令佢地知賺錢辛苦，練加減數，識格價，仲可以控制自己物慾，對想要既野付出努力同期待，呢d先緊要。
所以錢可幫佢地儲起，但都要拎小小比佢地試下使錢既自由，佢先識d錢係緊要。
我地都係咁，BN就攞黎買尿片奶，大d俾拎黎交學費。
如果小朋友大d想要零用錢或自己儲起都可以，
可能因為都係二三千，都唔係咩大數目，我記得細個
呀媽話幫我儲起，但其實無，令我好唔開心。我覺得
如果媽媽直接講因爲都好需要呢筆錢，而唔係呃我，
我應該唔會話唔開心。
所以如果小朋友大個，咁一齊討論下會唔會想要拎利是錢
自己儲或有咩自己諗法。
2個讚
唔係希望呀！係屈佢嘔返出黎呀！d錢唔係佢ga wo! 係d人比小朋友ga wo!
Me too. 阿媽話啲利是錢收番嚟要封番比人，當年阿媽大過天，唔敢叛逆佢
我會同佢攞番，諗諗吓唔對路，有啲惡人先告狀feel
係，同埋細個都知屋企窮，算啦由佢
但到我地呢代就唔同講法啦
我覺得，你話會mark 數以後比返細路時，佢就覺得你係私吞，所以先咁出口話你。但其實到最後你會否私吞呢？無人知，但佢已經覺得你會，係佢賤。佢咁諗你，唔信你，已經值得爆佢一鑊啦。
呢家，仲知道原來佢拎利是錢去賭又唔填倉，pk lor! 原來私吞細路錢係佢！你老公呢家已擺明走數了，你仲好君子地mark數以後還。
難怪佢咁睇你啦，因為佢就係呢種人。
我都記得，細嗰陣真係會嬲會唔開心，父母話「人地畀面你父母先畀咋，最後又洗返落你度，燈油火蠟水電煤食飯你都有份」。每次
到手即刻被上繳就覺得自己好似阿貓阿狗咁捉到乜嘢都要上繳畀主人。我恨到留曬口水甚至會發脾氣，因為屋企冇畀零用錢有時候想買件幾蚊嘅文具都要問，甚至冇得問因為唔畀買。去到成年之後先可以真正袋落自己袋，鍾意點用就點用。
我覺得最直接就係額外開戶口儲起佢，佢將來要買咩額外嘢或者中學出去食飯畀返佢用。我唔會覺得「擺係度冇進帳就攞去投資」。我覺得呢個行為同貪心貪財攞錢過大海賭係冇分別，依家又唔係靠嗰一二千等開飯。的確係因為父母而畀，但某程度上係長輩對後輩嘅祝福，攞左黎用我覺得會折墮折福。而且最後投資，贏嘅你又唔會特登分返畀仔女，輸就補倉又係麻煩。
2個讚
由佢，今後一個仙都唔比佢
你仲豪爽過d男人
只不過呢d錢係細路既錢，幫細路拎返好合理jie
我都係時候計劃吓呢樣嘢了
完全有聲，上一代父母都係咁處理d利是錢，唉
好啦，我地呢一代要停左呢d壞習俗
佢成日想我幫補日常開支，我唔睬佢，之前嗰啲就當豪比佢，雖然我都有補貼家庭支出，但人類往往會覺得你付出唔夠多，我哋成日要搵平衡點
同你一樣諗法。
封出去啲利是錢係我哋比嘅，收番嚟嘅利是錢收歸國有好應該
但我同意小朋友大個啲係可以比小部分佢自己買喜歡嘅嘢、或儲起。
1個讚
不能同意更多，但好多人覺得我哋私吞咗，對小朋友唔公平，其實對一個冇收入嘅媽媽嚟講，比利是都比得好傷㗎！
2個讚
我地都係咁，阿媽話齋「我唔派你邊有得收」
幾年來收的利是，每年都俾我拎左去同佢去旅行
不過今年個女開始對錢有概念
我就帶佢揀左份玩具，一部份捐去做善事一部份儲起，再剩低就繼續上繳俾我，哈哈
3個讚
動用細路仔啲錢「幫佢」投資，同拎去第二度用有咩分別？咪又係mark數！
點解佢有口話人無口話自己？
Btw, 我覺得比一定百分比小朋友自己處理，學理財，就可以。
好正常諗法喎，我地直接同小朋友講，除左公公婆婆爺爺嫲嫲個啲利是，其他都係我地同人地交換架咋，即我俾叔叔兩個小朋友，佢又俾返你地兩個咁囉。所以，你地可以keep grandparents 利是，但其餘就要俾返我地啦。不過我明白你地好俾心機講恭賀說話，所以每年𢭃到嘅利是總和的10分1（通常$4-600）你地可以攞去買鍾意嘅嘢（一年得一次嘅機會）
我同佢地講時係7歲及5歲，佢地都好明白及開心。因為以前收到幾千利是都係得個擺，反而新制度佢地有舊錢可自由用，仲開心！而且佢地諗返都覺得係喎，啲利是係爸爸媽媽同人交換而已。
2個讚
有我陪你
我唔覺得係「私吞」，係攞返。
個大嘅一年學費都三萬啦，細嘅校車又一萬七，攞利是黎交都只係交得個幾個月咋…