明白，抱抱，因為我情況都同你類似。但香港呢兩年情況，都令佢上少咗training。不過我都開始搵專業人士幫助。而令佢贏多左既方法，反而我有感覺係佢開始知道自己其實有能力贏，輸唔係一定。不過有時情緒佢都過唔到，於是我又去試其他方法。不過媽媽溫柔地堅持係有回報。我有個細女，佢會學我講：唔緊要啦，所以我都有啲安慰。所以你都加油，一定會搵岩方法
最近我都學緊好多有關呢方面嘅事
仔最近被確診係SEN
情緒超級波動 亦好玻璃心
幸好認識咗位教育心理學家
佢同我傾好多計
三番四次提醒我 要時常問及佢個人情緒 因為佢地係唔識處理
例如：
點解咁嬲呀？
係咪好辛苦呀？
如果我係你，我都會好唔開心呀！
多啲呢類傾計 引導佢講說話 我覺得有幫助
教佢封閉自己 否定自己 唔認真對待情緒唔係一件好事
2個讚
其實我都覺得仔仔搵到第二個方法唔傷害到人之餘又排解個情緒幾好… 聽講嬲既時候人係最control 唔到自己隻手，所以會掉嘢打人etc，或者可以試下老老套套咁攤開隻手數十秒之類…
或者媽媽可以幫佢講佢嘅感受出來，其實我覺得嬲或者唔開心嘅人，當有其他人知道自己感受嘅時候，已經會好一大半。例如「我見你開始呼吸好快，隻手肌肉好緊，你係咪覺得好嬲，因為頭先輸咗個好重要嘅比賽，你好失望所以唔開心？你想唔想話比我知你嘅感受，我有冇嘢可以幫到你？」
不過我唔清楚呢啲對sen 小朋友好唔好，會唔會令佢更辛苦。
長遠講，唔知你哋有冇興趣學習靜觀？靜觀幫助人察覺個情緒，咁可以喺自己真係發大脾氣之前，搵第啲方法抒發咗佢。
其次覺得樓主同先生長遠都要睇下啲嘢點夾，記得先前樓主都講過揀學校嘅嘢，好似兩個極端咁，你就liberal 啲，老公就鍾意disciplined 啲，但問題係老公好似成日ban 你ideas，但執行（教and 引導小朋友）嗰個又唔係佢…
我小朋友應該唔係SEN,學習認知能力唔錯，但
K1K2時對於輸/做錯/失敗非常介懷，跟朋友玩遊戲，
跟父母比賽等等，只要出現不如意，就會有情緒/逃避
。我覺得跟我希望佢做功課做岩曬等等日常這些事有關，
而且我也慢慢接受佢輸會哭呢件事，當我開始接受佢有
這情況，也不會視為是困擾，將佢視為人生必經過程，你
感覺大家都輕鬆了。依家佢輸左無乜野，但會傾向逃避有競爭性
的遊戲。不過我依家覺得唔緊要，慢慢就可以感受到當中的樂趣。
我覺得喊就抱下佢，俾佢盡情喊。既然都教左佢方法，做
唔到佢都未控制到，始終控制情緒的杏仁核係到成人先發展好。
1個讚
有學過，都有少少用，但仔唔係太肯學
執行佢都有份架。有時我亦真係需要佢幫手，例如我好易唔耐煩，呢個時候我就叫老公接手。
無論如何，我唔敢勸佢著，怕有反效果。我等緊位新老師，如果佢有成果，用實際結果勸佢有用啲
1個讚
照顧小朋友係好勞累的