面對失敗係一門學問，好多大人都未必得。與其令佢覺得失敗冇所謂，不如試吓同佢一齊預先諗定失敗最差會係點，發覺失敗都只係咁啫冇乜大不了，可能佢有定心理準備之後會容易啲面對？
3個讚
遠離呢位同學，得唔得？
可以鼓勵佢同本地同學做朋友
當然要默書，有機會密過香港架，不過次次都係 spelling bee 咁默書，啲範圍淺好多，識拼音同肯串下字溫半個鐘一定搞掂，鍾意睇書嘅話溫都唔洗溫直接默。
1個讚
唔好意思，我對sen 無咩經驗，如果下面講錯嘢多多包涵。
睇呢d 對話，好小事，如果對方係恥笑佢、蝦佢又解決唔到，我贊成家長幫手。
但就咁嘅話，嚟緊幾十年佢人生都要面對好多，再大個d 下下要家長、老師幫手，更易俾同學疏遠，會唔會嘗試由解決佢自己覺得俾人笑呢個問題？
1個讚
可以諗下個仔表達方法，係一個求救信號？定純粹講下唔鐘意個同學仔？如果小朋友好大反應，好似求救咁想你幫手，家長真係要正視，否則佢會覺得爸媽都唔理。但小朋友純粹表達唔開心，爸媽可以試下教下佢點處理先，定小朋友學下自己handle得唔得。
我覺得同家長講小事過同老師講呀,可能係我平時都有係家長GROUP講下野,你試下輕鬆D同佢呀媽講下
2個讚
老師特登編佢地坐埋一齊
其實你講嘅我都好同意，所以之前一兩個月，我都只是聽，俾意見，無出手，勸佢自己解決。
不過過咗一兩個月，情況嚴重咗。適逢term break，老師一般會安排坐位，所以我就諗，我怕老師會特登安排佢地一齊坐，好心做壞事。
我都好想佢自己解決。不過試過，佢解決唔到。我都唔想出手，因為我其實好怕同老師講嘢，驚得失老師，仲衰啲。
將來… 唉 ，邊有將來，前面個步都未行到，無將來可言。
其實我平時觀察仔和朋友互動，我都知同學有疏遠佢，不過阿仔唔知點講，所以講咗啲無聊嘅表徵。老實講，都無咩可以做，只可以了解
老師可能覺得陌生環境 SEN 有個可以個能力好嘅香港小朋友帶一帶會幫助到，冇諗到個小朋友會咁樣。既然係咁樣同返老師講返就應該 OK。
認同，一陣果個同學既家長知道，覺得係打小報告。
會愈攪愈複雜。
我仔上年剛來成日比個英國同學蝦，推佢，跌到損晒同喊。全班都見到一齊幫我仔同老師講，但相信老師冇理。
今年佢地兩個做左 friend
有 d 嘢大人緊張唔到，係要細路之間自己解決
2個讚
你同老師講希望小朋友可以認識英國同學仔，多d 認識本土文化？
其實社交唔容易處理，點樣適當咁介入呢。
我覺得先多聆聽仔仔既講法，至於介唔介入，不如
同仔仔傾下先，睇佢有咩諗法。
或者分享一下自己小朋友時被人蝦的經驗。
想問吓點解佢哋最後會friend到？ 你個仔幾大？
咁你個仔俾人蝦嗰陣時你點處理㗎？
有啊，我就係一直忍，一直俾人笑，十年無幾多朋友，忍到大學就無事。不過明顯佢無我咁忍得，佢想要朋友
同老師講話想個仔跟多啲同學接觸去請求調下位咪唔肉酸囉
我諗最主要係樓主小朋友 SEN，唔記得係邊方面但可能好難去處理人際關係，大人介入一下隔一隔反而會好啲，又或者請班主任幫手觀察情況。我識一個 SEN 仔佢班入面有睇衰仔把口同對手唔收，咁啱坐正隔離就火星撞地球，一見佢有啲特別行為就口臭講幾句搞到佢情緒好波動，行過又搞下佢。
英國學校有冇d類似社工/senco 既幫到手？我細既係sen 都有社交問題、香港既社工姑娘就小息帶佢同同學仔玩多啲、fd 左就話無咁問題
我都係一直無乜朋友，因為其中一個原因是話題唔岩，
同學聽流行歌，我聽古典音樂，
傻下傻下咁。仔仔同學鍾意玩乜，等仔仔
跟其他同學多d話題，投其所好，同其他人有好關係
1個讚
睇完大家講後，覺得可能又唔係好大件事，我最後無問老師。
可能我人太理性， 一直同小朋友講道理。
可能唔講咁多，學上面po講，抱下佢陪下佢仲有用。