話說我衰衝動，祼辭左一份人工唔錯既工，本身諗住做ftm，但做左幾個月覺得好悶同每個月少左幾萬蚊收入，洗錢唔疏爽。
我而家諗緊一係出番去揾工，一係試下拍youtube，自己有d 興趣又想多一份收入。不過我同身邊朋友講大部分都係話覺得做youtuber唔紅既收入好曬氣，覺得我番工算。
想上黎問下大家意見~
做youtuber + 搵一份part time 會唔會好啲
6個讚
你而家有冇做緊youtuber
有冇乜嘢片拍緊？
點解你會想做youtuber? 你有拍開?
Youtuber唔夠紅都賺唔到咩錢.
3個讚
我而家冇做youtuber，平時拍既片只係柴娃娃紀錄下。
想做youtuber 主要原因係想時間free d，當初就係因為唔想朝9晚6又要應付老板同事所以辭職。
辭完發現屋企家務工人做，小朋友又疑似就黎番學，我係屋企hea左幾個月，好似唔知自己做緊乜…
咁會唔會搵份freelance 適合d?
的確我相信youtuber 唔易做
正如呢個forum 都有個會員成日推post 幫佢個煮食blog 賣廣告啦
1個讚
Hmmm… 睇你追求啲咩 
通常成功嘅YouTuber最初開channel都唔係為賺錢 只為賺錢嘅channel content都未必好睇
不過如果你為興趣 平時無咩嘢做
可能會攞到啲滿足感架
當然做得好嘅話
過幾年可以寓工作於娛樂就最好啦 
4個讚
為賺錢做YouTuber真係好難，為興趣玩下好D。想賺錢不如出去搵嘢做好過。
1個讚
你諗好你條channel要做咩題材未？
題材有冇market, 易唔易吸到廣告商？
幾耐更一次？（固定更新好重要）
如果未嘅，建議你唔好一嚟就諗做全職youtuber
可以一路搵份hea啲嘅全職工，一路整channel
等channel成型先辭職
2個讚
YouTuber 要拍片、剪片、做後期，你完全無經驗，難搞喎
你老公係唔係長期支持你做有工人嘅FTM？
如果唔係，就去搵工；如果可繼續做FTM，一係諗做 FTM KOL（Facebook, IG 有好多）, 但小朋友要出樣比人評頭品足，一係做網上主播（好似 17 mxdxx 嗰啲），主打C9觀眾。
1個讚
我呢2日都有睇下番4h既part time，但得d 比較junior 既post約幾千，之前番8h full time 人工有4萬up，落差好大，所以都有諗定係番全職算又有假同福利。
1個讚
之前份工 人工OK呀，因咩事辭職？
1個讚
老公支持架，上一份工就係佢係咁叫我辭職唔好做。因為當時我做到心情好差，又大壓力，番到黎少少事都睇唔順眼。
暫時做ftm佢都好支持，話我少左發脾氣，又跟到小朋友學業。佢覺得反正冇嘢做咁咪試下拍youtube 囉。
但我自己其實只係得少少興趣唔係真係熱愛喇我估。雖然其實錢夠用，但少左收入我不期然自己就慳左，我大洗開就唔係好習慣。但同時又驚出去揾全職，又好似上次個份咁大壓力，諗下都唔係幾想番工。
我都知，又唔想做，又想有錢，真係覺得自己痴人說夢。
2個讚
哈~
咁你要諗下"被動收入"喇
你有無少少積蓄考慮試下投資?
搵份junior 啲，人工少過上一份工嘅full time job ，可準時收工嘅C9工？
有層收租樓，但租金只係叫啱啱好抵到供。平時有買股票，但而家蝕緊，得個坐字。
YouTuber?有咩好講先。
如果身為太太，最值得睇係教煮嘢食、家務、維修。
我真係好期待有個女YouTuber認真教吓啲家俱維修。
我無興趣睇人親子玩樂，因為太多呢啲無謂資訊
1個讚
如果你手上既股票有定期同穩定派息
坐又唔一定係大問題
(利申我都大把蟹貨 )
如果真係拍，我都係諗類似既，同埋講下旅行，買嘢，整甲呢d平時我拍唔拍片都會做既嘢。我自己都冇興趣講親子，唔想俾小朋友出鏡。
1個讚
睇你啲習慣，你都應該幾靚女，可以試吓