你agent係咪講笑。
呀mum響屋企，仲要3個細路，仲要b仔細細。。已經唔會多工人會揀
請2個仲要出4700蚊。。。
仲要同一間屋有2個工人，要share 一間房。。
我覺得你有排都請唔到，而家工人好識揀僱主架
Btw 要有2個陌生人響我屋企出現，仲要manage 人事問題，我唔係好得
4個讚
我唔識行情，Agent係屋企人用開，佢同我講咁樣有得兩個一齊做會易啲
我覺得個agent係氹樓主入局先
之後就大把原因叫你改呢樣改個樣
我朋友20年7月請海外姐姐，到今日都未嚟到
中間已經好多原因理由叫佢哋揀過個、用本地、加人工之類
4個讚
用開係無關，人哋都係打開門口做生意，都係要賺錢
同埋大前提唔係agent唔比個工人你，係而家工人要嚟香港好麻煩，本地嘅工人又扭計，呢啲都唔係agent控制到
1個讚
我諗起以前我阿媽湊屋企兩件。冇長老冇親戚幫手，仲要有一位長老住老人院，阿爸公司好忙朝 7 晚 8 做六日根本冇時間幫手湊。 SARS 嗰陣驚都要出門口買餸，落雨天就慘，孭個細捉住阿大仲要擔遮攞住抽餸，一次過買一大堆又辛苦，唔買多啲又驚好快再出門口。有時候忙到午飯只能夠食個菠蘿包。最煩係冇得由大嗰個自己喺廳玩，因為阿大特殊兒童，睇少陣都會出事。小朋友又容易病，呢個病完到嗰個，幾乎一個月病一次，搞到自己都病埋一份。屋企冇親子時間冇 me time，所有時間都用曬去做家務。
時光倒流阿媽都話要請個工人，起碼唔洗做到捱壞身體。可以坐低睇下電視陪玩休息下。
1個讚
用開個工人好同agent無關係，佢地只係做生意，但工人好與壞佢地都控制唔到
兩個定一個其實唔係最重點，重點係，你屋企有3個細路再加上你係唔洗返工
有經驗既菲姐90%唔會揀你屋企，無經驗既菲姐絕對有可能令你湊多個大女
印姐留到香港耐識講識聽既一樣唔會揀你屋企 再講 新手印姐有語言不通既問題，真係靠body language ，你3個細路禁細，要做到香港人要求真係要好一段時間
呢種情況響10年8年前已經存在，更何況而家疫情，幾多萬人等緊工人到港
而家請工人，根本唔係顧主揀人，係工人揀僱主。
仲有，工人到港隔離既洗費，染疫風險，小朋友細，自己諗清楚。。
3個讚
幫手做家務買嘢都要掛？ 你說街都要一拖三？仲有返放學呢？好難搞喎
請工人要搵多幾間agent問，我嗰時起碼搵咗10間agent，全部係朋友用過覺得OK嘅。
有啲衰agent會只比啲好差嘅工人CV你揀（年紀超過45歲、斷約、要求好高人工 etc), 同你講無得interview工人 等等，呢啲agent都唔可信。
你嘅case基本上只能請海外，因為有齊工人唔鐘意嘅元素（三個小朋友，有初生BB，FTM），依家請海外因為要隔離，飛機又隨時溶斷，係難啲嘅，等到就等香港通關唔使隔離先請，雖則唔知等幾耐…
1個讚
聽到都覺得辛苦。
所以我而家一聽人問請唔請工人，一定話請
小朋友大得快，太濕碎嘅家務可以外判就外判，留返啲時間陪小朋友又好，進修又好，做運動都好呀。
3個讚
我幼兒0, 2 歲, 雙職父母無長老,
4/2021 請海外菲以為嚟唔到, 8/2021 請咗本地印, 10/2021 菲入屋,
佢地share room , 開頭我分工, 醒印會投訴下海外菲 
(我都覺得菲好蠢)
但係磨合咗兩個月, 已經無投訴, 仲分工分得好好, 大B 有人陪玩。
放工返嚟有飯食, 有親子時間, 唔使煩家務, 心情都無咁燥。
一早買晒四寶, 工人可以慳番時間湊B。 兩個搵錢仲好洗…
前提係兩個工人要心地好, 勤力, 唔好想蝦另一個先得
1個讚