仔少少挫折，就會大發脾氣。例如串字串錯三次會發脾氣，寫中文字會發脾氣，捉棋比賽輸咗會發脾氣。可能和sen有關。
佢發脾氣時，會喊，大叫，踢嘢，撕紙，情緒化，變得無法用道理溝通。
我為呢件事和老公爭執咗幾年。我覺得佢需要渠道發洩，撕紙可以舒援，就由佢撕（無用嘅）紙。但老公覺得佢應該忍耐，只可以用深呼吸嘅方法。為呢件事我哋多次爭吵，整個家庭關係受影響。
有位捉棋老師覺得，喺之前嘅老師唔識教sen，我仔先咁大反應。佢自告奮勇教我仔，要教識佢點樣輸，我好開心。但老公就覺得，咁樣唔喺太好，應該要阿仔學識點控制情緒，唔應該老師就個仔。
嘩！真係執到wo, 小朋友學點輸真係一門課
佢情緒咁波動，仲同佢講道理用理性控制情緒，係咪有點那個。不過都要睇返你仔年紀既，好似小學？
any肥，屋企野你話事，可摸意適當時候叫你c6收聲？
縱使佢既意見係appreciated
講返轉頭，其實小至spelling, 串唔岩都會有挫敗感，而sen可能將情緒化大幾倍，所以我覺得你個捉棋老師可以一試。
我小朋友5歲懷疑ADHD都係一輸咗就喊又發脾氣，情緒上落得好快，容易笑又容易喊，我都好努力咁教緊佢控制情緒，我同佢講輸咗會唔開心可以喊，但唔可以發脾氣，如果唔開心媽媽可以攬住你，嬲豬時都唔可以亂發脾氣，可以唔出聲，搵個地方冷靜下，冷靜完再話俾媽媽知乜事，我盡量唔想佢發脾氣怕傷害到人或自己，教佢用其他方法舒發情緒，學習控制情緒真係好難，我睇過D文章話如果太抑壓情緒唔係好事，會影響佢將來嘅性格變得內向怕事，所以唯有慢慢教，希望可以幫到佢了解自己嘅情緒。共勉之。
撕紙同深呼吸其實都係一個好方法，逼小朋友忍耐就唔係咁好，同老公溝通下，如果佢講極都唔明就叫佢唔好理，等你試吓先。
情緒出去（發洩），理性才會回來
你老公嘅做法似叫個仔收埋d情緒多過控制
支持你嘅做法，加油
佢係咪覺得無面？
深呼吸方法正常大人都做唔到啦
因為佢細個就係咁忍大
其實爸爸嗰個都係一個方法，但偏向要求小朋友喺情緒調控成熟少少嘅階段
你仔可以先學習認識咗輸或者挫折帶嚟咩感受、情緒先，我哋可以嘗試用d情緒形容詞幫佢描述當刻嘅心情，然後再教佢有咩方法可以紓緩，小朋友可以用媽媽講嘅方法，或者同小朋友傾下覺得點樣會令佢冇咁嬲
當小朋友遇到挫折，習慣用到你同佢傾出嚟嘅方法或你提供嘅方法，而又真係係紓緩到嘅時候，就可以慢慢教佢用爸爸個方法
我覺得男仔發洩情緒單單用說話唔足夠，可能要一d動作，如打、拍、叫先真正發洩到出黎
不過其實我覺得你好知你仔需要咩，問題反而喺你老公到
如果你老公細個都係忍慣，你可能可以問下你老公覺得收埋情緒係咪一件好事，對佢自己有咩好處，比佢從頭選擇過係咪都會一直忍
有可能呢件事唔關你個仔事，係你老公有某些童年回憶（陰影）投射咗落自己個仔到，所以佢先咁大反應成日嘈
我曾經聽過一個講法，小朋友一輸發脾氣，就源自於佢哋覺得自己冇用，所以輸更打擊自信心。就好似有錢人會捐錢，因為自己好有錢，捐出去無所謂。窮人唔想捐錢，自己已經冇錢，仲點會捐？所以小朋友輸唔起，就因為自信心不足。所以要幫助小朋友建立自信心，就要多讚美，同故意俾佢贏同成功感。所以同佢玩就故意輸俾佢，如果要佢一直輸，反而更挫敗。當然，同一大班人玩，冇得控制輸贏，就冇辦法。
我朋友覺得呢個方法好work，好幫到佢小朋友。但放係我試左呢個方法一段時間，自己小朋友係有進步，起碼玩uno俾人狂draw都接受到。但去到輸都係會發脾氣
我前幾日帶佢做評估，心理學家話可能同佢個ASD有關。我而家等報告，希望搵岩training 幫佢。
嘩，呢個方法錯哂呀！故意輸比佢，不斷制造成功感，咁咪更加唔識得面對輸。
一面倒輸或贏都唔應該，最緊要是教導小朋友明白這只是一場遊戲，最重要是玩樂的過程，而唔係只著眼於輸贏的結果。
ABA 老師會識得幫ASD小朋友做呢方面訓練
兩位嘅講法我都心同感受，成日喺兩個方法中搖擺。也許是兩者取一個平衡？
平衡是一定的，如果唔識就要搵專業人士幫手。
同唔好期望小朋友短時間改善，係持久戰來的，加油
真心，一般小朋友當然明白，但對SEN 小朋友係一件難事，我由細到大講到口水乾，佢都唔明，咁可以點講？講就容易，做就難
唯有係不同方法都試下，再拎一個平衡
我見言語治療師都係用li個方法處理sen 小朋友，不過當未必一定個個sen都適用同一個方法，真係只有邊教邊試
加油
介紹你看一本書：
教孩子跟情緒做朋友：不是孩子不乖，而是他的左右腦處於分裂狀態！(0~12歲的全腦情緒教養法)
◎教孩子學會跟情緒好好相處，是父母給孩子最好的生命禮物
孩子吵著要買玩具，賴在地上怎麼勸也不肯走？
跟孩子說不到兩句話就吵架，怎麼講都講不聽？
當孩子的情緒亮紅燈，表示他的左右腦跟上下腦都處於分裂狀態！
教孩子學會運用左腦安撫情緒，鍛鍊上層大腦、培養同理心，用運動改造大腦、化解怒氣。
整合上、下、左、右腦，孩子就能正確處理情緒，變得更加明理懂事，更有能力創造出美好的未來。
◎光講理還不夠，要先同理孩子的情緒，再理性引導
美國腦神經權威和知名兒童發展專家，結合最新腦科學、兒童發展心理學與臨床個案經驗，
提出整合左右腦的「全腦情緒教養法」，教你善用孩子大腦的發展特性，進行教養。
請記住，當孩子的情緒亮紅燈，先溫柔地帶著孩子觀察內在的感受，安撫他的右腦和下層大腦；
再用溝通技巧巧妙引導，幫助他們用邏輯平衡強烈的情緒，鍛鍊左腦和上層大腦。
達到身體與心靈的全腦連結，孩子就能逐漸學會管理情緒，變得更加自律而快樂，同時為成年的品格力打下基礎。
我最大既得著係自己同小朋友情緒真的好咗，不是壓抑情緒，而是用好嘅方法處理情緒，你個世界會變得更美好
呢方面唔係靠講做到，亦唔好要求小朋友明白大人的解釋，特別係SEN小朋友，共情能力和情緒調節較弱，也比較執著。
大人提供實戰機會，讓小朋友反覆嘗試，輸左認同小朋友情緒、接受再安撫係其中一個方法，佢要發洩可以由佢發脾氣，但大前題係唔可以傷害到任何人，先再教佢用唔同方法發洩情緒，撕紙、打枕頭、深呼吸、數數字都係控制情緒的方法，無話對與錯、只有合適與否。贏左就教佢安慰別人，唔好得得戚戚，然後慢慢引導佢輸贏唔重要，最緊要玩得開心。呢方面要時間，唔係一時三刻做到。
如果情況好嚴重，呢啲情況就要搵專業人士幫手。
家庭關係唔好，小朋友情緒點會好
建議先搞掂你老公
其實你講嘅我都做過曬，專業人士都搵過好多個，俾好多錢去好多sen中心，不過做咗幾年都係搞唔掂。而家移民換咗新環境，學業壓力細咗，情況好似好咗，不過亦可以話純粹逃避咗個問題。而家仲繼續試緊新專家，新環境
如果係咁，我會建議你回望自己的家庭關係，會唔會有一直自己唔為意既家庭因素，唔覺意成為一個小朋友亂發脾氣既factor 。
有時小朋友發脾氣，係為左攞negative attention , 可以諗下小朋友發脾氣時，自己係乜嘢反應。有時父母越鬧，子女情緒越大，反之亦然。
其實係。去咗英國，我自己情緒都好咗，仔情緒都好咗。
不過我剩返嘅問題，就係我唔喺度嘅，佢喺學校時嘅情況