我也沒有sen的經驗
我細個係好容易俾人蝦嗰啲人，點不知小朋友呢樣似我
我睇好多親子書，唔知呢樣對你有冇用。
請問喺屋企小朋友俾唔俾駁嘴同發脾氣？我哋屋企小朋友可以有情緒，要接納佢有情緒，並且教佢點樣去抒發，小朋友駁嘴，我哋覺得係識得思考嘅表現，我哋會和平討論。這亦也是練習溝通的好時機。
佢現在比以前進步多了，以前俾人蝦好鵪鶉，現在識得據理力爭，保護自己
華人圈嘅家長就覺得佢唔夠「聽話」
其實，聽話嘅孩子比較容易碰壁
2個讚
7歲，我仔好內向，試過佢自己同老師講，個細路會屈佢有份。
咁當然擔心，郁手堆人喎，重要損晒，試過幾次。
唔知佢地今年點解 friend 左，應該係個個細路主動掛
唔知樓主小朋友 sen情況嚴唔嚴重。但香港評估做輕度弱智的，係英國都當正常
英國學校老師覺得小朋友推撞好平常，特別公立學校。所以好多本地人 / 舊華僑揀私校，grammar school讀，紀律會好d
呢邊好多細路單親，step mum, step dad，有情緒問題好普通，中學更加，上堂突然大叫，咬人都會
平時傾計都係咁？
感覺唔係好夠位俾佢講多啲咁，我通常會用反問句回返小朋友啲問題，又試下得唔得囉。
即使用強迫都好，令佢專精一項運動。
男仔有運動強項會變得好受歡迎。
我小時候因為太窮，無辦法參加學校旅行或任何群體活動。加上遲發育，身材矮小。除左讀書好，無任何長處。
係學校常被欺淩，取笑係常事，更經常無故被打。
老師唔係當面見到唔會理，家長。。。佢地打我少些已經很好了。
直到，好似漫畫咁。
鄰居退休伯伯係度運動，我好奇睇，佢問我係咪想學。
我話我無錢學，佢話只要答應佢唔會放棄一直練，就免費教我。
原來佢係國家級高手！我資質唔夠，只能去到爭奧運代表水平，同師父差遠了。。。
自從有投入既事，就算被欺淩被家暴都變得唔係咁上心。
後來，運動關係，身體愈來愈強壯。
男仔都係英雄主義，愈來愈多人主動同我做朋友。
同以前灰暗既日子，差天共地。
運動，除左搵唔到錢 (天才級別例外)。
可以改善社交，培養自信，身體健康，順帶好身形改善埋外表。
比讀書好更實在。
5個讚
好同意，我都係迫緊佢，但唔係好成功。
佢鍾意籃球，但佢細粒，又唔肯練習，其實好難會叻。我唯有幫佢不停報班。
之前滑板，佢差不多學到可以比賽了，但難度一上做唔到，就發脾氣唔肯玩。而家屋企附近無班可以學。
其他運動都試過，不過又係玩到喊，或者學唔精無天份咁。
而家諗著係屋企整好張台做乒乓球台，等佢多樣嘢練
誤會左呀。
再無運動細胞既人，只要肯努力練習，地區性水平既比賽完全無問題的。
天份既差距只會出現係爭國家代表等高水平賽事上，所以先唔使考慮有無天份。
佢既問題，似係想要贏既快感，輕鬆做到既優越感。要教佢，運動唔係咁架。
運動係未知結果，就先要努力付出。
不斷失敗，再不斷繼續努力。
先至體會到自己在慢慢進步。
就係哩個過程先培養到自信。
當有一定自信之後，最開始既比賽目的係確認自己既水平去到邊，而唔係輸或贏。
再之後慣左比賽，正式成為運動員。
先會希望係自己喜愛既運動上做出成績。
佢仲細，起碼堅持兩三年先做到慢慢進步既第一步。
教識佢唔會放棄，不斷失敗仍繼續努力先係最重要。
夠膽講，當佢做到時，生活上其他既困難，都再難唔到佢。
2個讚
[quote=“Starryberry, post:31, topic:61951, full:true”]
我仔上年剛來成日比個英國同學蝦，推佢，跌到損晒同喊。全班都見到一齊幫我仔同老師講，但相信老師冇理。
今年佢地兩個做左 friend
有 d 嘢大人緊張唔到，係要細路之間自己解決
[/quote
我仔都係黎到比同學蝦,又踢佢,又推佢, 我仔唔開心左一排, 我叫我仔遠離個同學啦,之後過左一兩個月又聽到佢講嗰位同學仔, 我話乜你地唔係唔FRIEND既咩, 我仔先話其實呢位同學係貪玩, 佢個個都會蝦下,熟左就無乜野… 我仔就自己解決左
我都唔理解SEN小朋友
但我覺得媽媽都係做聽眾先
另外真係可以同老師講一句想識下其他英國朋友仔, 想調位
我覺得同老師講下無乜問題
呢個唔係一個調位理由，英國周圍都係英國人，點會需要調位識其他英國朋友呢？小學分組坐，一組有其他英國小朋友，play time 又可以同英國小朋友玩
我仔重比個英國細路推到損晒，但諗左好耐都冇同老師講，只係叫佢自己講同唔好行近個個同學。但講又會比個個同學屈，好難搞。
說出重點來。佢就係唔肯努力
所以由運動著手最容易，其他野太抽象，努力同唔努力無咁明顯既分野。
唔好多心，比佢揀一項運動，每星期訓練至少 2~3次。 (我係每星期訓練 5~6日)
一段時間後，佢自有親身體會。
最壞結果係，發現難扶是阿斗。
咁都好，可以唔使再迫佢自強。
但要接受佢在外會比較吃虧, 同係唔係英國無關.
作為家長已盡左力, 對得住佢對得住自己, 這是他的命.
1個讚
佢就係唔肯係運動努力。我叫親佢練，佢就明講，我唔想練習運動，只想玩。我勸佢，要玩得叻，先好玩，起碼玩到人地average 水平。
讀書嘅佢反而肯努力溫。
讀書係改善唔到人際關係的。
佢都咁清楚表達唔想運動，應該都迫唔到。
既然佢都唔想求變，情況睇來唔係好惡劣。
你唔使太緊張呀。
1個讚
我以前都有比同學笑, 最緊要父母多關心, 發放正能量
1個讚
我覺得可以調整下對話。
例如咁同學仔咁話你，你覺得佢講得岩唔岩？你覺得係咪咁？
咁你點應佢？你聽到有咩感覺？
多d俾小朋友講
2個讚
小朋友返學開心係媽媽最大願望！
仔仔表達得唔叻，咁可唔可以叫佢形容下1-10分，開心程度係幾多？
1最唔開心 10超級開心
同呢個香港同學玩果時有幾多分？
同其他同學玩又有幾多分？
自己一個玩有幾多分？
分分鐘都唔係太大分別……
如果同個港仔玩都唔係明顯低分，或者係可以唔處理。
我唔建議由家長出手同老師講，可能會令到小朋友覺得尷尬同好大件事。
除非仔仔要求我去同老師講。
話時話，我小朋友隔離班都有個香港新同學，返學頭幾日就有人設訴佢唔友善…唉
1個讚
我同事又係咁。佢中三先去澳洲讀書，因為口音而比同學笑，之後仲同人打交。但打打下唔知點解做咗friend.
籃球嘅話，除咗搵團隊，爸爸同佢玩下練習下都得。同埋搵開果班最好繼續落去，我以前都打籃球，夾開果班有默契好自然做到朋友（我係入面算打得差，跑唔夠快射波唔夠準，用依家用語就係冇天份，但只要係一team大家又自然夾埋我玩），希望咁可以將班小朋友變成你仔自己朋友圈。
其實我覺得運動冇話係咪一定要有天份，要比賽或攞奬，呢啲係bonus. 咁多人玩運動唔通個個有天份先玩。做運動本身好純粹，叻唔叻個人都會有寄托。反而我覺得唔洗迫佢比賽，佢enjoy個過程，做做下對自己有要求自然會提出參加比賽。
3個讚
非常認同
做開運動嘅人都好有毅力
我睇得出我小朋友運動唔叻，但佢鐘意就只係俾佢參加興趣班，我成日同佢講做運動嘅好處，唔一定參加比賽，比賽都唔一定要贏，所以佢個人無太大嘅求勝心，其實有時我都唔知咁樣教佢好定唔好？
不過我個初心都係希望培養到佢興趣、強身健體。
2個讚