有三個好細幼兒0,2,3，一直自己湊大無人無長老幫，如請姐姐請一個一定好難肯同有能力湊三個。即是我最小請兩個姐姐，問題就黎，到時奶奶一定有說話比我叫我做野減輕佢仔負擔（咁我生黎做咩就係想自己教育）
如果請一個同我part 咁我就會諗點解我唔自己辛苦小小，一打三（我相信我有能力，但一定係辛苦，冇自由）而捱咗工人果6000budget? 6000可以做好多野了，只係我眼見另一半捱屋租捱供車捱奶粉捱洗費，替佢辛苦。
有人話錢唔係咁樣慳。。
首先，你要請到工人，先可以有呢個煩惱。
如果你請到，咪請著一個試下先，再決定請唔請第二個。講抵唔抵嘅話，請一個一般係最抵，請兩個嘅效率係請一個嘅1.5倍左右。
5個讚
諗咗半年都未諗通
舒服小小，小咗錢/辛苦啲，有多餘錢，真係唔識揀。。
請一個工人都好正常，因為三歲準備返幼稚園，
以後多咗機會外出接送返學放學。
現在疫情嚴重，好難帶埋細佬們出門口，留低係屋企好啲。
仲有返咗學校之後，接觸咗外面世界，感冒機會多咗，到時你知咩叫麻煩。
有個朋友生第3個後，請咗個工人，發現自己好唔慣有工人，結果都係唔續約自己湊返。
有朋友生3個後請工人，工人主要睇細嘅，大兩個自己湊。
有朋友生兩個都請兩個工人，請兩個互相競爭嘅，等佢哋唔可以通水。
有朋友生兩個都請兩個工人，請兩母女，等佢哋合作無間
1個讚
既然你想自己湊又使乜工人湊三個呢？叫佢做下家務買餸煮飯都可以呀，你一個湊三個又全屋家務事都好吃力架，輕鬆少少都好丫！
不過前題係工人幫到手先得，否則，你唔係一湊三，係一湊四！
2個讚
我家人三個家庭啲姐姐都好好，好聽話，黎我屋企時都好主動幫手。唯一我請過一個姐姐兩個月衰到非起，都有啲陰影，明明我地好錫姐姐
都想再博多一次，做下家務都好啊，我上一個洗得唔乾淨，叫佢再洗，已經黑面同我博嘴
兩個唔會啦，好難manage
一個ok 喎，行開行埋有人幫你，清潔買餸有佢個，你可以親力親為湊仔
2個讚
工人係僱員，唔需要當佢哋係朋友/親人，正常當僱員咁管理和尊重就得，否則佢哋會得寸進尺。
依家3個小朋友+FTM嘅家庭組合，極難請工人，你要請只能請海外。
如果唔請工人，返學諗住點搞？
3個咁細小朋友+ftm，無可能請到工人，就算請到overseas都好快走
係，人知常情，一聽到湊3個真係唔會諗
有冇諗過試吓請保姆
我見樂x一站有照顧嬰幼兒服務
到時可以請個姨姨幫手帶大嘅返放學，或者喺屋企幫手湊住細個兩個
如果自己湊住小朋友冇時間做家務，可以請鐘點呀
雖然計返條數表面上會貴過姐姐，姐姐雖然人工固定，但包住包食，分分鐘水費電費食材費都唔少，而姨姨至少應該冇咁激氣同唔使點教佢做嘢
如果姨姨做得唔好，又可以隨時換人
1個讚
經濟許可請一個工人幫手
起碼有多個人幫忙買餸/家務/接放/看管
要預左頭3個月train工人/夾工人會勞氣d，辛苦d
相信夾到工人後你會輕鬆好多
係，唔洗㗰錢了，轉頭就跳船
咁老公有冇咩諗法
你真係勁，一個湊三個都話搞得掂
好想知你點分配時間
我就覺得要有人幫下手，有工人肯做就工人
請唔到工人就鍾點
佢哋做啲下欄嘢/買餸/家務
Free 返你既時間出嚟教育/陪玩
最好ftm有me time，有機會自己休息下諗下野，冇咁枯燥之餘又可以增埴自己，對家庭子女都好
要問番樓主先知佢先生咩諗法喎
不過我嚟緊放完產假，都快要面對搵人照顧bb嘅問題
我先生最初傾向搵工人姐姐，但而家覺得搵保母姨姨都ok
因為有人好唔鍾意屋企有外人。
不過有工人姐姐先可以陪下小朋友，如果唔係做家務、換片、沖涼都用曬時間，係湊大左小朋友，但陪佢地傾下計、玩下既時間都無乜
我哋之前請過工人照顧家人，我哋唔慣有外人一齊住，同埋都唔慣同唔好意思開心叫工人做嘢，不過我哋返工，屋企人有工人姐姐幫手照顧就放心啲
需要照顧嘅家人離世後，我個工人姐姐好直接主動同我講喺屋企冇嘢做好悶，想解約搵過份工，因為個陣我未有bb，所以俾佢搵過份工……我哋而家都有keep住聯絡