你講得好啱呀
其實我已經唔介意錢、時間、進修，睇咗好多專業書，喺香港時亦報咗sen交友班報到對方話佢夠叻唔洗再上，喺香港和英國又係咁發掘興趣，有咩可能嘅有用嘅興趣班幾遠幾貴都俾佢上，又返教會希望佢識到朋友（可惜無用），俾本地小朋友會睇嘅電視節目佢睇，又轉過好多學校…
改善係有嘅，就係找到佢好鍾意又好願意和佢傾計嘅老師，找到一間學校係我仔可以認到同學名，找到一個興趣班老師拍心口話可以幫我仔學輸，阿仔打籃球有基本架步，學校有小朋友會和仔打招呼。
但… 佢都仲係無朋友，我已經諗唔到仲有咩可以做。可能剩返嘅，係陪下仔
係呢邊了解下職場文化，又再問下細路 d 校園生活，就會明白係成長同文化唔同
你變左緊張大師呀, 我果兩個情況嚴重過你果個好多, 我都無咁緊張.
至少佢都有鍾情既課目, 雖然冷門些, 可能要到大學先搵到志同道合既朋友.
其實有你陪佢, 無錯係無有埋朋友咁豐盛, 但都足夠架.
我大果個阿氏, 都無咩深入交情既朋友.
多數宅係屋企, 不過由於阿媽鍚佢, 阿爸又成日攪笑.
佢生活都過得幾開心架, 我都係等佢大學先發展人際關係, 急唔來.
老實, 全世界既學校都有欺淩, 咩年代都有.
離開學校, 出到社會都一樣.
我曾身為受害者, 得出一樣結論.
欺淩人係無需任何原因, 只因加害者得閒無聊, 便揀條件弱於自己既來欺負打發時間.
所以唔係去到好嚴重既話, 支持佢做鍾意既事, 等佢係學校以外既時間開心些.
要麼時候到了, 佢察覺到需要自強. 要麼佢埋到堆, 大部人係哩類, 即所謂社交關係.
總會學識的.
讀書叻未必令人受歡迎，但點都有幾個好朋友，同埋唔會比人恰得太西利，被恰投訴亦有老師幫。
背後少少冷言冷語當然有，但可能出於妒忌，唔使理
我屋企窮，小學成日比人笑，改花名。
中學勤力讀書後好左好多，小息又成日去左揾老師，坐又可以坐前面，壞嘅人會慢慢遠離你。
我細個讀書好叻，但好寸，所以無朋友。連老師都憎我，上堂唔聽書（但成績好），又會寸老師教錯…
成績最好嘅幾個同學會代表學校參賽，老師非常不情願咁揀咗我
因為佢隔日就同我講，好唔開心。
國際象棋班大部份老師學生都憎咗佢…
不過我自己嘅經歷 都係捱到大學就無事
點解憎佢? 
你唔至勤力讀書，仲有靠自己去努力改善個問題，很好很積極！
咁係人品問題 
唔好介意
唔係人人都鍾意運動 = 唔係人人鍾意讀書，迫唔來。
鍾意做乜就由佢做乜
哇。。。 咁真係好難有朋友，強勢既性格可能係天生。
你小朋友只係控制唔到情緒，易發脾氣。。。無加埋好寸吧
當時我唔知讀書為咩(而家都覺得學校讀既野無用)，但無咩玩具底下，覺得睇教科書都有些趣味。
所以一直係年級第一，可惜無改被欺淩情況。
運動的話，同樣開頭唔知係咩，只覺得看來有趣，點知改變左人生。
唔好介意，我覺得你太「用力」。有時媽媽自己叻，無形中會將自己期望投射落小朋友度，就算自己幾刻意做到唔想比壓力佢，但你嘅「用力」小朋友看在眼裡，何嘗唔係一種壓力呢。
小朋友嘅行為頗受父母態度影響。最好唔好比小朋友見到自己幾仆心仆命幫佢安排，如果你態度淡若浮雲咁，個小朋友見到你都雲淡風輕，佢自己又點會緊張呢。
你小朋友自己好介意冇朋友還是你擔心佢冇朋友? 有d 人(好似我甘) 細個時唔擔心冇朋友架, 亦唔覺自己要好多朋友, 小息自己一個行吓食吓, 最緊要有一兩個同學問功課, 要求好簡單
舉手
我鐘意一個人靜靜地，唔鐘意識新朋友。不過唔知點解總有人會叫埋我一齊玩，其實我唔介意同人玩但唔鐘意一大班人，覺得唔自在。依家諗返都幾好彩，我讀九流中學都冇比人欺淩過，可能因為成日有朋友同我一齊。
咁我小學時係屋企又窮，自己又成日考尾二。
所以比人蝦總係有原因嘅
香港定英國？
因為佢有次輸棋大喊到嘔，就轉左老師。
然後第二個老師好嚴，佢輸咗失控踢台，老師話佢有暴力行為，叫我帶佢走。
好彩有位愛心老師收留佢，先無趕走佢
Sen通常都有人品問題
我仔都有，雖然不同向度。
所以就算佢讀書叻，我都預咗佢唔會識到朋友
當然仲加埋我唔需要朋友，無打算改，當時我真係好仇視整個世界。
我仔未有機會寸。但當佢做一樣嘢好叻時，佢都未學識點樣控制傲氣，因為佢太少叻 無咩機會練習