我都蝕好多，直情唔想睇唔想再買。而家都有一筆積蓄，但係投資其他磚頭又唔夠錢full pay，冇工作銀行又難借錢…
我媽媽就好想我出番去做嘢既，佢覺得女人要有自己工作，驚我愈遲出就愈難揾工。
都有諗過。不過又有諗，如果做youtuber target 約2萬蚊既收入，唔知難唔難呢，幾萬subscriber 咁？
咁又唔算靚，不過鐘意周圍玩。上一份工好忙，平時weekend 陪完老公仔女，星期日晏晝開始心情差，唔想星期一番工。
YouTuber 唔係容易. 同埋肯定佢哋嘅壓力唔少. 你見到成功嘅人，今晚已經有一定知名度, YT 會推介俾你. 但係失敗嘅人更加多.
我哋係半個 YouTuber, 今日我哋始終係做潛水, Video, FB blog 只不過屎忽痕. 有一個寄托. 由頭到尾我嘅目的都係玩.
我哋唔算一個成功嘅YTer, 俾我哋成功嘅人多好多, 但係佢哋嘅付出一定比我哋多好多倍.
YouTube 人數上升唔係容易, 器材投資好多錢, 時間更加誇張. 但係回報好多時會令到你心淡. 好似我哋 FB 差唔多有100,000人， YT 只係唔夠20,000. 如果靠YT 每個月剩係得 幾百至1000港幣. 時間投資都蝕本.
如果你諗住搵廣告, 呢個題材同埋立場可能會受到好大嘅限制, 到時候你係咪想做呢啲嘢. 諗住食兩家茶禮, 會受到唔同立場嘅人攻擊, 網上欺淩可以好恐怖.
如果純粹打發時間, 搵人圍爐, YTer 係一個唔錯嘅選擇. 但係如果諗住搵錢, 諗清楚先.
12個讚
香港頭20既youtuber可能得
但人哋經營左起碼五年以上狂出片先有
仲要靠youtube以外嘅收入先有, 例如接廣告
6個讚
多謝你回覆！好奇想問點解fb 同youtube 人數爭咁遠？其實我本身覺得2萬subscriber都已經幾好，但原來收入係咁，可能我真係誤會左。
市場上太多, 睇吓你有咩特別吸引之處
同埋如果target廣東話, 人數少
睇黎我真係諗多左，之前睇完大J條片講youtuber 收入，以為係起頭難之後會唔錯。我本身以為幾萬-10萬subscriber 就會有約2萬收入…
真係揾錢艱難，睇黎我都係番番正職算…
1個讚
就甘聽好似搵份freelance 好D
youtuber 如果自己有興趣都可以試下
但你要預左未必搵到食
要睇下你自己經濟壓力有幾大啦
起步時間相差左四年。
YT, FB 主要收入一定係出去搵廣告. 但係而家競爭越來越大, 仲要大家怕立場嘅問題影響產品.
YTer 怕影響形象, 廣告商亦都怕得罪唔同嘅人. 加上中間好多廣告經紀, 要跑出出比以前難咗好多.
2個讚
做youtuber要買view數，紅既先有贊助先叫做有dd收入。同埋而家個個都拍片放上網，除非你有好獨特既題材，如果唔係而家人人都可以叫自己做youtuber。我覺得而家太濫，而家先加入已經無肉食。
做youtuber唔係想像中咁輕鬆，最少一星期出1至2條片keep暴光率。事前要度稿要做資料搜集，拍片要有技巧，之後仲要剪片，配音，配BGM，再加effect。睇過好多youtuber講自己既經歷，前期後期功夫都花一星期，快手既4，5日，仲要周圍搵新奇既題材
4個讚
我當初辭職轉做 freelancer時，我媽咪都係咁同我講。佢驚如果我婚姻有事，就會有經濟問題。
既然有興趣做 youtuber, 俾機會自己試下。
以你認知, YOUTUBER 的收入係點計? 要有幾多VIEW 先有一份FULL TIME 的人工?
唔會有固定收入架啦
初初都係收free product咁
ps: 有揾開kol/youtuber 做嘢
要睇幫個客draw到幾多生意
而家好似好多香港人做 youtubers, 拍返香港街景野食比香港人睇 
1個讚
唔係嚇或者打擊你，只係事實。如果家庭冇經濟壓力的話，係可以試。
- 為名利為錢係做唔到 YouTube，因為起步好難又多同行
- 華語市場好難搵錢，尤其你用廣東話做片，再加上題材限制，咁睇到你條片嘅機會少之又少，而且 YouTube 個 algorithm 係唔多鼓勵華語創作人
- 你要好清楚自己拍咩片咩風格，出樣定唔出樣，出聲定用 AI 聲。唔清唔楚玩下試下起步會慢。
4.1 YouTube 要搵錢做 Partner 嘅條件：至少 1000 個 subscribers+過去 12 個月累積超過 4000 小時嘅 public views+有 Adsense 戶口
4.2 YouTube 畀錢係睇你有幾多 views，而且有 CPM，CPM 普通成功嘅 YouTuber 大概 $1.6 per 1000 views，如果係英美地區睇你條片會高啲 CPM，但如果係華語就低啲 (係吖，就係咁歧視忽略華語市場)。一條片搵嘅錢唔多，一條美國人拍嘅 10 分鐘片，2.3M 流量，最後只係賺到 $743.58 美金。用 Mingsze 做例，佢一條片 3-4 日時間有 100K 流量，假設 CPM 係 $1.6，咁佢一條片 $160 美金。
4.3 YouTube 有樣嘢好衰，就係 copyright strike，你唔識避陷阱，用左啲有 copyright 嘅音樂或者一兩秒嘅 copyright 片，個公司可以 strike 你然後攞你分紅，咁你條片就賺唔到錢，畀曬間公司。你可以上訴，但判勝敗嗰個人唔係 YouTube，而係間公司
即係冇得玩。
4.4 依家全球嘅 YouTuber 都要交美國稅，只要有美國嘅觀眾睇過你條片就為嗰位美國觀眾要交稅。又係好唔公平嘅時候，但你想搵佢錢就要跟佢規矩。詳細幾多 % 就可以自己搵資料。
5.1 如果你去到有少少名氣可以自己決定擺廣告的話，你要好好拿捏擺幾多廣告。
5.2 廣告唔係最搵錢嘅地方，Sponsor 嗰啲先搵錢，但要冒險你講錯一句嘢，或者個 product 有問題但你有份 sell，咁你個事業就好容易玩完。 - 想起步快就要好似工廠咁不斷出片，講緊係日日都有 1-2 條片。一個星期一次的話，咁可能你到年尾都冇成績。
拍片唔難，剪片好花時間，再加上可能頭 2-3 個月只係得幾百流量，你可能會覺得自己付出咁多但完全冇收入仲要倒貼，情緒會唔穩定。
大前提，你真係冇經濟壓力唔係為錢而做先得。
19個讚
4.3 通常需要俾錢另外license, 又係成本.
扣除美國嘅tax, 你會少咗20%左右。
1個讚
竟然著重錢返正職