請啦，應付到同俾到好啲質素生活小朋友係兩回事，我無請工人姐姐，湊兩個都叫救命，好彩有鐘點姨姨嚟幫手做家務。
我兩個小朋友再細啲時真係揹住個細去煮飯炒餸，由大嗰個自己喺廳玩，個個一聽到就讚，哇你自己一湊二好叻，但真係有苦自己知。如果時間可以倒流，我一定喺生第一個前請定工人姐姐
你小朋友再大啲，返學的話，你點湊住兩個細去送大嗰個返學？好天時太陽曬又辛苦，打風落雨更加難攪。
奶奶唔同住，就唔好太苦惱點應付佢，你老公都ok請工人,就叫佢handle埋奶奶，請工人唔係淨係你得益，你都要有足夠休息先有健康身體，先有能力俾更好的三個小朋友同照顧好頭家。有時間不如同小朋友伴讀同玩，好過拎呢啲時間做家頭細務。
6個讚
我老公諗法同我一樣，似外國咁兩公婆一齊湊，老公一天外出工作3-4小時，一人一半湊，補上補下，我地已習慣分工，但成日有人問你搞唔搞得惦啊，請工人好喎，最大問題只係我地出街係好論盡，其餘時間大家分工已成習慣，湊小朋友一定辛苦，我地兩公婆都係中意做家務，煮飯，其實係幾享受。問老公請唔請佢又叫我話事，咁有工人當然想啦有邊個唔想，只係歸咎唔捨得用佢錢。
當然你哋可能會講咁梗係容易啦兩個一人一半，但如果嗰個月多生意（最近），老公就會出去大半日甚至夜晚都未翻，所以大部份時間又係我湊，半夜我仲要夜奶，只可以話唔可以指望同佢一人一半。 我唔敢怨辛苦自已捱，因為佢又肯努力揾錢顧家。就是這樣
翻學放學我唔擔心，因為老公工作比較自由所以小朋友學前playgroup返學放學都係老公接送，買餸買日用都係。所以我唔需要擔心一個帶三個出去，以前第一個就係我自已跟，但係而家三個佢都知出去好困難。。。有時就佢睇我自己出去。題外話，基本上我仲未打針，成個月在家都不成問題。
所以我哋咁嘅背景其實係咪唔需要都得？
咁呢啲忙嘅時間維持幾耐？幾耐發生一次？
首先你係唔會請到工人。
3個幼兒已經難請，仲要ftm，仲要2個工人，基本上係所有工人唔中意嘅情況都出現係你屋企，不如疊埋心水自己湊啦，既然你生得就係想自己湊返，辛苦都係預計之內啦，咪自己捱埋佢囉，間中搵社區保母幫手你自己出去抖下氣
3個讚
睇情況你哋兩個好叻，唔算勉強都可以湊到三個。請唔請反而係你自己覺得長期咁湊有冇d攰、厭惡同想抖下嘅心態。冇嘅就唔請都得
咁都好啲，因為未有疫情時我老公要返公司，我自己日日揹一個拖一個返學，日日都問自己為咩要咁捱，可惜大女慣咗我照顧，問過佢佢話唔想跟工人姐姐，我就搵搵吓無再搵
有啲媽咪湊一個都會好吃力，我有朋友一湊四都無問題，所以背景無必然關係，不過啱啱見到樓下留言都講得好啱，你個家庭組合未必有姐姐願意做，想請都未必咁易
我係你唔會咁抗拒請工人，可以試吓搵先，搵到個夾到嘅真係可以幫輕吓自己，搵唔到就繼續好似而家咁自己湊，試搵無壞
好似日本媽媽，勁辛苦
同意~ 請2個, 最後只會有1個人既輸出能力, 但錢又洗左.
生得預左無自由架啦…
我會為自己老公個荷包諗下…畢竟, 2個工人, 開支就好大, 人工6000, 仲要食同住, 除非真係好有錢啦~
見你咁睇6K, 即係錢銀有D緊? 你咁近生3個, 你未生前係PLAN 全部自己TAKE CARE?
今日問咗agent佢話如果請一個就算比到高人工佢都搞唔掂三個，建議我請兩個最低工資，個agent係熟人介紹你地覺得點？
會唔會同佢哋講明邊個搞事搞飛，做得唔好就炒邊個剩低嗰個就攞埋佢嘅人工
或者你要改下諗法，你係請helper，係分擔你工作，唔可以旨意佢做哂，可以試下同agent講，請返來淨係做家務同清潔唔使湊小朋友，睇下有冇工人肯
2個讚
有兩個方案，
一個方案係我同工人part（但係agent話佢見到你咁多小朋友你最少都要出7000），
另一個方案就係交晒比兩個工人自己就可以出去工作起碼變相係自由。（成皮）
因為我自己諗諗吓其實請咗姐姐真係會幫到手，但而家仲要考慮兩個方案，但老實講我自己係好辛苦好辛苦可以照顧到三個，但身邊好多人都話叫我唔好咁操勞，我自己諗咗一段時間都覺得係值得請工人！
咁你會幫手架嘛, 請一個先啦, 本地完約唔會制架啦, 搵海外
海外佢話等四五個月，仲要而家又要隔離同埋有人2020年請到而家仲拖緊，所以有啲驚，Agent就同我講海外就可以最低工資
如果經濟負擔到，好建議頭幾年bb細時請工人，之後佢地番哂學再諗cut唔cut。媽媽既精力就係得咁多，多一個人幫手做下家務，親子同夫妻關係都會好好多。
呢個時勢, 你請到本地, 都唔會係好野. 本地完約又好ge點會肯同你一湊三, 仲要老人家阿mum都在家
我親戚請海外都等左9個月, 一湊三, 暫時表現好過之前個個超多
勁。。。 海外通常係蠢啲但係聽話同埋肯捱。
我agent同我講等三至四個月，我覺得唔會咁短。。
方案2唔可行，唔好講完全交低你唔放心，2個工人如果玩野咁你份工仲返唔返，同埋manage 2個工人隨時心力交瘁，方案1你諗下如果淨係做家務睇下有冇工人制，如果請海外應該有人肯，要等幾個月但叫做到時有人幫輕下